Zozué 24:26 - ꞌRe Ihâimana Uꞌâsi Mono Zadawa Wasuꞌu

²⁶ 'Re ihâimana u'âsi mono mreme na ibaihâ nhisi na ma tô rob'ui'éré, roti na hã. Taha pari ẽtẽ tõmo wawẽ te te âri wamhã, ma tô wede iwazéb zahi zahâpâmhã tihi, 'Re ihâimana u'âsi mono, Uburé Danhib'apito ãma 're idawata za'ra mono zéb ãma.

Zozué 24:26 Iomraidhean Croise

Zenezi 31:45

Tawamhã Zaco, ẽne itõmo waré pa hã ma tô 'mai'â. Te te 'mai'âri wamhã, ma tô hâiwi para na hã tisã.

Zenezi 35:4

Tawamhã Zacoho ma, ma tô isiré a'uwẽ'õ norĩ te romhâibarĩ hã duré dapo're za'ruzé tãma sõmri za'ra. Tahawa, Siquẽ 'rata rowede iwazéb zahi 're isa mono zahâpâ ma tô uburé ãma ti'a za'ra.

Zenezi 35:8

Ta rob ãma Débora, Rebeca te te iwarahu hã ma tô dârâ. Dâ'â wamhã, wede iwazéb zahi, 're isa mono zahâpâ ma tô siwi tisẽ, Bétéu hâiwa nhimire niwĩ 're ihâimana mono ãma. Tahawa isisi hã ãne: “Wede iwazéb zahi ãma datõmo'u dawi 're ipraba mono” na.

Ezodu 24:4

Tawamhã Mozési, Uburé Danhib'apito nhimiroti na ma tô uburé ãma rob'ui'éré. Tawamhã awẽ bâtâ na mararé ẽtẽ 'rãihâ zahâpâ ma tô danhimizama zatazéb da, sisiwipsi ẽne hã sa'ra. Te te sa'ra wamhã, ma tô duré 12 na ẽtẽ waré hã hâiwi te te anhoré, Izaraéu nhihudu norĩ hâiba za'rata mono bâ.

Zuize 9:6

Tawamhã Siquẽ ãma duré Bete-Miru ãma uburé aibâ norĩ 're ihâimana za'ra mono hã ma tô 're si'rã'õtõ, Siquẽ ãma wede iwazéb zahi, 're isa mono ãma. Tahawa, ma tô tame Abimelequi tãma si'apito za'ra da hã siwi tisẽ.

1 Samuéu 7:12

Tawamhã Samuéu hã ma tô ti'â ẽtẽ tõmo wawẽ hã. Tawamhã ma tô tihi, Mispa na 'ri nho'õmo ro wa'wa, Sẽ na daza'ru nhisi wa'wa me. Tawamhã te ãne tinha: — Ãwap si ma tô Uburé Danhib'apito hã wapawaptob za'ra. Tahawa, ma tô sisi, Ebeneze na.