Zozué 23:11 - ꞌRe Ihâimana Uꞌâsi Mono Zadawa Wasuꞌu

¹¹ Tahawa ma'ãpé asimi'ẽ na Uburé Danhib'apito, ate 'Re ihâimana u'âsi mono aba si asiwi 're sawi za'ra wa'aba mono.

Zozué 23:11 Iomraidhean Croise

Ezodu 20:6

Tane nherẽ, wa hã te te 're ĩzawi pese za'ra mono norĩ ma hã, duré ĩnhimiroti te te 're iwapari pese za'ra mono norĩ ma hã, wa iwẽ na hã tãma 're ĩhâimana za'ra. Duré ta norĩ u'âbâ isihudu mono sidâpâsi, wa iwẽ hã te tãma 're 'manharĩ u'âsi za'ra.

Provébiu 4:23

Ma'ãpé marĩ na asimirosa'rata na hã ãma 're pibui pese mono. E marĩ wa. Asimirosa'rada hã aihâimanazé zaprõni'wai wa.

Luca 21:34

Tawamhã Zezusi hã tinhimiroti na ma tô tãma 'rãsutu za'ra, ãne: — Asimiza'rese sina, te za 're aihâimana za'ra wa'aba mo. Datoi u hã âsipãrĩ na 're asapa'a za'ra wa'aba mono õ di za. Marĩ na si 're rosa'rata za'ra wa'aba mono õ di za. E marĩ wa. Rosa'rese õ ré, bâdâ ipire, iwa waptã'ã õ'umnhasite. Rosa'rese õ ré, te robzari hã itede'wa hã te te 're waibu, wedenhorõ na. Tane, duré rosa'rese õ ré, te za bâdâ ipire hã iwa waptãrã, uburé ti'ai ãma hã.

Roma 8:28

'Re ihâimana u'âsi mono zawi pese 'wa norĩ da, marĩ iwasédé hã ahâ na sada 're hâimana za'ra mono nherẽ, te za 'Re ihâimana u'âsi mono hã iwẽ si te te tãma 're apisutu iwa'rãmi, te te sima 're i'awẽ mono zéb zarina, tinhib'a'uwẽ da, te te sima 're i'apisutu mono norĩ ma hã. Ãne hã wama waihu'u pese za'ra di oto wa norĩ hã.

1 Corĩtu 16:22

Wanhib'apito zawi'õ'wa norĩ ma, 'Re ihâimana u'âsi mono hã, rowẽ'õ te te tãma 're apisutu mono za. Wanhib'apito, apâ we aimorĩ su'u za.

1 Corĩtu 8:3

Ni'wam norĩ ma, 'Re ihâimana u'âsi mono, tãma isawi za'ra si, te za 'Re ihâimana u'âsi mono hã tinhib'a'uwẽ na te te sina 're awaihu'u.

Éfézu 5:15

Tahawa, wa za aima roti za'ra wa'wa, 'râwi asina 're asõpré u'âsi aba mono da, 're i'anomro wẽ wa'aba mono zéb da na hã. Sena na roti wẽ waihu'u'õ'wa ne, 're anomro wasété aba mono õ di za oto. Roti sena hã oto aima waihu'u pese za'ra wa'aba wa, te za ãma 're anomro wẽ wa'aba mo, tô sena roti wẽ zarina si.

Hebreu 12:15

'Re aihâimana za'ra wa'aba mono zém na, 'Re ihâimana u'âsi mono ma, asina tãma ãma 're uwaimrami za'ra wa'aba mono õ wa, tinhoprubzéb zarina, iwẽ uptabi hã te te aima 're ipisutu za'ra wa'aba mono hã 're simini za'ra wa'aba mono tõ da, te za 're asi'madâ'â pese za'ra wa'aba mo. Wede pa hã, ti'ai 'rowi 're simi'wara mono ré hã, taha wa'u isé hã dama simimnhasi õ di. Tane nherẽ, ipa hã da te oto 're sa'o'o za'ra mono wa, da te oto 're huri mono wamhã, te za te te 're da'rãiwamnarĩ za'ra, taha pa wa'u hã sé wa. Tane duré, a norĩ wa'wa hã te za ni'wam norĩ wi 're asi'madâ'â pese za'ra wa'aba mo, ta norĩ hã te te aiwi 're rowasété za'ra wa'aba mono tõ da, duré taha zarina a norĩ wa'wa hã 'râwi aiwasété na 're asi'uptob za'ra wa'aba mono tõ da, ta norĩ zu.

Zozué 23:10

Izaraéu nhihudu si misi nherẽ, te za tinhitob'ru norĩ ma hã te te arob'manharĩ, miu na ihâiba ma, sisa'rei mono da. E marĩ wa. Uburé Danhib'apito, ate 'Re ihâimana u'âsi mono 'wa hã, ai'ãma za'ra wa'aba 're si'wapéi mono wa, te te iropisutuzéb zarina.

Zozué 23:12

Tane nherẽ, ãma 're i'anomro aba mono zé 're rẽme za'ra wa'aba mono wamhã, a'uwẽ isi'mairẽme norĩ aiwazari wa'aba 're ihâimana za'ra mono norĩ me 're asihâiba tob za'ra wa'aba mono wamhã, duré ta norĩ me oto asina 're aimro za'ra wa'aba mono wamhã,