Zozué 24:16 - ꞌRe Ihâimana Uꞌâsi Mono Zadawa Wasuꞌu

¹⁶ Tawamhã a'uwẽ norĩ, ma te ãma sada'âbâ za'ra ãne: — Niwamhã Uburé Danhib'apito wa te wasiwi irẽme da hã wa te rosa'rata za'ra õ di, ihâiba'õ ãma si i'upa na 're wanomro mono da hã.

Zozué 24:16 Iomraidhean Croise

Salmu 119:106

Te iropisutuzé hã wa za aima suwa, asimiroti i'uwaibaba na ãma asimirowaihu'uzé hã te 're i'madâ'â pese mono na.

Roma 3:6

E tawamhã i'uwaibaba te ta norĩ hã ãne na hã te te 're rosa'rata za'ra. Mare di. I'uwaibaba õ di. 'Re ihâimana u'âsi mono hã te tô i'uwaibaba si te te 're da'ahâ za'ra. I'uwaibaba na si te marĩ na te te dama 're arowairébé. Ãne zarina te te dama 're arowairébé mono õ 'wa'âhã, aré te te da'awẽ'õ waihu'u õ di, za da'ãma isipo'ozéb ãma, 'Re ihâimana u'âsi mono hã.

Roma 6:2

Mare di. 'Re dadâ'â za'ra mono wa, marĩ zô, da te oto 're irob'ruiwapari za'ra mono õ ne, wa norĩ hã wawasété zô, wa te oto 're rob'ruiwapari za'ra mono õ di za. Tahawa, wawasédé hã wa te duré 're 'manharĩ zahu za'ra mono õ di za oto.

Zozué 24:15

Tane nherẽ, Uburé Danhib'apito ma, 're anomro aba mono da, asima wẽ za'ra wa'aba õ wamhã, ãhã na awa'awi na hã asima pisutu za'ra wa'aba, nimahã ãma si 're anomro aba mono da wamhã. Niha hã wamhã, te za tô asima irowairébé za'ra wa'wa, aihi'rata norĩ hã Mezopotãmia ãma, ihâiba'õ ãma 're iwata za'ra mono ma si 're anomro aba mono da hã, niha wamhã, amoreu norĩ te ihâiba'õ norĩ ma hã, ã hã ti'ai 're, 're ihâimana za'ra mono zéb ãma hã. Tane nherẽ, wa za tô wa norĩ hã wanhorõwa 're, 're iwahâimana za'ra mono norĩ hã Uburé Danhib'apito ãmap si 're wanomro.

Zozué 24:17

Õ hã Uburé Danhib'apito, wate 'Re ihâimana u'âsi mono ma te tô wahi'rata norĩ me simisutu na hã wa'awaze, Ezitu ãma wapawa'âbâ ãna wa te 're iromhuri za'ra mono zém hawimhã. Duré marĩ iwaihu'u'õ isa'rese'õ te te i'ab'manharĩ mono zé hã wa tô 'madâ'â za'ra ni. Duré õ hã ma tô te te 're wa'ab'madâ'â pese, bâdâdi na 're wanomro mono ré hã, duré ti'ai wa'õtõ nho'õmo wa'waibaba 're wanomro mono ré hã.

1 Samuéu 12:23

Wa hã te ai'ãma 're irowaptẽrẽ za'ra wa'aba mono zé hã te irẽme da hã mare di. Ãnei õ wamhã, wa aré ĩwasédé hã 'manha, 'Re ihâimana u'âsi mono wi. Wa hã wa za ãma aima te 're rowasu'u za'ra wa'wa bâdâdi iwẽ na ãma 're i'anomro aba mono da hã.