Zozué 12:2 - ꞌRe Ihâimana Uꞌâsi Mono Zadawa Wasuꞌu

² Imorĩ'rada hã Seõ na isisi, amoreu norĩ nhib'apito, Hesbõ ãma 're isãmra mono. Taha si'i'rãnho'õmozé hã Arno zada'ré na romharé ãma, aiwa rom na ãma isipo'o na Aro'e hawi, Zaboqui na pa wamri u hã, amonita norĩ nhipti'a zada'ré ãmamhã. Taha si'i'rãnho'õmozé hã Ziliadi na ro aiwa ãma isipo'ozém na.

Zozué 12:2 Iomraidhean Croise

Zenezi 32:22

Tawamhã tô taha mara na Zaco hã ma tô udu. Utu wamhã, ma tô Zaboqui panho'õmo na saprĩ. Ãhã wa, ma tô timro norĩ siré saprõni zahuré. Ma tô duré timro prã norĩ, 11 na ti'ra si'aibâ norĩ me siré te te simro.

Neemia 9:22

“Ma tô tãma ipisutu za'ra, a'uwẽ mono bâ iwaptoma 're ihâimana za'ra mono norĩ na te te ai'uté za'ra da. Ãhã wa, Izaraéu nhihudu norĩ hã ma tô Hesbõ na 'ri nho'õmo nhisi ãma, Seõ na apito nhisi 're ihâimana mono ãma, duré Basã na romnhisi ti'ai ãma apito Ogue na isisi ãma hã ai'uté za'ra.

Zuize 11:13

Tawamhã amonita norĩ nhib'apito, ma te ãne ãma tãma wa'rãmi za'ra: — Izaraéu nhihudu norĩ, nimahã na Ezitu hawi we wairébé wamhã, ĩte ti'a, panho'u Arno na isisi hawi, panho'u Zaboqui na isisi u, duré Zodã pa panho'õmo u hã ma tô uburé ĩwi âri za'ra. Tahawa ãma wasi'wapé za'ra ãna te za apâ ĩnhipti'a hã asiwi ĩma isõmri 'wa.

Zuize 11:22

Ãne uburé ti'a norĩ hã amoreu norĩ wi te te siwi i'âri hã: Hâiwa nhimire niwĩ panho'u Arno na isisi hawi, hâiwa nhimi'e niwĩ panho'u Zaboqui na isisi u hã, duré bâtâ pusizém niwĩ rop si 're irosa'wari mono hawi, bâtâ zasizém niwĩ panho'u Zodã pa â 're ihâimana mono u hã ma tô siwi ti'â.