Zozué 10:12 - ꞌRe Ihâimana Uꞌâsi Mono Zadawa Wasuꞌu

¹² Tawamhã Izaraéu nhihudu norĩ ma, amoreu norĩ ãma Uburé Danhib'apito te te ãma i'ai'uté za'ra zé te te tãma isõmri za'ra zé bâtâ na, ma tô Zozué hã tãma tinha, Izaraéu nhihudu norĩ nho'a, ãne: “Bâdâ, ma'ãpé Gibiã nhisi nho'õmoi baba asimizazâri! Duré a'amo, ma'ãpé Aizarõ na romharé nhisi nho'õmoi baba asimizazâri!”

Zozué 10:12 Iomraidhean Croise

Salmu 19:4

Tane nherẽ, iwasu'uzé hã ma tô uburé ti'ai mono bâ te te datẽme ropé. Duré 'Re ihâimana u'âsi mono hã ma tô bâdâ 're isa mono zéb da, ro te te tãma ipisutu ãma tisã.

Zozué 10:13

Tawamhã bâdâ hã ma tô mazazâ. Duré a'amo zama ma tô mazazâ, tinhitob'ru norĩ na a'uwẽ isi'ruiwa'âbâ za'ra zéb u. Ãhã na ãma irob'ui'éré hã te Zasa na ibaihâ nhisi 'remhã tihâiba. Tawamhã ma tô hâiwa nho'õmo mazazâ bâdâ hã. Tahawa ma tô duré misi bâtâ wahuré na timorĩzéb upana hã tihâiba.

Zuize 12:12

Tawamhã duré ta hã dâ'â wamhã, ma tô Aizarõ, Zébulõhõ nhipti'ai ãma hã dasiwi ãma ti'a ni.

Zuize 5:20

Wasi norĩ zama te ãhã wamhã, ai'wapé za'ra. Hâiwa na 're siwa'rãmi za'ra mono ré, ma tô Sisera siwi 'wapé.

1 Samuéu 12:18

Tawamhã Samuéu hã ma tô mre, 'Re ihâimana u'âsi mono ma. Tãma mreme wamhã, tô taha bâtâ na ma tô Wanhib'apito hã tãma rob'ru tãirãrã'ã ma, duré tãi ma hã. Tahawa, ma tô uburé Izaraéu nhihudu norĩ hã tipahi pese za'ra Wanhib'apito ma hã, duré Samuéu ma zama.

1 Samuéu 14:31

Tawamhã taha bâtâ na Mitima hawi Aizarõ na 'ri wa'õtõ nhisi u filisteu norĩ ãma te te ai'uté za'ra parimhã, ma tô Izaraéu nhihudu norĩ hã ab'uwa pese za'ra, mrap te.