Zozué 2:12 - ꞌRe Ihâimana Uꞌâsi Mono Zadawa Wasuꞌu

¹² Tahawa ma'ãpé, Uburé Danhib'apito nhisi na, ĩma ropisutu aba, iwẽ hã te aima 'manharĩ aba wa, a norĩ wa'aba zama ĩsisãnawã norĩ ma iwẽ hã 'manharĩ aba da, aiwab da. Ãne da, wa za aiwi rowaptẽrẽ 'wa, sena na aimreme wasu'u aba zéb da, tiha ĩma 'manharĩ aba da, ĩsima iwẽ na ĩhâimana da rosa'rata ahâ ãna.

Zozué 2:12 Iomraidhean Croise

Zenezi 21:23

Tahawa, ma'ãpé ãme 'Re ihâimana u'âsi mono nho'a, asadawa nhipese ãna, ĩma, ĩ'ra norĩ ma, duré ĩnhihudu norĩ ma, asimiropisudu hã 'manharĩ. Wa hã wa tô iwẽ na aima ĩ'umnhasi sina 're ĩhâimana. Tahawa te za sena na ĩma iropisu, ĩma, duré ã hã ti'ai wa, 're i'asãmra mono ma, ai'umnhasi sina 're aihâimana mono da.

Zenezi 24:3

Uburé Danhib'apito 'Re ihâimana u'âsi mono, hâiwa ãma duré ti'ai ãma zama uburé marĩ te te 're i'ab'madâ'â mono nhisi na ropisudu hã 'manharĩ, ĩ'ra Izaqui, niwa apto'o ré, ã hã Cana'ã na ti'ai wa'õtõ nho'õmo nhisi ãma 're ĩhâimana mono zéb ãma, pi'õ na imro da hã, tãma 'maipisutu tõ da.

Zenezi 24:9

Tawamhã tãma romhuri'wa, Abra'ãhã zada'õtõ zahâpâ tinhib'rada te te hiri wamhã, ma tô sina tãma ropisutu, te te tãma iwaihu'uzéb zarina.

Zenezi 40:14

Tawamhã õme apâ rowẽ na aima 're romhâimana mono wamhã, ĩ'ãma hã aipo're pu'u za, iwẽ na hã ĩpawaptob da. Apito ma, ĩhâiba na hã tãma nharĩ za, dazazém hawimhã te te apâ ĩwazere da.

Ezodu 12:13

Tahawa, Izaraéu nhihudu norĩ, pone'ẽrebâire wapru na ãma i'ridawa zapré za'ra wa'aba mono, ta hã te ãma i'a pibui pese mono zéb da hã, taha 'ri 're, 're i'aihâimana za'ra wa'aba mono zém na, te awaihu'u da. Tawamhã ĩma pibui pese na, wa za te asa'réi waré za'ra wa'wa, Ezitu nhisi baba 're ĩmorĩ wamhã, ezipsiu norĩ te hâ za'ra mono wamhã. Dazu ai'utõrĩ aba mono tõ da, wa za ĩnhimihâzé hã aima ba'a za'ra wa'wa, Izaraéu nhihudu norĩ ma hã.

Marcu 14:44

Taha wana, ma tô Zuda ãne dama ipire norĩ ma roti za'ra, te te ãma siwi iwaihu'uzéb da hã: — Aibâ te itob'rata hârâ hã, te za asiwi i'âri 'wa. Tawamhã asiptete sina, te za asiwi isaprõni 'wa.

Roma 1:31

Marĩ iwasété zô si, te ta norĩ hã sima 're sõpré. Simiroti na saprĩ ahâ na te 're hâimana za'ra. Da'ãma 're pẽ'ẽzé za'ra mono õ di. Duré da'ãma 're siwamri za'ra mono õ di.

1 Timotiu 5:8

Ãté ni'wam norĩ tisisãnawã tinhimarĩ na hã te te 're pawapto pese za'ra mono õ di za. Ãté isõrõwa 're, 're ihâimana za'ra mono norĩ zama, te te 're pawaptob za'ra mono õ di za. Ãne wamhã, Wanhib'apito nhimiroti zarina te te 're pawapto pese za'ra mono õ wamhã, te aré isazei'õ'wa ne oto 're nomro. Ãne wamhã, te te 're ipawaptob za'ra mono õ na, te aré isazei'õ'wa norĩ hã 'rãnhipa za'ra, tihâimana wasété na hã.

Tiagu 2:13

Nimahã bâtâ na dahâimanazém na te te da'awaihu'u wapsi, da'ãma 're ipẽ'ẽzé za'ra mono õ norĩ ãma, pẽ'ẽzé õ di za, 'Re ihâimana u'âsi mono hã, ti'ab ré da'ãma 're isiwamri za'ra mono õ norĩ ãma hã. Da'ãma 're ipẽ'ẽzé u'âsi za'ra mono norĩ ãma si, te za ãma 're pẽ'ẽzé za'ra.

Zozué 2:13

Ma'ãpé ĩmama hã sõ'reptui wa'aba, ĩna me, ĩsisãnawã norĩ hã, ĩsisãnawã sipi'õ norĩ hã, duré i'ra za'ra norĩ hã. Da te wa'uprosi tõ da ma'ãpé wa'madâ'â pese aba za.

Zozué 2:18

Nimahã na oto asipti'ai u wanhisisi wamhã, te za zazahâ hâiwaré ihâpré hã zanela 'ri zadazâri ãma iwasi, wa te isi'razéb ãma. Duré asõrõwa 're, ubumro na za aimama norĩ hã, ana, asisãnawã norĩ hã, duré uburé aimama sisãnawã siwadi norĩ hã. Ãne wapsi, wa za ãma aima uwaimrami ni, wanhimiropisutuzé hã.

Zozué 2:19

Tawamhã ni'wa hã rob u 'ri para hawi watobro wamhã, 'râwi te te sima ãma i'upa zarina te za tô ta hã dârâ. Wa norĩ hãi õ di za tawamhã, i'upa hã. Tane nherẽ, ni'wa hã 'ri para aime hâimana nherẽ, tô da te u'a wapsi hã, wa norĩ hã za tô i'upa.

Zozué 6:22

Tawamhã te Zozué, aibâ norĩ te te iwapsãi'a zahuré ma hã, tãma nharĩ zahuré, ãne: — Ma'ãpé azasi aba, Ra'abi siwa'ru 're ihâimana mono nhorõwa u, we wazere aba da rob u, isiré isõrõwa 're, isi'ubumro norĩ me, tãma iropisutu aba zéb zarina.

Zozué 9:15

Tawamhã Zozué, Gibiã norĩ ma, ma tô dasisazezé hã tãma 'manharĩ za'ra, te te simro tõ da, te te tãma iropisutu za'ra zém na hã. Tahawa Izaraéu nhihudu norĩ ma i'rãnho'õmo norĩ zama ma tô ropisutu za'ra, za te te ãma tãma i'uwaimrami za'ra zém na hã.

Zuize 1:24

Tawamhã ta norĩ, 'ri nho'õmo hawi aibâ iwatobro te te siwi i'madâ'â ma hã, ma tô tãma nharĩ za'ra ãne: — E niha 'ri nho'õmo u, dazasizé hã. Ma'ãpé wama wasu'u za'ra na. Tahawa, niha na wa te aima rob'manharĩ wasété za'ra õ di za.

1 Samuéu 30:15

Tawamhã Dawi te tãma tinha ãne: — E tawamhã ĩzaprõni õ di za, amalequita norĩ ihâimana za'ra zéb u hã. Tawamhã aibâ iprédupté ma ãma tãma wa'rã ãne: — Marĩ õ di. Wa za tô asaprõ, a hã, 'Re ihâimana u'âsi mono nhisi na ĩwĩrĩ tõ da hã, duré ĩnhib'apito ma ĩhâiba nhomri tõ da hã, ĩma ropisutu wamhã.