Zozué 12:1 - ꞌRe Ihâimana Uꞌâsi Mono Zadawa Wasuꞌu

¹ Apito norĩ ãma, ma tô Izaraéu nhihudu norĩ hã ai'uté za'ra, Zodã pa zara niwĩ bâtâ zasizém niwĩ 're ihâimana za'ra mono ãma hã. Ma tô duré isipti'a za'ra na hã ãma tiwi ate za'ra. Ã hã ti'ai mono hã, Arno na romharé nhisi hawimhã ma tô nomro, Zodã na romharé nhisi zarina, Hermo na ẽtẽ nhisi u hã. Apito norĩ ãma, Izaraéu nhihudu te te ãma i'ai'uté za'ra mono nhisi hã ãne:

Zozué 12:1 Iomraidhean Croise

Salmu 89:12

A hã ma tô hâiwa nhimi'e niwĩmhã, duré hâiwa nhimire niwĩmhã ro hã i'ab'manharĩ mo. Tabo na ẽtẽ nhisi norĩ ãma Hermo na isisi me te pẽ'ẽ to sina ai'ãma hã 're sõ're zahuré.

Zozué 1:15

Tawamhã Uburé Danhib'apito, wate 'Re ihâimana u'âsi mono, ti'a za te te tãma isõmri za'ra na hã te za ãma ate za'ra, iwa 're hâimana za'ra mono da oto. Ãne niwa marĩ hâimana wamhã, te za asipti'ai u apâ we ai'aba'réi wa'wa, za iwa 're aihâimana za'ra wa'aba mono da, Mozési, 'Re ihâimana u'âsi mono ma romhuri'wa, ãme te te aima isõmri za'ra wa'aba ãma, Zodã pa â bâtâ pusizém niwĩmhã.”

Zozué 11:17

Taha ro hã Halaque na ẽtẽ wamri hawi, Se'i na romnhisi 'ratamhã, Libanu ãma romharé niwĩ Baau-Gadi na 'ri wa'õtõ nhisi u hã te nomro, Hermo na ẽtẽ zahâpâ na'rata ãma. Zozué hã taha rom norĩ na ma tô uburé uprosi, apito norĩ hã.

Zozué 11:3

Tawamhã a'uwẽ, Zodã pa pazaihâ si'uiwa na 're ihâimana za'ra mono norĩ tẽmemhã ma tô duré rowasu'u'wa norĩ satõrĩ za'ra cananeu norĩ u hã, amoreu norĩ u hã, duré hitita norĩ u hã, perizeu norĩ u hã, ẽtẽ ãma zebuzeu norĩ 're ihâimana za'ra mono norĩ u hã, duré heveu norĩ ẽne Hermo na isisi zahâpâ Mispa na rowamri ãma 're ihâimana za'ra mono norĩ u hã.

Zuize 11:18

Tawamhã Zépté ma tô duré rob'rãzarõtõ na ãma uzusi, ãne: — Taha pari, Izaraéu nhihudu norĩ hã ma tô rop si 're irosa'wari mono wa'waibaba hã zâmo. Tahawa, edomita norĩ nhipti'a, moabita norĩ nhipti'ai me ma tô taré te te sa'oto za'ra. Ãhã wa, ma tô Moabi ti'a bâtâ pusizém niwĩb u oto aihutu, Arno na panho'õmo zara niwĩ. Tahawa, tame ma tô oto sima 'ri nhoré za'ra. Tane nherẽ, taha â na te te saprĩ za'ra õ di, moabita norĩ nhipti'a zada'ré na simizazâri za'ra wa.