Zozué 24:11 - ꞌRe Ihâimana Uꞌâsi Mono Zadawa Wasuꞌu

¹¹ A norĩ wa'wa pa nho'u Zodã pa na saprĩ za'ra wa'aba pari, ma tô 'rinho'u Zerico u hã aihutu 'wa. Tawamhã Zerico ãma aibâ norĩ ma tô ai'wapé za'ra wa'wa. Duré taha pari amoreu norĩ zama ma tô ai'wapé za'ra wa'wa, perizeu norĩ, cananeu norĩ, hitita norĩ, gigazeu norĩ, heveu norĩ, duré zebuzeu norĩ hã. Ãhã wa, wa hã da'ãma i'ai'uté za'ra wa'aba zéb da hã wa tô asib'rata aima sõmri za'ra wa'wa.

Zozué 24:11 Iomraidhean Croise

Zenezi 15:19

queneu norĩ nhipti'a hã, quenezeu norĩ nhipti'a hã, cadimoneu norĩ nhipti'a hã,

Ezodu 13:5

Uburé Danhib'apito tô sena ma tô duréihã aihi'rata norĩ wa'aba ma hã ropisutu, i'uirĩ na za'ra ti'a te te aima sõmri za'ra wa'aba da, cananeu norĩ te hã, hitita norĩ te hã, amoreu norĩ te hã, heveu norĩ te hã, duré zebuzeu norĩ te zama. Ta hã ti'a hã iwẽ, duré ãma iropoto wẽ. Tawamhã 'Re ihâimana u'âsi mono nimahã bâtâ na ti'ai u te te oto asimroi wa'aba mono wamhã, tawamhã a norĩ wa'wa hã te za dato hã 're i'manharĩ za'ra wa'aba mo, wahub sidâpâsi a'amo za'ratazé imorĩ'rada iwa 're iwaptã'ã mono sidâpâsi.

Ezodu 3:17

Wa hã wa tô rowairébé, Ezitu ãma da te tãma 're irob'manharĩ wasété za'ra mono zém hawi te sani za'ra da hã. Tahawa wa za te simro ti'ai wẽ u, duré ti'a simarĩ pese na 're isa'wari mono u, cananeu norĩ iwa 're ihâimana za'ra mono zéb u, hitita, amoreu, perizeu, heveu, duré zebuzeu.”

Ezodu 3:8

Tahawa wa tô we si'ra, ezipsiu norĩ siptete na 're ihâimana za'ra mono hawi te dawazere da, ta hawi duré ti'a ĩsa'ẽne iwẽ u te danhimro mono da, ti'a iwẽ ãma cananeu norĩ, hitita norĩ, amoreu norĩ, perizeu norĩ, heveu norĩ, duré zebuzeu norĩ iwa 're ihâimana za'ra mono zéb u.

Ezodu 33:2

Hâiwa ãma ĩma romhuri'wa hã wa za asõwab za'ra wa'aba hã satõ, te te aima sani za'ra wa'aba da, cananeu norĩ hã, amoreu norĩ hã, hitita norĩ hã, perizeu norĩ hã, heveu norĩ hã, duré zebuzeu norĩ hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 13:19

Cana'ã na romnhisi ãma ma tô 'Re ihâimana u'âsi mono hã da'uprosi. 7 na dapoto wamri mono bâ ma da'uprosi, a'uwẽ norĩ hã iwa 're idasi'ubumroi mono hã. Tawamhã tinhib'a'uwẽ ma, ma tô sõmri za'ra ti'a hã, Izaraéu nhihudu norĩ ma.

Zozué 3:10

Ãne wamhã, 'Re ihâimana u'âsi mono idâ'â'õ asiré ihâimana za'ra wa'aba na te za iwaihu'u za'ra wa'wa, sena na cananeu norĩ hã, hitita norĩ hã, heveu norĩ hã, perizeu norĩ hã, gigazeu norĩ hã, amoreu norĩ hã, duré zebuzeu norĩ hã za te te isani za'ra na zama.

Zozué 4:1

Tawamhã uburé Izaraéu norĩ Zodã pa â na te te saprĩ za'ra pari, ma tô Uburé Danhib'apito hã tãma tinha ãne, Zozuéhé ma:

Zozué 4:19

Tahawa, a'amo za'ratazé imorĩ'rata na bâdâ dia 10 na ma tô a'uwẽ norĩ saprĩ za'ra, Zodã pa â na hã. Tawamhã Gilga na 'ri wa'õtõ nhisi ãma ma tô sima 'ri nhoré za'ra, Zerico ãma bâtâ pusizém niwĩ.

Zozué 4:23

Uburé Danhib'apito ate wa'wa 'Re ihâimana u'âsi mono, ma tô Zodã pa â hã aima 'ré za'ra wa'wa, ãma isaprĩ za'ra wa'aba zéb da hã, Âpré na â poré nhisi te te wama i'ré za'ra ne, wa te ãma isaprĩ za'ra zéb da hã.

Zozué 9:2

Tawamhã ã norĩ hã, Zozué, Izaraéu nhihudu norĩ me te te 'wapé za'ra da hã, ma tô uburé si'rã'õtõ.