Zozué 10:32 - ꞌRe Ihâimana Uꞌâsi Mono Zadawa Wasuꞌu

³² Tawamhã maparane bâtâ ãma dasi'wapéi ãmamhã, ma tô Uburé Danhib'apito, Izaraéu nhihudu norĩ ma hã sõmri za'ra, Laqui ãma te te ãma i'ai'uté za'ra zéb da hã. Libna ma, te te i'manharĩ za'ra zém ne, ma tô duré uburé siwi da'uprosi, Laqui ãmamhã.

Zozué 10:32 Iomraidhean Croise

Ezodu 17:13

Ãne Zozué, amalequita norĩ ãma uburé te te i'ai'uté za'ra zé hã.

Zozué 10:28

Tawamhã Zozué, to taha bâtâ na Maqueda te te sahui wamhã, ma tô ti'â. Apito ma tô duré tiwĩ. Duré uburé 'ri nho'õmo wa, 're ihâimana za'ra mono norĩ hã ma tô uprosi. Tahawa, ni'wa hã hâiba ré hâimana õ di. Ãne ma tô Zerico ãma apito ma, te te i'manharĩzém ne hã 'manha, Maqueda ãma apito ma hã.

Zozué 10:31

Taha pari, Zozué norĩ tite dasi'wapéi 'manharĩ'wa norĩ me ma tô Libna hawimhã ai'aba'ré, Laqui u hã. Tawamhã 'ri nho'u te te siwi uirĩ wamhã, ma tô duré siwi sahu.

Zozué 10:33

Tawamhã apito Horã, Geze na 'ri nho'õmo nhisi te hã ma tô watobro, Laqui te te pawaptob da hã. Tane nherẽ, ma tô Zozué hã ãma ai'uté apito ãmamhã, duré isib'a'uwẽ norĩ ãmamhã. Ni'wa hâiba ré hã te te rẽme õ di.

Zozué 11:12

Ãne Zozué, uburé 'ri nho'õmo norĩ, duré ite apito norĩ te te waibui wamhã, ma tô uburé uprosi, Uburé Danhib'apito ma romhuri'wa, Mozési te te iwaihu'uzéb zarina.