Zozué 10:8 - ꞌRe Ihâimana Uꞌâsi Mono Zadawa Wasuꞌu

⁸ Tawamhã Uburé Danhib'apito, te Zozuéhé ma tinha, ãne: — Ã hã apito norĩ ma hã aipahi za'ra tõ. Wa hã wa tô aima sõmri siromo za'ra, asib'ratamhã. Tahawa ta norĩ hã tihâiba na te te aima wa'rãmi waihu'u za'ra õ di za.

Zozué 10:8 Iomraidhean Croise

Roma 8:31

'Re ihâimana u'âsi mono hã ãne hã te te wama 're apisutu mono wamhã, e niha wa za tawamhã 're wahâimana za'ra. Ta hã, wa niwĩ oto 're hâimana za'ra mono wa, e 'wa hã te za wa'ãma ai'uté. Mare di. Uburé wanhitob'ru norĩ nhiptetezé hã, tarére 'Re ihâimana u'âsi mono ma hã.

Zozué 10:25

Tawamhã Zozué te duré ãne tãma nharĩ za'ra: — Aipahi za'ra wa'aba tõ. Duré aiwi robzei'õ za'ra wa'aba tõ. Asiptete za'ra wa'aba, duré asib'ru za'ra wa'aba. E marĩ wa. Uburé Danhib'apito te za ãne hã tinhitob'ru norĩ ma te te 're ab'manharĩ, uburé za asiwi 're i'wapé za'ra wa'aba mono norĩ ma.

Zozué 10:9

Tawamhã Gilga hawi Zozué norĩ oto wairébé wamhã, ma tô marabâre sisarina ai'aba'ré. Tahawa, ma tô simiza'rese za'ra õ ré siwi sahu.

Zozué 11:6

Tawamhã Uburé Danhib'apito te Zozuéhé ma tinha, ãne: — Tãma aipahi za'ra tõ. Awẽmhã tô ãne bâtâ na wa za ta norĩ hã uburé pese uprosi, Izaraéu nhihudu norĩ ma. Tawamhã a hã ite za'ra awaru te za tiwi i'amorĩ'õ. Te za duré ãma tiwi i'azazu, wedewara zapore na dasi'wapézém na hã.

Zozué 8:1

Tawamhã te Uburé Danhib'apito hã tinha ãne, Zozuéhé ma: — Aipahi tõ! Sada asib'ru na! Uburé ate dasi'wapéi 'manharĩ'wa norĩ me, 'ri nho'u Ai zada, asõré pese na ai'aba'réi wa'aba. Wa hã wa za ta norĩ nhib'apito ãma i'ai'uté za'ra wa'aba zéb da hã aipawaptob za'ra wa'wa. Tahawa asib'ratab za'ra wa'aba, wa za Ai ãma a'uwẽ norĩ hã duré 'ri nho'u hã, duré isipti'a za'ra zama aima sõmri za'ra wa'wa.

Zuize 6:16

Tane nherẽ, Uburé Danhib'apito te duré ãne tãma tinha: — Tane nherẽ, te za ãne hã i'manha, wa hã za te aipawapto wa. Tahawa te za a hã midiãnita norĩ ãma uburé i'ai'uté za'ra, ihâiba za'ra aima hã misi dahâiba ne.

Zuize 7:9

Tawamhã tô taha mara na Uburé Danhib'apito, ma tô duré Gidiãhã ma tinha ãne: — Ma'ãpé ai'utu, midiãnita norĩ te 'ri u si'ra da, a'wapé da. Asib'rata wa za oto aima sõmri za'ra.

1 Samuéu 17:47

Ãme uburé ihâimana za'ra hã te za 'Re ihâimana u'âsi mono waihu'u za'ra, sib'ézé 'wapa ãna, duré wedewãi waré 'rã'wa ãna tinhib'a'uwẽ te te isõ'reptu za'ra na hã. E marĩ wa. Dasi'wapé hã 'Re ihâimana u'âsi mono te wa. Ta hã te za wanhib'rata uburé wama aihâiba nhomri za'ra wa'wa.