Zozué 10:36 - ꞌRe Ihâimana Uꞌâsi Mono Zadawa Wasuꞌu

³⁶ Tawamhã Zozué norĩ, tite dasi'wapéi 'manharĩ'wa norĩ me ma tô Égrõ hawimhã ai'aba'ré, 'ri nho'u Hebrõ u. Tahawa ma tô duré siwi sahu, ta norĩ hã.

Zozué 10:36 Iomraidhean Croise

Zenezi 13:18

Tawamhã ãne te te tãma waihu'u wa, Abrã te te sima i'ri nhoré mono zé hã ma tô te te awasihu, te te aza'ré da 'ri hã, rowede iwazéb zahi, Mare na isisi 'rata 're hâimana mono da oto, 'ri nho'u Hebrõ na isisi 'rata 're isa mono ãma. Tame ma tô Abrã, Uburé Danhib'apito ma, ẽtẽ za'ra hã 'manha, ãma iwatazéb da hã.

Zozué 10:3

Tahawa ma tô apito Adoni-Zédéqui rowasu'u'wa norĩ satõrĩ za'ra, ãne na romreme ré si'aba'ré da, Hebrõ na 'ri nho'õmo nhisi ãma apito Hoãhã u, Zamute na 'ri nho'õmo nhisi ãma apito Pirãhã u, Laqui na 'ri nho'õmo nhisi ãma apito Zapiaha u, duré Égrõ na 'ri nho'õmo nhisi ãma apito Débihi u:

Zozué 10:35

Tahawa, ma tô duré tô taha bâtâ na siwi ti'â. Tawamhã Laqui ma te te i'manharĩ za'ra ne, ma tô duré uburé pese siwi da'uprosi.

Zozué 10:37

Ma tô duré siwi ti'â. Apito hã ma tô duré siwi tiwĩ. Duré Hebrõ 're, 're idahâimana za'ra mono norĩ zama ma tô siwi uprosi, iwaptoma 're idahâimana za'ra mono norĩ zama. Tawamhã Zozué, 'ri nho'u te te siwi iprub da hã ma tô ti'ru, Égrõ ma te te i'manharĩ ne, ni'wa hã hâiba ré hã hâimana ãna.

Zozué 10:5

Tawamhã amoreu norĩ te 5 na apito ma tô si'rã'õtõ, Zeruzalẽ hawimhã, Hebrõ hawimhã, Zamute hawimhã, Laqui hawimhã, duré Égrõ hawimhã. Ta norĩ hã ma tô tite dasi'wapéi 'manharĩ'wa norĩ hã 'rã'õtõ za'ra. Ma tô duré Gibiã hã siwi uirĩ. Tahawa, ma tô siwi sahu.

Zuize 1:10

Tawamhã 'rinho'u Hebrõ na isisi, aré imorĩ'rada Quiriate-Arba na isisi ãma 're ihâimana za'ra mono norĩ zama, ma tô siwi wano'õ, cananeu norĩ hã. Tahawa, Anaquihi 'ra norĩ ãma, Sesai ãma hã, Aima ãma hã, duré Tauma'i ãma hã ma tô ãma ai'uté za'ra.

Zuize 1:20

Tawamhã Mozési te te i'ruzéb zarina, ma tô Calebihi ma 'rinho'u Hebrõ na isisi hã tãma sõmri ni. Duré taha si, ma tô Anaquihi 'ra si'ubdatõ ihâimana za'ra hã ta hawi oto sani za'ra.