Zozué 11:6 - ꞌRe Ihâimana Uꞌâsi Mono Zadawa Wasuꞌu

⁶ Tawamhã Uburé Danhib'apito te Zozuéhé ma tinha, ãne: — Tãma aipahi za'ra tõ. Awẽmhã tô ãne bâtâ na wa za ta norĩ hã uburé pese uprosi, Izaraéu nhihudu norĩ ma. Tawamhã a hã ite za'ra awaru te za tiwi i'amorĩ'õ. Te za duré ãma tiwi i'azazu, wedewara zapore na dasi'wapézém na hã.

Zozué 11:6 Iomraidhean Croise

Provébiu 20:7

Aibâ sena na 're ihâimana mono hã te i'uwaibaba na si 're hâimana. Tahawa te i'ra norĩ hã robze sina 're hâimana za'ra.

Zozué 10:8

Tawamhã Uburé Danhib'apito, te Zozuéhé ma tinha, ãne: — Ã hã apito norĩ ma hã aipahi za'ra tõ. Wa hã wa tô aima sõmri siromo za'ra, asib'ratamhã. Tahawa ta norĩ hã tihâiba na te te aima wa'rãmi waihu'u za'ra õ di za.

Zozué 11:5

Uburé apito norĩ, ma tô tite dasi'wapéi 'manharĩ'wa norĩ hã te te 'rã'õtõ. Merõ na sipti nhisi 'rata ma tô sima 'ri nhoré za'ra, Izaraéu nhihudu norĩ te te 'wapé za'ra da hã.

Zozué 11:7

Ãne Zozué, uburé dasi'wapéi 'manharĩ'wa norĩ me, ma tô Merõ na romnhisi ãma sipti 'rata sahu za'ra, simiza'rese õ ré.

Zozué 11:9

Tawamhã Zozué, Uburé Danhib'apito te te tãma i'ruzé hã ma tô 'manha. Awaru ite za'ra ma tô te te amorĩ'õ. Wedewara zapore na dasi'wapézém na ma tô duré te te ãma aro'o.

Zozué 3:5

Tawamhã Zozué te dama tinha, ãne: — Ma'ãpé aipẽ'ẽ 'remhã asipese za'ra wa'aba. E marĩ wa. Uburé Danhib'apito te za awẽmhã aima za'ra wa'aba marĩ isa'ẽne hã 'manha.

Zuize 20:28

Tawamhã Finéa, Eriazaha 'ra, Arãhã nhihudu hã ma tô dasiwi pisutu ni wedehâ're te te 're i'madâ'â mono da hã.) Tawamhã ta norĩ te te siwi isadanharĩzé hã ãne: — E wa za duré wawairébé na sahu za'ra ni, wasisãnawã Bẽzamihĩ nhihudu norĩ wa te 'wapé za'ra da hã. Niha wamhã, e wa za oto mazahâri za'ra ni. Tawamhã Uburé Danhib'apito, ma te ãma sada'âbâ za'ra ãne: — Ma! Te za i'wapé za'ra wa'wa. E marĩ wa. Wa hã wa za oto asib'rata aima hâiba nhomri za'ra wa'wa.

Zuize 7:9

Tawamhã tô taha mara na Uburé Danhib'apito, ma tô duré Gidiãhã ma tinha ãne: — Ma'ãpé ai'utu, midiãnita norĩ te 'ri u si'ra da, a'wapé da. Asib'rata wa za oto aima sõmri za'ra.

1 Samuéu 11:9

Tawamhã ta norĩ hã te Zabesi hawi romreme 'wapéi'wa norĩ ma hã nharĩ za'ra ãne: — Ma'ãpé rowasu'u za'ra wa'aba, tame asiré norĩ aba ma, awẽmhã abzuma wana ré, za wa te i'asõ'reptu za'ra wa'aba na hã. Tawamhã ãne hã romreme Zabesi ãma 're ihâimana za'ra mono norĩ te te wapari za'ra wamhã, ma tô 're to za'ra, rowẽ te.