Zozué 24:13 - ꞌRe Ihâimana Uꞌâsi Mono Zadawa Wasuꞌu

¹³ Ãne wa tô aima sõmri za'ra wa'wa ti'a hã, niwa iwa 're iromhuri za'ra wa'aba mono õ hã, duré niwa 'rinho'u iwa i'ri za'ra wa'aba õ hã. Tahawa, te oto 'ri nho'õmo wamhã 're aihâimana za'ra wa'aba mo. Te duré uwa 'ru 'rã hã duré azeitona wede 'rã hã 're ihuri aba mo, 're izuri aba mono õ 'rã hã.”

Zozué 24:13 Iomraidhean Croise

Ezodu 6:8

Tawamhã wa hã wa za Abra'ãhã ma, Izaquihi ma, duré Zacoho ma, ti'a za te tãma isõmri za'ra zém na te iropisutu u hã te asimroi wa'wa. Tawamhã õ hã ti'a hã wa za aima sõmri za'ra wa'wa, ate na oto aima 're hâimana za'ra wa'aba mono da. Wa hã Uburé Danhib'apito.”

Provébiu 13:22

Ni'wa te za iwẽ hã si'uirĩ na tisi'watébré 'ra ma, tinhimarĩ iwẽ hã tãma rẽme za'ra. Tanei õ di, iwasété norĩ nhimarĩ hã. Te za sena na 're ihâimana za'ra mono norĩ zô si, da te 're ubumro za'ra.

Zozué 11:13

Tane nherẽ, Izaraéu nhihudu norĩ, 'ri isiprum nhisiwi da te 're i'ri za'ra mono ãma hã te te ãma siwi sazui õ di. Hazo ãmap si ma tô Zozué hã ãma ro'o.