Zozué 1:5 - ꞌRe Ihâimana Uꞌâsi Mono Zadawa Wasuꞌu

⁵ Tawamhã niwamhã da te ai'ãma i'ai'uté da hã mare di za. E marĩ wa. Wa hã za asiré 're ĩhâimana u'âsi mono wa, Mozésihi siré 're ĩhâimana mono ne. Niwamhã te airẽme õ di za.

Zozué 1:5 Iomraidhean Croise

Zenezi 39:2

Tame Uburé Danhib'apito, Zuzéhé siré 're hâimana u'âsi mono wa, te uburé marĩ hã te te 're ab'manharĩ wẽ u'âsi. Tawamhã te oto tinhib'ihâ'a nhorõwa ãma 're sãmra, ezipsiu nhorõwa ãma.

Ezodu 3:12

Tawamhã 'Re ihâimana u'âsi mono, ma duré ãma sada'â ãne: — Wa hã wa za asiré ĩhâiba. Niwa nimahã na Ezitu hawi ĩnhib'a'uwẽ awazere wamhã, a norĩ wa'wa te za ã hã ẽtẽ ãma hã ĩ'ãma 're aiwata za'ra wa'aba mo. Tawamhã ãne na te i'asatõrĩzém na te za a hã tô sena na hã iwaihu.

Daniéu 11:16

Ezitu u isisisi norĩ hã te za ezipsiu dasi'wapéi 'manharĩ'wa norĩ ma, sima iwẽ na niha hã marĩ tãma 'manharĩ za'ra, ni'wa hã sada hâimana za'ra ãna. Tawamhã ta norĩ hã te za Ti'a Iwẽ uptabi u asisi. Te za duré tô ãma ai'uté za'ra.

Mateu 28:20

Te za duré dama 're iroti za'ra wa'aba mo, uburé te aima 're iroti za'ra wa'aba mono zéb zarina, ĩnhimiroti si da te 're 'madâ'â u'âsi za'ra mono da. Õne u'âsi, wa za asiré 're ĩmorĩ u'âsi za'ra wa'wa, ro isi'utõrĩzéb u. Ãne na aipo're si'âri za'ra wa'aba õ di za.

Roma 8:31

'Re ihâimana u'âsi mono hã ãne hã te te wama 're apisutu mono wamhã, e niha wa za tawamhã 're wahâimana za'ra. Ta hã, wa niwĩ oto 're hâimana za'ra mono wa, e 'wa hã te za wa'ãma ai'uté. Mare di. Uburé wanhitob'ru norĩ nhiptetezé hã, tarére 'Re ihâimana u'âsi mono ma hã.

Roma 8:37

E tawamhã, uburé marĩ iwasédé hã wazada 're ihâimana za'ra mono zéb zarina, te za Cristu te te 're iwa'azawi pese mono zé hã wawi 're si'utõrĩ za'ra. Mare di. Uburé marĩ na da te wama 're rob'manharĩ wasété za'ra mono da nherẽ, ta hã te te 're iwa'azawi pese mono, te za te te 're wa'apawapto, Cristuhu si, wanhitob'ru norĩ ãma wa te ãma 're ai'uté pese za'ra mono da.

2 Timotiu 4:17

Da te ĩrẽme za'ra nherẽ, ma tô Wanhib'apito hã ĩ'rata tihâiba, te te ĩnhiptete da, 'ri para zudeu'õ norĩ ma, te rowasu'u da, Wanhib'apito wasu'uwẽ na. Ãhã wamhã, ma tô Wanhib'apito hã ĩnho'reptu, ĩdâ'â tõ da a'â.

Hebreu 13:5

Rob'uiprazéb zawizé, te te aima 're roti za'ra wa'aba mono tõ da, tãma asina 're rowairébé za'ra wa'aba mono õ di za. Asibro hã aima 're ihâimana za'ra wa'aba mono na si, te za asima 're irowẽ za'ra wa'aba mo. Duréihã 'Re ihâimana u'âsi mono hã ma tô ãne dama sina ropisutu: “Niwamhã te airẽme za'ra wa'aba õ di za. Duré asiwaprosi 're aihâimana za'ra wa'aba mono da, asiti za'ra wa'aba 're ĩhâimana waihu'u mono õ di za.”

Zozué 1:17

Õne u'â Mozésihi mreme wa te 're iwapari pese za'ra mono ne, wa za tô duré aimreme zama wa te 're wapari pese za'ra. Uburé Danhib'apito, ate 'Re ihâimana u'âsi mono, za aime 're hâimana mono da, wa wasima wẽ za'ra ni, Mozésihi siré 're ihâimana mono ne.

Zozué 1:9

Ĩnhimirowaihu'u na aima hã, ma'ãpé ãma aipo're pu'u: “Asiptete, duré asib'ru na! Aiwi robzei'õ tõ, duré aipahi tõ! E marĩ wa. Wa hã Uburé Danhib'apito, ate 'Re ihâimana u'âsi mono, nimomo 're ane mono sidâpâsi, wa za asiré 're ĩhâimana.”

Zozué 10:8

Tawamhã Uburé Danhib'apito, te Zozuéhé ma tinha, ãne: — Ã hã apito norĩ ma hã aipahi za'ra tõ. Wa hã wa tô aima sõmri siromo za'ra, asib'ratamhã. Tahawa ta norĩ hã tihâiba na te te aima wa'rãmi waihu'u za'ra õ di za.

Zozué 3:7

Tawamhã Uburé Danhib'apito, te Zozuéhé ma tinha, ãne: — Ã bâtâ na za marĩ te i'manharĩzéb zarina, uburé Izaraéu nhihudu norĩ hã te za siwi aiwaihu'u, aibâ dama i'asa'ẽtẽ na hã. Te za tawamhã duré siwi ĩwaihu'u, Mozésihi siré 're ĩhâimana mono ne, duré asiré zama 're ĩhâimana mono na hã.

Zozué 6:27

Ãne ma tô Uburé Danhib'apito, Zozuéhé siré tihâiba. Tawamhã ma tô iwasu'u za'ẽne hã ti'ai wa'õtõ nho'õmo mono bâ te te ropé.

Zuize 2:18

Tawamhã Uburé Danhib'apito, dama i'rãnho'u te te dama 're sõmri za'ra mono sidâpâsi, ma tô te te 're pawaptob za'ra. Duré dama i'rãnho'u we 're hâimana za'ra mono sidâpâsi, ma tô Uburé Danhib'apito, danhitob'ru norĩ wi hã te te 're da'anho'reptu. E marĩ wa, Izaraéu nhihudu norĩ ãma 're siwamri mono wa, te te 're irobzépata za'ra mono zém na hã, duré iwada'uri pese na da te 're iwati za'ra mono zém na.

Zuize 6:16

Tane nherẽ, Uburé Danhib'apito te duré ãne tãma tinha: — Tane nherẽ, te za ãne hã i'manha, wa hã za te aipawapto wa. Tahawa te za a hã midiãnita norĩ ãma uburé i'ai'uté za'ra, ihâiba za'ra aima hã misi dahâiba ne.

1 Samuéu 10:7

Tawamhã ãne hã marĩ aima hâimana wamhã, uburé marĩ hã i'uwaibaba si 're ab'manharĩ mono za. E marĩ wa. 'Re ihâimana u'âsi mono hã za aime 're hâimana mono wa.