Zozué 11:8 - ꞌRe Ihâimana Uꞌâsi Mono Zadawa Wasuꞌu

⁸ Tawamhã Uburé Danhib'apito hã ma tô Izaraéu nhihudu norĩ ma sõmri za'ra, te te da'ãma i'ai'uté za'ra zé hã. Tinhitob'ru norĩ te te sahui wamhã, ma tô Sidõ u isarina sisa're, Misrefote-Ma'ĩ na 'ri nho'õmo nhisi u hã, duré bâtâ pusizém niwĩ ẽtẽ nhi'riti romharé ãma Mispa na ẽtẽ siwa'aba wa romharé nhisi u hã. Tame, ma tô duré 'wapé za'ra, te te uburé i'uprosizéb u.

Zozué 11:8 Iomraidhean Croise

Zenezi 10:15

Tawamhã duré Cana'ã hã maparane i'ra norĩ nhisi hã ãne: Idub'rata nhisi hã Sidõ na, duré ino nhisi hã, Hete na.

Zenezi 49:13

“Zébulõ, â poré zaihâ ãma te za 're sãmra, uba're 're isimizahâri za'ra mono zém niwĩ. Tawamhã duré isipti'a zada'ré, Sidõ na 'ri wa'õtõ nhisi u te za ti'rãsutu.

Zozué 10:20

Tawamhã Zozué, dasi'wapéi 'manharĩ'wa Izaraéu nhihudu norĩ me ma tô te te siwi pãrĩ uburé, aré te te siwi i'uprosizéb u. Dawi isimani za'ra norĩ si ma tô tite 'ri nho'õmo 'wawi wa'ra pese 'remhã dawi tihâimana za'ra.

Zozué 11:3

Tawamhã a'uwẽ, Zodã pa pazaihâ si'uiwa na 're ihâimana za'ra mono norĩ tẽmemhã ma tô duré rowasu'u'wa norĩ satõrĩ za'ra cananeu norĩ u hã, amoreu norĩ u hã, duré hitita norĩ u hã, perizeu norĩ u hã, ẽtẽ ãma zebuzeu norĩ 're ihâimana za'ra mono norĩ u hã, duré heveu norĩ ẽne Hermo na isisi zahâpâ Mispa na rowamri ãma 're ihâimana za'ra mono norĩ u hã.

Zozué 11:7

Ãne Zozué, uburé dasi'wapéi 'manharĩ'wa norĩ me, ma tô Merõ na romnhisi ãma sipti 'rata sahu za'ra, simiza'rese õ ré.