Zozué 1:17 - ꞌRe Ihâimana Uꞌâsi Mono Zadawa Wasuꞌu

¹⁷ Õne u'â Mozésihi mreme wa te 're iwapari pese za'ra mono ne, wa za tô duré aimreme zama wa te 're wapari pese za'ra. Uburé Danhib'apito, ate 'Re ihâimana u'âsi mono, za aime 're hâimana mono da, wa wasima wẽ za'ra ni, Mozésihi siré 're ihâimana mono ne.

Zozué 1:17 Iomraidhean Croise

Mateu 21:9

Tawamhã Zezusihi nhowa idasi'aba'ré norĩ hã duré isarina idasi'aba'ré norĩ zama te nasi dasima 'mahârâ za'ra ni, ãne: — Apito Dawihi nhihudu ãma, 're wawata za'ra wa'aba mono. Wanhib'apito zadawa para, te we oto mo. 'Re ihâimana u'âsi mono hã iwẽ si te te tãma 're pisutu u'âsi mono neza. 'Re ihâimana u'âsi mono ãma zama duré 're wawata za'ra wa'aba mono, hâiwa ãma 're isãmra mono ãma, wei watẽme te te satõrĩ wẽ te.

Zozué 1:16

Tawamhã ta norĩ hã ma tô ãma sada'âbâ za'ra ãne, Zozué hã: — Uburé wama i'ru za'ra zé hã wa za 'manharĩ za'ra ni tô. Duré 're wazatõrĩ za'ra mono sidâpâsi, wa za tô 're wanomro.

Zozué 1:18

Tawamhã duré ni'wa hã te te i'aimreme wapari õ zarina, siwa'ru asimirowaihu'u wi sipi'rai wamhã, te za wĩrĩ ni. Tahawa asiptete na si, duré asib'ru na si hã aihâimana mono za.

Zozué 1:5

Tawamhã niwamhã da te ai'ãma i'ai'uté da hã mare di za. E marĩ wa. Wa hã za asiré 're ĩhâimana u'âsi mono wa, Mozésihi siré 're ĩhâimana mono ne. Niwamhã te airẽme õ di za.

Zozué 1:9

Ĩnhimirowaihu'u na aima hã, ma'ãpé ãma aipo're pu'u: “Asiptete, duré asib'ru na! Aiwi robzei'õ tõ, duré aipahi tõ! E marĩ wa. Wa hã Uburé Danhib'apito, ate 'Re ihâimana u'âsi mono, nimomo 're ane mono sidâpâsi, wa za asiré 're ĩhâimana.”

Zozué 4:14

Tawamhã taha bâtâ na hã Izaraéu nhihudu norĩ, Zozué aibâ dama isa'ẽtẽ na te te waihu'u za'ra da hã, ma tô Uburé Danhib'apito hã tãma 'manharĩ za'ra. Tahawa Mozési te te siwi 're iwazéb za'ra mono ne, ma tô duré Zozué hã te te siwi 're wazé pese.

1 Samuéu 17:37

Wanhib'apito 'Re ihâimana u'âsi mono hã ma tô nasi ĩnho'reptu, hu'u zérépa wi, duré ursu wi. Tane te za duré ĩnho'reptu, ã hã filisteu te 'wapéi wamhã. Tawamhã Sau ma tô ãma sada'â ãne: — Wẽ di tô. Aimorĩ. 'Re ihâimana u'âsi mono si asiré hâimana da hã wẽ di, ĩma hã.

1 Samuéu 20:13

Ĩmama, marĩ aihâiba na te te 'manharĩ wasété da wamhã, taha zarina apâ rowasu'u na te ãma aima siri õ wamhã, duré wẽ na aiwatobro da, te dawi ai'madâ'â wẽ õ wamhã, wa za ĩsi'ru 'Re ihâimana u'âsi mono te te ĩwĩrĩ da hã. Ĩmama siré 're ihâimana mono ne, asiré 're hâimana mono neza 'Re ihâimana u'âsi mono hã.