Zozué 23:7 - ꞌRe Ihâimana Uꞌâsi Mono Zadawa Wasuꞌu

⁷ Ã hã a'uwẽ isi'mairẽme norĩ hã aiwazari wa'aba 're hâimana za'ra mono nherẽ, ime hã 're aihâimana za'ra wa'aba mono tõ. Ite za'ra ihâiba'õ waihu'u pese newa ãma 're iwata za'ra mono norĩ nhisi na hã 're nharĩ za'ra wa'aba mono tõ. Ta norĩ nhisi na dama 're ropisutu za'ra wa'aba mono tõ. Ãma 're aiwata za'ra wa'aba mono tõ. Duré isõ'reb za'ra hã tãma 're aiwẽ'ẽ za'ra wa'aba mono tõ.

Zozué 23:7 Iomraidhean Croise

Salmu 16:4

Aimawi ihâiba'õ norĩ zô 're irĩtĩ za'ra mono norĩ hã te 'râwi robzépatazé hã te te sisô 're sani za'ra. Isiré 're ĩhâimana za'ra mono õ di za, tinhoprubzé danhimizama wapru na ihâiba'õ norĩ ma, 're isõprub za'ra mono na hã. Duré ite za'ra ihâiba'õ ãma hã isiré za'ra 're ĩwata mono õ di za.

Ezodu 20:5

Romhâiba nho're aihi'rãtitõ tãma 're asimroi wa'aba mono tõ. Ãma 're aiwata za'ra wa'aba mono tõ. E marĩ wa. Wa hã Uburé Danhib'apito, ate wa'wa 'Re ihâimana u'âsi mono. Ĩ'upana aimawi ihâiba'õ norĩ ãma dawata da hã ĩma 'ru ti. Ĩzada 're isiti'rui wairébé za'ra mono norĩ hã, wa te te 're hâ za'ra, isihudu 'ra norĩ hã, duré isihudu 'ra i'ra norĩ u zama, maparane si'uiwa na dapodo ihâimana u hã.

Provébiu 4:14

Iwasété norĩ 're inomro mono zém ne hã 're aimorĩ tõ. Duré 're ihâimana za'ra mono zém na hã, ãma 're aihâimana mono tõ.

1 Corĩtu 15:33

Ãne wa, te za dawi 're asi'madâ'â pese za'ra wa'aba mo, danhimiroti wasédé hã tô sena newa, da'ãma 're sasõmri za'ra wa'aba mono tõ da. Taha na da'ãma 're sasõmri za'ra wa'aba mono wamhã, ta norĩ ne te za oto 're aihâimana wasété za'ra wa'aba mo.

Éfézu 5:11

Isazei'õ'wa norĩ siré, marĩ iwasédé hã 're 'manharĩ za'ra wa'aba mono õ di za oto, ipẽ'ẽ 're, robra u'âsi 're inomro mono norĩ siré hã. Ta norĩ ma, te za 're iroti pese za'ra wa'aba mo, te te 're sahâri za'ra mono da, tinhimi'manharĩ wasété za'ra zé hã.

Zozué 23:12

Tane nherẽ, ãma 're i'anomro aba mono zé 're rẽme za'ra wa'aba mono wamhã, a'uwẽ isi'mairẽme norĩ aiwazari wa'aba 're ihâimana za'ra mono norĩ me 're asihâiba tob za'ra wa'aba mono wamhã, duré ta norĩ me oto asina 're aimro za'ra wa'aba mono wamhã,

Zozué 23:8

Uburé Danhib'apito 'Re ihâimana u'âsi mono siré si, 'râwi 're aihâimana za'ra wa'aba mono, we 're i'aihâimana za'ra wa'aba mono ne, ã bâtâ u hã.