Zozué 2:23 - ꞌRe Ihâimana Uꞌâsi Mono Zadawa Wasuꞌu

²³ Tawamhã wapsãi'a'wa norĩ hã ma tô oto ẽtẽ hawimhã si'ra zahuré. Zodã pa â na ma tô saprĩ zahuré. Taha pari te oto ne, Zozué te te sõpẽtẽ zahuré da hã. Tawamhã uburé pese marĩ tãma ihâimana zahuré zé hã ma tô tãma wasu'u zahuré.

Zozué 2:23 Iomraidhean Croise

Zozué 2:22

Tawamhã wapsãi'a'wa norĩ hã ẽtẽ u te oto tineb zahuré. Tame ma tô aima'uri zahuré si'ubdatõ bâtâ na hã, isiniwĩb zahuré ro inomro na dasi'wapéi 'manharĩ'wa norĩ sô rĩtĩ za'ra mono ré hã. Tane nherẽ, te te siwi sãmri zahuré õ di. Tahawa ma tô apâ ai'aba'ré, Zerico u.

Zozué 2:24

Ãne ma te rowasu'u na hã ãma tãma 'rãsutu zahuré: — Uburé Danhib'apito hã, õ hã ti'a uburé te te wama isõmri za'ra zém na hã wa tô wa norĩ hã sena na waihu'u ni. Tahawa ma tô õmemhã uburé pese wama tapahi pese za'ra ni.

Zuize 18:10

Õmemhã te za a'uwẽ isimi'umnhasi wẽ hã i'madâ'â za'ra wa'wa. Ta norĩ nhipti'a hã sa'ẽtẽ uptabi di. Taha 'remhã marĩ zô rowaptâ'â waihu'u õ di. Ã hã ma tô 'Re ihâimana u'âsi mono hã asib'rata aima sõmri za'ra wa'wa.

Zuize 18:9

Tahawa, ma te ãma sada'âbâ za'ra ãne: — Oto wa te wasiwi wano'õ wa'aba! Ti'a hã wa tô wasiwi 'madâ'â ni, iwẽ uptabi na! Pra! E niha! Asirési su'u za'ra wa'aba! Airési ãna ai'ubumroi wa'aba tõ! Sa'ẽtẽ waptu na ma'ãpé ai'aba'réi wa'aba, ti'a hã asiwi âri aba hâ!