Zozué 24:17 - ꞌRe Ihâimana Uꞌâsi Mono Zadawa Wasuꞌu

¹⁷ Õ hã Uburé Danhib'apito, wate 'Re ihâimana u'âsi mono ma te tô wahi'rata norĩ me simisutu na hã wa'awaze, Ezitu ãma wapawa'âbâ ãna wa te 're iromhuri za'ra mono zém hawimhã. Duré marĩ iwaihu'u'õ isa'rese'õ te te i'ab'manharĩ mono zé hã wa tô 'madâ'â za'ra ni. Duré õ hã ma tô te te 're wa'ab'madâ'â pese, bâdâdi na 're wanomro mono ré hã, duré ti'ai wa'õtõ nho'õmo wa'waibaba 're wanomro mono ré hã.

Zozué 24:17 Iomraidhean Croise

Ezodu 13:14

Tawamhã niwa apto'oré ai'ra norĩ, marĩ te te iwasu'u na te te ãma 're asadanharĩ za'ra wa'aba mono wamhã, te za ãma 're isada'âbâ za'ra wa'aba mo, ãne: “Uburé Danhib'apito tiwaihu'u pese na ma tô Ezitu ãma wapawa'âbâ ãna wa te 're iromhuri za'ra mono zém hawimhã we wa'awaze.

Ezodu 13:3

Tawamhã Mozési hã ma tô dama rob'rãzarõtõ, ãne: — Ã bâtâ ãma 're aipo're si'âri za'ra wa'aba mono õ di za, Ezitu hawi i'aiwairébé aba zém na hã, aipawa'âbâ ãna aré dama 're iromhuri za'ra wa'aba mono zém hawimhã. Ã bâdâ hã Uburé Danhib'apito te te we i'asani za'ra wa'aba zé, tiwaihu'u pese na. Tahawa, i'u'ẽne iduptobzém na hã 're huri aba mono õ di za, datozé bâdâ 're ihâimana mono na hã.

Ezodu 19:4

“Wa hã Uburé Danhib'apito, ezipsiu norĩ ma, te i'manharĩzé ma tô atõmo na a norĩ wa'wa hã i'madâ'â za'ra wa'wa. Si'õmo wawẽ tipaihi na ti'ra te te 're i'upari za'ra mono ne, 'râwi te we ĩsitẽme i'asimroi wa'aba mono zéb zama ma tô atõmo na hã i'madâ'â za'ra wa'wa.

Zozué 24:16

Tawamhã a'uwẽ norĩ, ma te ãma sada'âbâ za'ra ãne: — Niwamhã Uburé Danhib'apito wa te wasiwi irẽme da hã wa te rosa'rata za'ra õ di, ihâiba'õ ãma si i'upa na 're wanomro mono da hã.

Zozué 24:18

Wa norĩ hã taha zarina i'rowi 're wanhisisi mono nhidâpâsi, ma tô Uburé Danhib'apito, a'uwẽ norĩ hã te te wama 're awano'õ, amoreu norĩ ã hã ti'ai 're, aré 're ihâimana za'ra mono norĩ zama. Tahawa, wa za wa norĩ zama ãma 're wanomro, Uburé Danhib'apito ãma hã. E marĩ wa. Ta hã wate 'Re ihâimana u'âsi mono wa.