Zozué 2:24 - ꞌRe Ihâimana Uꞌâsi Mono Zadawa Wasuꞌu

²⁴ Ãne ma te rowasu'u na hã ãma tãma 'rãsutu zahuré: — Uburé Danhib'apito hã, õ hã ti'a uburé te te wama isõmri za'ra zém na hã wa tô wa norĩ hã sena na waihu'u ni. Tahawa ma tô õmemhã uburé pese wama tapahi pese za'ra ni.

Zozué 2:24 Iomraidhean Croise

Ezodu 15:15

Edomita norĩ nhib'ihâ'a norĩ hã ma a'rãmi za'ra, moabita norĩ siptete na 're ihâimana za'ra mono hã ma tô sib'ru haimani za'ra, duré uburé cananeu norĩ hã, ma tô tãma tipopo'o za'ra.

Provébiu 25:13

Rowa'ro na da te 're iroptehâri za'ra mono siwaprã, â idi'idi, dama 're ihâimana mono ne, te rowasu'u'wa i'umnha hã isatõrĩ'wai ma, te te ãma tãma 're rowẽ zani apâ.

Zozué 1:8

Ma'ãpé ãma irob'ui'éré na hã õne u'â ãma 're aimreme mono. Bâtâ na hã duré mara na hã ãhã ibaihâ na ãma 're romnhoré mono, ãma 're asiptete mono wa, uburé ãma irob'ui'éré zarina asina ãma 're uwaimrami mono da. Tawapsi, te za 're i'aihâimana mono wẽ zé hã asina 're i'uwaimrami mo.

Zozué 2:23

Tawamhã wapsãi'a'wa norĩ hã ma tô oto ẽtẽ hawimhã si'ra zahuré. Zodã pa â na ma tô saprĩ zahuré. Taha pari te oto ne, Zozué te te sõpẽtẽ zahuré da hã. Tawamhã uburé pese marĩ tãma ihâimana zahuré zé hã ma tô tãma wasu'u zahuré.

Zozué 5:1

Tawamhã uburé amoreu nhib'apito norĩ, Zodã pa zara niwĩ bâtâ zasizém niwĩ 're ihâimana za'ra mono norĩ hã duré Cana'ã nhib'apito norĩ, âporé Mediterãniu zaihâ na 're ihâimana za'ra mono norĩ zama, ma tô waihu'u za'ra, Zodã pa â, Uburé Danhib'apito te te i'rézé hã, Izaraéu nhihudu norĩ te te ãma isaprĩ za'ra zéb da hã. Tahawa Izaraéu nhihudu norĩ hã isiniwĩ te te oto saprĩ za'ra wamhã, ma tô ta norĩ hã tãma tipahi pese za'ra. Ma tô duré siptete hai'utõrĩ za'ra.

Zozué 6:2

Tawamhã Zozuéhé ma, te Uburé Danhib'apito hã tinha, ãne: — Ma'ãpé waihu'u! Zerico hã wa tô aima tisõ asib'rata, isib'apito hã, duré ite dasi'wapéi 'manharĩ'wa isib'ru norĩ hã.

Zozué 8:1

Tawamhã te Uburé Danhib'apito hã tinha ãne, Zozuéhé ma: — Aipahi tõ! Sada asib'ru na! Uburé ate dasi'wapéi 'manharĩ'wa norĩ me, 'ri nho'u Ai zada, asõré pese na ai'aba'réi wa'aba. Wa hã wa za ta norĩ nhib'apito ãma i'ai'uté za'ra wa'aba zéb da hã aipawaptob za'ra wa'wa. Tahawa asib'ratab za'ra wa'aba, wa za Ai ãma a'uwẽ norĩ hã duré 'ri nho'u hã, duré isipti'a za'ra zama aima sõmri za'ra wa'wa.

Zuize 1:2

Tawamhã Uburé Danhib'apito ma tô ãma sada'âbâ za'ra ãne: — Zudaha nhihudu norĩ te za imorĩ'rata na 'wapé za'ra. E marĩ wa. Ti'a hã ta norĩ ma, wa hã te tãma sõmri siromo za'ra wa.

Zuize 18:10

Õmemhã te za a'uwẽ isimi'umnhasi wẽ hã i'madâ'â za'ra wa'wa. Ta norĩ nhipti'a hã sa'ẽtẽ uptabi di. Taha 'remhã marĩ zô rowaptâ'â waihu'u õ di. Ã hã ma tô 'Re ihâimana u'âsi mono hã asib'rata aima sõmri za'ra wa'wa.

Zuize 7:9

Tawamhã tô taha mara na Uburé Danhib'apito, ma tô duré Gidiãhã ma tinha ãne: — Ma'ãpé ai'utu, midiãnita norĩ te 'ri u si'ra da, a'wapé da. Asib'rata wa za oto aima sõmri za'ra.