Zozué 2:6 - ꞌRe Ihâimana Uꞌâsi Mono Zadawa Wasuꞌu

⁶ Tane nherẽ, Ra'abi wapsãi'a'wa norĩ hã, ma tô 'ri nhisi hâpâ u hâimo iwana za'ra saprõni zahuré. Tame ma tô simi'uri zahuré, aro teihi ne za'wari 'rãihâ 'rowi.

Zozué 2:6 Iomraidhean Croise

Ezodu 2:2

Tawamhã pi'õ wasã wamhã, ma tô i'ra hã tãma podo. Tahawa, ina 'watébrémi na te te 'madâ'â wamhã, iwẽ uptabi, i'madâ'â ze. Tahawa ma tô si'ubdatõ a'amoi 'remhã dawi simi'u.

Mateu 24:17

Ni'wam norĩ hã 'ri nhisi hâpâ ãma si'ubumroi wamhã, tinhibrob zô sisisi õ di za a'â, 'ri para u hã. Õne haré te za dame sisa're, ẽtẽ 'rãihâ u, ta norĩ hã.

Colosu 3:3

'Re anomro 'rata aba mono zé hã ma tô aima ai'utõrĩ za'ra wa'wa oto. 'Re ihâimana u'âsi mono ãma Cristuhu siré 're anomro aba mono zép tém na da te ai'ãma 're rosa'rata waihu'u za'ra wa'aba mono õ di zahadu. E marĩ wa. 'Re ihâimana u'âsi mono hã zahadu te te dama 're awaihu'u mono õ wa, ãne na hã.

Hebreu 11:23

Duré Mozésihi mama norĩ hã, 'Re ihâimana u'âsi mono si te te sina 're i'umnhasi zahuré mono zéb zarina, ma tô dawi simi'uri zahuré Mozési hã, 'watébrémi na tãma poto zahuré wa. Duré tãma 'madâ'â ze zahuré wa, tãma sawi uptabi zahuré di. Tahawa, ma tô dawi simi'uri zahuré. A'amo hã si'ubdatõ ma tô ãma ai'utõ, te te dawi isimi'uri zahuré zém na hã. Apito ma, ta norĩ hã pahi zahuré õ di, 'watébrémi na 're ipoto za'ra mono norĩ hã, te te dama 're a'rui mono nherẽ. Ãne ma tô 'manharĩ zahuré Mozésihi mama norĩ hã, 'Re ihâimana u'âsi mono si te te sina 're i'umnhasi zahuré mono zéb zarina.

Tiagu 2:25

Ra'abihi zama ma tô wẽsã, 'Re ihâimana u'âsi mono hã isimipawapto wẽ zém na, pi'õ tihâiba iwa'âbâ zô te te 're isõmri mono hã. Ta hã ma tô duréihã Izaraéu nhihudu norĩ hã pawaptob zahuré, wapsãi'a'wa norĩ hã, pi'uriwi ti'ai wẽ zô robzabui'wa norĩ hã. Tinhorõwa u ma tô 'mazasi zahuré, tame sõtõ zahuré da, duré sa zahuré da. Bâdâdi amo na pi'uriwi apâ datẽme neb zahuré da, ma tô duré pawaptob zahuré. Tahawa, ma tô 'Re ihâimana u'âsi mono hã wẽsã pi'õ hã, aibâ norĩ hã te te pawapto wẽ zahuré wa.

Zozué 2:5

Oto robra wa, 'ri nho'õmo te 'ridawa za'ẽne za da te dasiwi isitobzé bâtâ ãma, ma tô oto tipusi zahuré. Tahawa, te waihu'u õ di, nimomo inebzé hã. Tane nherẽ, a norĩ wa'wa hã isarina zahuré, sa'ẽtẽ a'e za'ra wa'aba mono wamhã, ãté te za asiwi imrami 'wa.

Zozué 2:7

Tawamhã apito ma romreme 'wapéi'wa norĩ hã ma tô oto isarina ai'aba'ré. Tawamhã 'ri nho'õmo hawi wairébé wi, ma tô 'ridawa za'ẽne hã isa'u za'ra dasiwi sitom ni. Tawamhã wapsãi'a'wa norĩ zô ma tô sô sõpré, Zodã pa tẽme bâdâdi inomro na.

Zozué 2:8

Tawamhã Ra'abi, wapsãi'a'wa norĩ hã sõtõ zahuré wana ré, ma tô itẽme sai'uri zahuré, 'ri nhisi hâpâ u hâimo te te tãma nharĩ zahuré da, ãne:

Zozué 6:25

Tawamhã Zozué, ma tô Ra'abi siwa'âbâ zô 're isisõmri mono si duré uburé pese isõrõwa 're, 're ihâimana za'ra mono norĩ hã rẽme za'ra hâiba ré, wapsãi'a'wa norĩ Zerico u te te isatõrĩ zahuré hã, te te simi'uri zahuré wa. Taha dâ'â sina te isihudu hã Izaraéu nhihudu norĩ siré 're hâimana za'ra, ãhã na zama.