Zozué 11:16 - ꞌRe Ihâimana Uꞌâsi Mono Zadawa Wasuꞌu

¹⁶ Ãne ma tô Zozué uburé ti'a hã waibu, Zuda ti'a niwĩ ẽne ihâimana hã, uburé hâiwa nhimire niwĩ ti'a hã, uburé Gosẽ na romnhisi niwĩ ti'a hã, Zuda ti'a niwĩ romharé hã, Zodã pa ãma ẽtẽ nhi'riti siwa'aba wa, romharé hã, ẽtẽ niwĩ ti'a hã, duré Izaraéu na romnhisi niwĩ pu'u zaihâ na romharé zama hã.

Zozué 11:16 Iomraidhean Croise

Salmu 78:55

Tawamhã isib'a'uwẽ, ti'ai u te te sina rotété za'ra mono sidâpâsi, ma tô ti'ai 're, 're idahâimana siromo za'ra mono norĩ hã te te tãma 're satõrĩ za'ra. Tahawa, Izaraéu nhihudu wa'õtõ norĩ 're ma, ma tô ti'a hã te te tãma 're po'o za'ra. Duré i're 're idasi'ubumroi mono norĩ nhorõwa siromo wa, Izaraéu nhihudu 're ihâimana za'ra mono da hã ma tô tãma sa'ré za'ra.

Zozué 10:40

Ãne ma tô Zozué hã uburé ti'a norĩ ãmamhã ai'uté za'ra, ẽtẽ ãma apito norĩ 're ihâimana za'ra mono ãmamhã, duré hâiwa nhimire niwĩ norĩ ãmamhã, romharé norĩ ãmamhã, duré ẽtẽ zahâpâm na'rata norĩ ãmamhã. Ni'wa te te rẽme õ di. Uburé pese ma tô uprosi pese a'uwẽ hã, Uburé Danhib'apito, Izaraéu nhihudu norĩ te, 'Re ihâimana u'âsi mono hã te te tãma i'ru za'ra zéb zarina.

Zozué 10:41

Zozué hã Cade-Banea hawi Gaza u hã ma tô da'ãma ai'uté, duré Gosẽ niwĩ ro 're isa'wari mono hawi Gibiã u hã.

Zozué 11:15

Uburé Danhib'apito, Mozési tãma iromhuri'wai ma, te te iwaihu'uzém na ma tô Zozuéhé ma tãma waihu'u, Mozési hã. Ta hã ma tô duré wapari pese, te te rẽme ãna, Zozué hã. Tahawa ma tô uburé pese marĩ 'manha, Uburé Danhib'apito, Mozésihi ma te te 'manharĩ da, te te tãma i'ruzéb zarina.

Zozué 11:2

ẽtẽ ãma apito 're ihâimana za'ra mono norĩ ma, hâiwa nhimi'e niwĩmhã; Zodã pa ãma ẽtẽ nhi'riti romharé wa, 're ihâimana za'ra mono norĩ ma, hâiwa nhimire niwĩ pu Galiléa na isisi ãmamhã; duré Dori na 'ri nho'õmo nhisi 'rata pazaihâ na romharé wa, 're ihâimana za'ra mono norĩ ma.

Zozué 11:21

Tawamhã ãne hã romhâimana ré, ma tô Zozué, a'uwẽ i'rãihâ anaqui na iwamri norĩ, ẽtẽ ãma 're ihâimana za'ra mono hã uprosi: Hebrõ ãma, Débi ãma, Anabe ãma, uburé Zuda niwĩ ẽtẽ ãma hã, duré Izaraéu niwĩmhã. Tawamhã uburé pese ma tô Zozué hã uprosi, duré ite za'ra 'ri nho'õmo norĩ zama.

Zozué 12:8

à hã ti'a norĩ hã, ẽtẽ niwĩmhã, romharé hã, Zodã na ẽtẽ nhi'ridi romharé hã, ẽtẽ u ti'a inomro hã, duré hâiwa nhimire niwĩ supara 'ré si ro 're isa'wari mono hã. à hã ti'ai 'remhã hitita norĩ aré 're ihâimana za'ra mono hã, amoreu norĩ, cananeu norĩ, perizeu norĩ, heveu norĩ, duré zebuzeu norĩ.

Zozué 9:1

Tawamhã Zodã pa bâtâ zasizém niwĩ, uburé apito 're ihâimana za'ra mono norĩ hã ma tô ãne na Izaraéu nhihudu norĩ te te da'ãma i'ai'uté za'ra zé hã waihu'u za'ra, ẽtẽ ãma 're ihâimana za'ra mono norĩ hã duré romharé ãmam norĩ hã, duré uburé âporé Mediterãniu zaihâ ãmam norĩ zama, Libanu na romnhisi u hã. Ta norĩ te apito, hitita norĩ te hã, amoreu norĩ te hã, cananeu norĩ te hã, perizeu norĩ te hã, heveu norĩ te hã, duré zebuzeu norĩ te hã.