Zozué 24:18 - ꞌRe Ihâimana Uꞌâsi Mono Zadawa Wasuꞌu

¹⁸ Wa norĩ hã taha zarina i'rowi 're wanhisisi mono nhidâpâsi, ma tô Uburé Danhib'apito, a'uwẽ norĩ hã te te wama 're awano'õ, amoreu norĩ ã hã ti'ai 're, aré 're ihâimana za'ra mono norĩ zama. Tahawa, wa za wa norĩ zama ãma 're wanomro, Uburé Danhib'apito ãma hã. E marĩ wa. Ta hã wate 'Re ihâimana u'âsi mono wa.

Zozué 24:18 Iomraidhean Croise

Ezodu 10:2

Ta hã ãne na ĩnhimi'manharĩzé ai'ra norĩ ma zama 're wasu'u za'ra wa'aba mono da, duré asihudu norĩ wa'aba ma, ezipsiu norĩ simiza'rese'õ ne ihâimana za'ra zém na ĩnhimiromhõsi pipa te tãma ĩ'manharĩ za'ra zéb zarina. Ãne da, wa tô a'â wa hã nasi 'rãnhitob za'ra. Ãne zarina te za a norĩ wa'wa hã duré asiwi ĩwaihu'u 'wa, wa hã Uburé Danhib'apito na hã.

Ezodu 15:2

Uburé Danhib'apito hã siptete na ĩ'wawi 're isimapa mono 'wa; Õ hã ma tô ĩnho'reptu. Õ hã, ĩte 'Re ihâimana u'âsi mono wa, wa za ãma ĩwata. Õ hã duré, ĩmama te 'Re ihâimana u'âsi mono. Iwaihu'u pese na zama ĩnho're na hã wa za duré ãma 're ĩwata u'âsi.

Zozué 23:9

Uburé Danhib'apito, a'uwẽ isa'ẽne hã, duré isiptede hã ma tô romhâ na hã te te sate. Duré ni'wa, ã bâtâ u hã asada za'ra wa'aba siptete waihu'u õ di.

Zozué 24:17

Õ hã Uburé Danhib'apito, wate 'Re ihâimana u'âsi mono ma te tô wahi'rata norĩ me simisutu na hã wa'awaze, Ezitu ãma wapawa'âbâ ãna wa te 're iromhuri za'ra mono zém hawimhã. Duré marĩ iwaihu'u'õ isa'rese'õ te te i'ab'manharĩ mono zé hã wa tô 'madâ'â za'ra ni. Duré õ hã ma tô te te 're wa'ab'madâ'â pese, bâdâdi na 're wanomro mono ré hã, duré ti'ai wa'õtõ nho'õmo wa'waibaba 're wanomro mono ré hã.

Zozué 24:19

Tawamhã te Zozué dama tinha, ãne: — Uburé Danhib'apito ãma 're i'anomro aba mono da hã mare di ãté. E marĩ wa. Õ hã, 'Re ihâimana u'âsi mono, marĩ iwasédé, ãma 're ihâimana mono õ, iwẽ uptabi. Duré õ hã ihâiba'õ ãma 're iwata za'ra mono norĩ hã te te 'wapé zei õ di. Tahawa, aiwasété za'ra wa'wa te te aima 're i'apari aba mono da hã, mare di za.