Zozué 10:13 - ꞌRe Ihâimana Uꞌâsi Mono Zadawa Wasuꞌu

¹³ Tawamhã bâdâ hã ma tô mazazâ. Duré a'amo zama ma tô mazazâ, tinhitob'ru norĩ na a'uwẽ isi'ruiwa'âbâ za'ra zéb u. Ãhã na ãma irob'ui'éré hã te Zasa na ibaihâ nhisi 'remhã tihâiba. Tawamhã ma tô hâiwa nho'õmo mazazâ bâdâ hã. Tahawa ma tô duré misi bâtâ wahuré na timorĩzéb upana hã tihâiba.

Zozué 10:13 Iomraidhean Croise

Salmu 19:4

Tane nherẽ, iwasu'uzé hã ma tô uburé ti'ai mono bâ te te datẽme ropé. Duré 'Re ihâimana u'âsi mono hã ma tô bâdâ 're isa mono zéb da, ro te te tãma ipisutu ãma tisã.

Zuéu 2:10

Ta norĩ hã sisõré pese na we sisarina 're nomro mono ré, te duré ti'a hã 're popo'o, duré hâiwa hã. Bâtâ norĩ hã te duré 're tõmo 'rãdâ'â zahuré, a'amoi me. Wasi norĩ hã te duré 're ro'osipari za'ra.

Zuéu 2:31

Bâdâ hã te za titõmo 'rãdâ'â. Duré a'amo hã te za titõmo wapru, Uburé Danhib'apito nhibâdâ tô sena ipipa uptabi wisi wana ré hã.”

Zuéu 3:15

Tawamhã bâtâ norĩ hã a'amoi me te za titõmo 'rãdâ'â zahuré. Duré wasi norĩ hã te za ro'ohaimani za'ra.

Mateu 24:29

Ãne na ma duré tãma waihu'u siromo za'ra: — Tawamhã da te 're robzépata za'ẽtẽ za'ra mono parip si, awa'awi te za bâtâ na tirobra. A'amo zama te te rob'uiwẽ õ di za oto. Wasi norĩ hã te za duré rere, hâiwa hawi. Uburé hâiwa na 're isimasa mono hã te za duré 're sisa're.

Mateu 5:45

Ãne te za dama 're i'manharĩ za'ra wa'aba mo, Aimama aba 'ra na sena na da te 're aiwaihu'u za'ra wa'aba mono da, hâiwa ãma 're isãmra mono 'ra na. E marĩ wa, te za ai'ruiwapari'wa norĩ hã 're isawi pese za'ra wa'aba mo. Ni'wai ma, isawi hã te te 're ba'a mono õ wa, 'Re ihâimana u'âsi mono hã. Uburé te te 're da'azawi pese, te te 're isawi pese za'ra mono norĩ hã, duré te te 're isawi õ za'ra mono norĩ zama. Aiwapsi te bâdâ hã te te dama 're rob'uiwẽ za'ra, 're inomro wẽ mono norĩ ma, duré 're inomro wasété mono norĩ ma zama, 'Re ihâimana u'âsi mono nhimipisutuzéb zarina. Aiwapsi te duré tã hã dama 're ta'a za'ra, 'Re ihâimana u'âsi mono nhimiroti te te 're i'madâ'â pese za'ra mono norĩ ma, duré te te 're iwapari za'ra mono õ norĩ ma zama, isimipisutuzéb zarina.

Luca 18:7

Wẽ prã zahã, te za, u, imrotõ hã pawapto. E bété tinhib'a'uwẽ hã te te 're pawaptob za'ra mono õ di za, 'Re ihâimana u'âsi mono hã. Ãté rowa'a na, ãté bara na te za sô 're hãsi, te te 're pawaptob za'ra mono da. E bété te te 're pawaptop su'u za'ra mono õ di za.

Zezusihi zadawa wasuꞌuꞌwa norĩ nhimiromhuri na robꞌuiꞌéré 2:20

Bâdâ te te duré rob'uiwẽ õ di za. Te za tirobra. A'amo zama hã te za titõmo wapru. Ãne wa za 'manha, uburé Danhib'apito nhibâdâ hã iwa waptã'ã õ ré, ipire uptabi hã.

Zozué 10:11

Tawamhã Izaraéu nhihudu norĩ ma, Bete-Horõ bâdâdi i'rãsipra na Azeca u tãma sisa'rei mono wamhã, ma tô Uburé Danhib'apito hâiwa hawi tãzâ hã isitob'ru norĩ nhisiwimhã sa'wa. Tahawa ma tô õne haré ai'utõ. Tãnhama na da'ahâ uptabi na ma tô ai'utõrĩ ni, Izaraéu nhihudu norĩ te te idanhimro nhipai u hã.

Zozué 10:14

Niwamhã taha bâtâ na ne iwana hã ihâimana õ, duré niwamhã za ãne hã ihâimana zahu õ, Uburé Danhib'apito aibâ mreme te te iwapari ne hã. Ãne ma tô tiromhâiba, Uburé Danhib'apito, Izaraéu nhihudu norĩ ãma si'wapéi wa.

Apocalipsi 21:23

Duré 'ri nho'õmo na hã bâdâ te te 're rob'uiwẽ mono õ di za oto, duré a'amo zama hã. 'Re ihâimana u'âsi mono nhimirowa'a si te za oto te te 're rowa'a, Pone'ẽrebâ nhimirowa'a zama.

Apocalipsi 6:10

Tawamhã mreme 'rãihâ na te hã: — Wanhib'apito, danhipai u aiwaihu'u pese di. Duré aiwẽ uptabi di. Tô sena, a hã. Tahawa, e nimahã na hã wa'uprosi'wa norĩ ãma iwasédé hã sa'ra õ di za, ti'ai ãma 're ihâimana wasété za'ra mono ãma. E niwamhã wa'ruiwa'âbâ za'ra õ di za, asimi'ahârizém na hã.

Apocalipsi 6:12

Tawamhã wa tô duré 'madâ. Te 'madâ'â wamhã, ma tô Pone'ẽrebâ hã duré pru imropâ ãma hã, ibaihâ nhinha uptobzé hã. Te te pru wamhã, awa'awi ma tô ti'a hã sãsã'ã, sa'ẽtẽ uptabi. Bâdâ hã ma tô duré titoptâ'â, zazahâ ihâ 'rãdâ'â uptabi ne. A'amo hã ma tô duré titõmo wapru.

Apocalipsi 8:12

Tawamhã hâiwa ãma romhuri'wa hã maparane si'uiwa na ãma hã ma tô duré tinhimnhihârâzém na amnhihârâ. Simnhihârâ wi, ma tô bâdâ hã itõmo wãiwa prã na titobra. A'amo zama ma duré itõmo wãiwa prã na titobra. Wasi norĩ zama, ma duré itõmo wãiwa prã na tobra. Tahawa, te te rob'uiwẽ prã za'ra di wasi norĩ hã, bâtâ norĩ me, duré a'amo norĩ me.

Zuize 16:28

Tawamhã Sãsã, Uburé Danhib'apito ma te ãne mre: — Uburé Danhib'apito i'aiwaihu'u pe, ma'ãpé ĩ'ãma aipo're pu'u ãhã na hã. Ma'ãpé ĩzawi na ĩnhiptetezé ãhã na si ĩma sõmri, filisteu norĩ te te siwi ĩtopu'u za'ra norĩ hâiba na misi haré 'râwi ãma ĩsi'ruiwa'âbâ da.

Zuize 5:2

Uburé Danhib'apito ãma 're wawata za'ra wa'aba mono! Izaraéu nhihudu norĩ, si'wapé za'ra da, ma tô sima waprosi za'ra. Ma tô duré rowẽ sina 're sipisutu za'ra.