Zozué 2:10 - ꞌRe Ihâimana Uꞌâsi Mono Zadawa Wasuꞌu

¹⁰ E tihai wa. Wa tô waihu'u za'ra ni, Uburé Danhib'apito, asõ'reb za'ra wa'aba, Ezitu hawi aiwairébé aba wamhã, Âpré na â poré nhisi te te i'â'rézém na hã. Duré Zodã pa zara niwĩ bâtâ pusizém niwĩmhã, amoreu norĩ te apito Seõ norĩ, Oguehe me, duré ite zahuré dasi'wapéi 'manharĩ'wa norĩ isi'utõrĩzéb zama wa tô waihu'u za'ra ni.

Zozué 2:10 Iomraidhean Croise

Zozué 24:12

Aihutu aba wana ré, wa tô amoreu norĩ nhib'apito hã samarĩ zahuré. Wa tô ipahi pese zé hã tãma sõmri zahuré, sisamro da. Ate za'ra wa'wa sib'ézé 'wa pa ma, asimnhi'ãsi za'ra wa'aba ma, duré asiptoro za'ra wa'aba ma, ta norĩ hã pusi õ di.

Zozué 4:24

Ãne wa, te za daro mono bâ uburé pese da te 're waihu'u za'ra, Uburé Danhib'apito ate wa'wa 'Re ihâimana u'âsi mono iwaihu'u pese nhiptetezé hã. Taha dâ'âsina te za duré a norĩ wa'wa õne u'â 're iwazéb za'ra wa'aba mo za.

Zozué 5:1

Tawamhã uburé amoreu nhib'apito norĩ, Zodã pa zara niwĩ bâtâ zasizém niwĩ 're ihâimana za'ra mono norĩ hã duré Cana'ã nhib'apito norĩ, âporé Mediterãniu zaihâ na 're ihâimana za'ra mono norĩ zama, ma tô waihu'u za'ra, Zodã pa â, Uburé Danhib'apito te te i'rézé hã, Izaraéu nhihudu norĩ te te ãma isaprĩ za'ra zéb da hã. Tahawa Izaraéu nhihudu norĩ hã isiniwĩ te te oto saprĩ za'ra wamhã, ma tô ta norĩ hã tãma tipahi pese za'ra. Ma tô duré siptete hai'utõrĩ za'ra.

Zozué 9:10

Zodã pa bâtâ zasizém niwĩ maparane apito amoreu 're ihâimana zahuré mono ma, marĩ te te i'manharĩzéb zama wa tô waihu'u za'ra ni; apito Seõ, Hesbõ norĩ nhib'apito ma, duré apito Ogue, Basã norĩ nhib'apito ma, Astarote ãma aré 're ihâimana mono ma.