Zozué 11:3 - ꞌRe Ihâimana Uꞌâsi Mono Zadawa Wasuꞌu

³ Tawamhã a'uwẽ, Zodã pa pazaihâ si'uiwa na 're ihâimana za'ra mono norĩ tẽmemhã ma tô duré rowasu'u'wa norĩ satõrĩ za'ra cananeu norĩ u hã, amoreu norĩ u hã, duré hitita norĩ u hã, perizeu norĩ u hã, ẽtẽ ãma zebuzeu norĩ 're ihâimana za'ra mono norĩ u hã, duré heveu norĩ ẽne Hermo na isisi zahâpâ Mispa na rowamri ãma 're ihâimana za'ra mono norĩ u hã.

Zozué 11:3 Iomraidhean Croise

Zenezi 31:49

Mispa na zama isisi hã, Labã te te nharĩ wa ãne: — Uburé Danhib'apito, niha wasima wasiwãnhizari ré hã te te iwa'madâ'â da si tô iwẽ hã.

Salmu 89:12

A hã ma tô hâiwa nhimi'e niwĩmhã, duré hâiwa nhimire niwĩmhã ro hã i'ab'manharĩ mo. Tabo na ẽtẽ nhisi norĩ ãma Hermo na isisi me te pẽ'ẽ to sina ai'ãma hã 're sõ're zahuré.

Zozué 11:17

Taha ro hã Halaque na ẽtẽ wamri hawi, Se'i na romnhisi 'ratamhã, Libanu ãma romharé niwĩ Baau-Gadi na 'ri wa'õtõ nhisi u hã te nomro, Hermo na ẽtẽ zahâpâ na'rata ãma. Zozué hã taha rom norĩ na ma tô uburé uprosi, apito norĩ hã.

Zozué 11:8

Tawamhã Uburé Danhib'apito hã ma tô Izaraéu nhihudu norĩ ma sõmri za'ra, te te da'ãma i'ai'uté za'ra zé hã. Tinhitob'ru norĩ te te sahui wamhã, ma tô Sidõ u isarina sisa're, Misrefote-Ma'ĩ na 'ri nho'õmo nhisi u hã, duré bâtâ pusizém niwĩ ẽtẽ nhi'riti romharé ãma Mispa na ẽtẽ siwa'aba wa romharé nhisi u hã. Tame, ma tô duré 'wapé za'ra, te te uburé i'uprosizéb u.

Zozué 3:10

Ãne wamhã, 'Re ihâimana u'âsi mono idâ'â'õ asiré ihâimana za'ra wa'aba na te za iwaihu'u za'ra wa'wa, sena na cananeu norĩ hã, hitita norĩ hã, heveu norĩ hã, perizeu norĩ hã, gigazeu norĩ hã, amoreu norĩ hã, duré zebuzeu norĩ hã za te te isani za'ra na zama.

Zuize 20:1

Tawamhã ãne wa, uburé Izaraéu nhihudu norĩ, hâiwa nhimi'e niwĩ Dãhã nhihudu 're ihâimana za'ra mono hawimhã, Beseba, hâiwa nhimire niwĩ 're ihâimana za'ra mono hawim norĩ me, duré Ziliadi, bâtâ pusizém niwĩ 're ihâimana za'ra mono hawim norĩ me, ma tô Mispa na 'ri wa'õtõ nhisi ãma si'rã'õtõ. Misi dahâiba ne ma tô Uburé Danhib'apito nho'remhã si'ubumro.

Zuize 21:5

Tawamhã te anharĩ za'ra ãne: — Uburé Izaraéu nhihudu norĩ wa'õtõ 'remhã, e ma norĩ dame isi'aba'réi õ, Uburé Danhib'apito nho'a, Mispa ãma dasi'rã'õno ihâimanazéb u hã. (Ta norĩ hã sena na ropisudu hã ma tô aré siwi 'manha, ãne: Ni'wa sô Mispa ãma dasi'rã'õno ihâimana ãma robaba wamhã, te za dasiwi wĩrĩ ni.)

Zuize 21:8

Tawamhã te sisadanharĩ za'ra ãne: — Izaraéu nhihudu norĩ 'remhã, e 'wam norĩ Mispa ãma Uburé Danhib'apito 're ihâimana mono zéb ãma hã isihâi'ré za'ra õ. Tawamhã ma tô siwi waihu'u, Zabesi-Ziliadi ãma hã dasi'rã'õtõ u ida'maimorĩ õ na hã.

Zuize 3:3

Tawamhã a'uwẽ norĩ, ti'ai hawi da te isate mono õ norĩ hã, ãne: Filisteu norĩ te, 5 na 'ri nho'õmo ãma 're ihâimana za'ra mono norĩ hã, uburé cananeu norĩ hã, Sidõniu norĩ hã, duré heveu norĩ ẽtẽ nhisi Libanu ãmamhã, Baau-Hermona na ẽtẽ nhisi hawi, Hamati na romnhisi hâimo inomro u hã.

Zuize 3:5

Ãne ma tô Izaraéu nhihudu norĩ, cananeu norĩ wa'wamhã, hitita norĩ wa'wamhã, amoreu norĩ wa'wamhã, perizeu norĩ wa'wamhã, heveu norĩ wa'wamhã, duré zebuzeu norĩ wa'wamhã 're hâimana za'ra.

1 Samuéu 10:17

Tawamhã Samuéu ma tô uburé sô tihârâ za'ra, Izaraéu nhihudu norĩ zô, Mispa ãma si'rã'õtõ da.