Zozué 24:15 - ꞌRe Ihâimana Uꞌâsi Mono Zadawa Wasuꞌu

¹⁵ Tane nherẽ, Uburé Danhib'apito ma, 're anomro aba mono da, asima wẽ za'ra wa'aba õ wamhã, ãhã na awa'awi na hã asima pisutu za'ra wa'aba, nimahã ãma si 're anomro aba mono da wamhã. Niha hã wamhã, te za tô asima irowairébé za'ra wa'wa, aihi'rata norĩ hã Mezopotãmia ãma, ihâiba'õ ãma 're iwata za'ra mono ma si 're anomro aba mono da hã, niha wamhã, amoreu norĩ te ihâiba'õ norĩ ma hã, ã hã ti'ai 're, 're ihâimana za'ra mono zéb ãma hã. Tane nherẽ, wa za tô wa norĩ hã wanhorõwa 're, 're iwahâimana za'ra mono norĩ hã Uburé Danhib'apito ãmap si 're wanomro.

Zozué 24:15 Iomraidhean Croise

Zenezi 18:19

Wa hã, Abra'ã wa tô pisutu, ti'ra norĩ ma, tinhihudu norĩ ma, ĩzadawa na si 're sõpré mono da hã te te tãma 're waihu'u za'ra mono da, tãma ĩnhimirotizé hã te te 're wapari pese za'ra mono da, duré i'uwaibaba na si sena na ãma 're nomro mono da. Tawamhã ta norĩ ĩmreme te te 're iwapari pese za'ra mono na 're hâimana za'ra mono wamhã, wa hã wa za Abra'ãhã ma, te tãma iropisutuzé hã uburé ãma tãma a'uwaimra.”

Zenezi 35:2

Tawamhã Zaco te uburé isõrõwa 're, 're ihâimana za'ra mono norĩ ma nharĩ za'ra, ãne: — Wasiré a'uwẽ'õ norĩ te, ihâiba'õ norĩ ma, romhâibarĩ na ãma 're idawata za'ra mono hã aima ihâimana za'ra wa'wa hã, te za asiwi isãmra 'wa. Ma'ãpé asipese za'ra wa'aba. Duré da'uza ihâi uptob'õ na te za asi'uza za'ra wa'wa.

Salmu 119:106

Te iropisutuzé hã wa za aima suwa, asimiroti i'uwaibaba na ãma asimirowaihu'uzé hã te 're i'madâ'â pese mono na.

Ezodu 34:15

Ti'ai 're, 're ihâimana siromo za'ra mono norĩ me hã marĩ na 're asisaze za'ra wa'aba mono õ di za. Ta norĩ hã te tite ihâiba'õ norĩ ãma 're wata za'ra mono da, 're si'rã'õtõ. Te duré tinhimizama zata na hã ãma tãma 're sõprub za'ra. Tawamhã ihâiba'õ norĩ ma, 're isi'rã'õtõ mono zéb u 're anomro aba mono da hã te za asô 're hãsi 'wa. Tawamhã tite ihâiba'õ norĩ ma tinhoprubzé te te 're isõmri za'ra mono 're huri aba mono da hã ãté te za asima 're iwẽ za'ra wa'aba mo, 're tẽ'ẽ za'ra wa'aba mono da.

Daniéu 3:18

Tawamhã duré wate, 'Re ihâimana u'âsi mono za te te wanho'reptu za'ra õ nherẽ, te za a hã iwawaihu'u za'ra, ate ihâiba'õ ãma duré ropodo ẽtẽ waipo pré oru na da te dasiwi 'manharĩ da, i'rui ãma za dame iwawata za'ra dai õ na hã tô.

Zezusihi zadawa wasuꞌuꞌwa norĩ nhimiromhuri na robꞌuiꞌéré 11:23

Tamomo wisi wamhã, ma tô waihu'u, 'Re ihâimana u'âsi mono hã iwẽ na dama 're isõpru mono zém na hã tame. Tahawa, toi uptabi di, Banabé hã. Tawamhã ma tô dama roti, ãne: — Aihĩni, aipẽ'ẽ na sada 're asimi'ẽ za'ra wa'aba mono, Wanhib'apito niwĩp si 're aihâimana u'âsi za'ra wa'aba mono da.

Zozué 24:16

Tawamhã a'uwẽ norĩ, ma te ãma sada'âbâ za'ra ãne: — Niwamhã Uburé Danhib'apito wa te wasiwi irẽme da hã wa te rosa'rata za'ra õ di, ihâiba'õ ãma si i'upa na 're wanomro mono da hã.

Zuize 6:10

Wa hã, Uburé Danhib'apito, ate za'ra wa'wa 'Re ihâimana u'âsi mono na wa tô aima ĩsiwasu'u za'ra wa'wa. Amoreu norĩ te, ihâiba'õ norĩ na 're aiwata za'ra wa'aba mono tõ da wa tô duré aiwi sawi za'ra wa'wa, ã hã ti'ai 're, 're ihâimana za'ra mono ãma hã. Tane nherẽ, asima wẽ za'ra wa'aba õ di, asiwi ĩmreme wapari aba da hã.”