Zozué 1:7 - ꞌRe Ihâimana Uꞌâsi Mono Zadawa Wasuꞌu

⁷ Tô asiptete, sada asib'ru uptabi duré. Taré oto ãma pibui pese, ĩma romhuri'wa Mozési, ĩnhimiroti uburé te te aima isõmrizéb zarina si ãma 're aihâimana mono da. Ĩnhimiroti te te aima isõmri wi hã 're aipizari mono tõ. Tawamhã ãne wamhã nimomo 're ane mono sidâpâsi, te za 're i'aihâimana mono wẽ zé hã asina 're i'a'uwaimrami mo za.

Zozué 1:7 Iomraidhean Croise

Provébiu 4:27

Tiwi 're ai'a're nhi'oto mono tõ õwamhã, duré ãwamhã. Iwasété ma hã, duré 're asa'o hâ mono.

Provébiu 8:20

Wa hã bâdâdi sena na 're ĩhâimana mono na wa 're mo. Duré i'uwaibaba zarina si wa 're mo.

Daniéu 10:19

Ãne te ĩma tinha: — 'Re ihâimana u'âsi mono ma hã tãma asawi uptabi di. Tahawa, aipahi tõ. 'Re ihâimana u'âsi mono hawi rowẽzé aima ihâimana da si iwẽ hã. Tahawa, sada asib'ru na! Duré asiptete na aihâimana! Ãne te te ĩma nharĩ wa, oto apâ ĩnhiptete wamhã, wa tô ãma sada'â ãne: — Ma'ãpé oto ãma ĩma rowasu'u na. A hã ĩnhiptede hã ma tô apâ ĩma isõ.

Zozué 1:1

Tawamhã Mozési, Uburé Danhib'apito ma romhuri'wa, dâ'â parimhã, ma tô 'Re ihâimana u'âsi mono hã ipawapto'wai ma, Zozué na isisi, Nuhu 'ra ma tinha ãne:

Zozué 1:8

Ma'ãpé ãma irob'ui'éré na hã õne u'â ãma 're aimreme mono. Bâtâ na hã duré mara na hã ãhã ibaihâ na ãma 're romnhoré mono, ãma 're asiptete mono wa, uburé ãma irob'ui'éré zarina asina ãma 're uwaimrami mono da. Tawapsi, te za 're i'aihâimana mono wẽ zé hã asina 're i'uwaimrami mo.

Zozué 1:9

Ĩnhimirowaihu'u na aima hã, ma'ãpé ãma aipo're pu'u: “Asiptete, duré asib'ru na! Aiwi robzei'õ tõ, duré aipahi tõ! E marĩ wa. Wa hã Uburé Danhib'apito, ate 'Re ihâimana u'âsi mono, nimomo 're ane mono sidâpâsi, wa za asiré 're ĩhâimana.”

Zozué 11:15

Uburé Danhib'apito, Mozési tãma iromhuri'wai ma, te te iwaihu'uzém na ma tô Zozuéhé ma tãma waihu'u, Mozési hã. Ta hã ma tô duré wapari pese, te te rẽme ãna, Zozué hã. Tahawa ma tô uburé pese marĩ 'manha, Uburé Danhib'apito, Mozésihi ma te te 'manharĩ da, te te tãma i'ruzéb zarina.

Zozué 23:6

Tahawa te za sada asiptete za'ra wa'wa, uburé pese Mozési te te ãma irob'ui'érézé hã 're 'manharĩ za'ra wa'aba mono da, niha na nima niwĩmhã isimiroti nhiti 're aihâimana za'ra wa'aba mono ãna.