Zozué 11:14 - ꞌRe Ihâimana Uꞌâsi Mono Zadawa Wasuꞌu

¹⁴ Tawamhã marĩ iwa'âbâ za'ẽtẽ norĩ na, duré 'ri nho'õmo norĩ te danhimizama na hã ma tô Izaraéu nhihudu norĩ hã uburé pese ãma ate za'ra. Tane nherẽ, ma tô uburé pese siwi da'uprosi, ni'wa hã hâiba ré hã hâimana ãna.

Zozué 11:14 Iomraidhean Croise

Zozué 10:40

Ãne ma tô Zozué hã uburé ti'a norĩ ãmamhã ai'uté za'ra, ẽtẽ ãma apito norĩ 're ihâimana za'ra mono ãmamhã, duré hâiwa nhimire niwĩ norĩ ãmamhã, romharé norĩ ãmamhã, duré ẽtẽ zahâpâm na'rata norĩ ãmamhã. Ni'wa te te rẽme õ di. Uburé pese ma tô uprosi pese a'uwẽ hã, Uburé Danhib'apito, Izaraéu nhihudu norĩ te, 'Re ihâimana u'âsi mono hã te te tãma i'ru za'ra zéb zarina.

Zozué 11:11

Ma tô Izaraéu nhihudu norĩ, iwa 're ihâimana za'ra mono norĩ hã uburé siwi uprosi. Duré 'ri nho'õmo na ma tô ãma siwi ro'o.

Zozué 11:13

Tane nherẽ, Izaraéu nhihudu norĩ, 'ri isiprum nhisiwi da te 're i'ri za'ra mono ãma hã te te ãma siwi sazui õ di. Hazo ãmap si ma tô Zozué hã ãma ro'o.

Zozué 11:15

Uburé Danhib'apito, Mozési tãma iromhuri'wai ma, te te iwaihu'uzém na ma tô Zozuéhé ma tãma waihu'u, Mozési hã. Ta hã ma tô duré wapari pese, te te rẽme ãna, Zozué hã. Tahawa ma tô uburé pese marĩ 'manha, Uburé Danhib'apito, Mozésihi ma te te 'manharĩ da, te te tãma i'ruzéb zarina.

Zozué 8:2

Tahawa te za ã hã 'ri nho'õmo ma, Zerico ma, i'manharĩ za'ra wa'aba ne hã tãma i'manharĩ za'ra wa'wa za. Tawamhã ãhã na uburé pese marĩ mono hã, powawẽ norĩ hã te za aima tihâimana za'ra wa'wa. Tahawa ma'ãpé pi'uriwi 'ri nho'õmo babarã u ni'wam norĩ satõrĩ za'ra na, simiza'rese õ ré bâtâ pisutu zarina te te isusi za'ra da hã.

Zozué 8:27

Tawamhã Izaraéu nhihudu norĩ hã ma tô marĩ te te sima waibu, 'ri nho'õmo ãma, Uburé Danhib'apito, Zozué te te 'manharĩ da, te te tãma iwaihu'uzéb zarina.