Zozué 1:15 - ꞌRe Ihâimana Uꞌâsi Mono Zadawa Wasuꞌu

¹⁵ Tawamhã Uburé Danhib'apito, wate 'Re ihâimana u'âsi mono, ti'a za te te tãma isõmri za'ra na hã te za ãma ate za'ra, iwa 're hâimana za'ra mono da oto. Ãne niwa marĩ hâimana wamhã, te za asipti'ai u apâ we ai'aba'réi wa'wa, za iwa 're aihâimana za'ra wa'aba mono da, Mozési, 'Re ihâimana u'âsi mono ma romhuri'wa, ãme te te aima isõmri za'ra wa'aba ãma, Zodã pa â bâtâ pusizém niwĩmhã.”

Zozué 1:15 Iomraidhean Croise

1 Corĩtu 12:26

Wapara hã marĩ ãma sépu'u wa, te te robzépata wamhã, taha u'âbâ, te za uburé wahâiba hã isabâdâ robzépata za'ra. Tane duré, ni'wa hã wasiré isazei'wa, marĩ na te te robzépata wamhã, wa norĩ zama, wa za duré isabâdâ robzépata za'ra ni. Duré, ni'wa hã wasiré isazei'wa hã isimiromhuri wẽ na da te dasima wasu'u wẽ za'ra wamhã, wa norĩ zama, wa za duré isabâdâ 're wato za'ra.

1 Corĩtu 13:5

Duré hâimana nhiséb ãna, da'ãma 're to za'ra mono õ di za. Duré 'râwi tihâimanazéb da si, te te si'ãma 're rosa'rata za'ra mono õ di za. Duré wara sina, dazada 're siti'ru za'ra mono õ di za. Duré da te tãma 're rob'manharĩ wasété za'ra mono wamhã, dawasédé te te da'ãma 're 'madâ'â u'âsi za'ra mono õ di za. Ãne isazei'wa norĩ, simizawi pese na 're ihâimana za'ra mono zéb da hã.

Galata 5:13

Ĩsisãnawã norĩ, 'Re ihâimana u'âsi mono hã ma tô aima pisutu za'ra wa'wa, rowẽ na ãma 're aihâimana za'ra wa'aba mono da, isimiroti na rob'ui'éré 'rata zarina, 're irob'manharĩ za'ra wa'aba mono zém na 're asõpré wa'aba mono tõ da, taha zarina, 'Re ihâimana u'âsi mono te te 're asõ'reptu za'ra wa'aba mono dai õ wa. Tane nherẽ, rowẽ na 'Re ihâimana u'âsi mono ãma 're aihâimana za'ra wa'aba mono wẽ te, marĩ iwẽ'õ na aipẽ'ẽ 're, asima 're rosa'rata za'ra wa'aba mono wamhã, asina hã ãma 're rob'manharĩ za'ra wa'aba mono õ di za. Ãne te za oto 're anomro aba mo. Asimizawi pese za'ra wa'aba zéb zarina si, te za 're asipawaptob za'ra wa'aba mo niha wamhã asib'rata na, duré asimarĩ na zama, duré asimiroti na zama hã.

Galata 6:2

Marĩ wa, aiwi 're robzei'õ za'ra wa'aba mono wamhã, ma'ãpé 're asipawapto pese za'ra wa'aba mono, roti iwẽ na si. Ãne wamhã, Cristuhu nhimiroti wẽ 'madâ'â'wa te za tô 're aihâimana za'ra wa'aba mo.

Filipu 2:4

Asima 're iwẽ za'ra wa'aba mono zéb uwaibaba si, asima si 're aihâimana za'ra wa'aba mono õ di za. Taha nhipai u, te za duré asiré norĩ ãma zama 're aipo're pu'u u'âsi za'ra wa'aba mo, te te sima 're iwẽ za'ra mono zéb zarina, 're pawaptob za'ra wa'aba mono da.

Zozué 1:1

Tawamhã Mozési, Uburé Danhib'apito ma romhuri'wa, dâ'â parimhã, ma tô 'Re ihâimana u'âsi mono hã ipawapto'wai ma, Zozué na isisi, Nuhu 'ra ma tinha ãne:

Zozué 1:14

Tawamhã Mozési, ti'a te te aima isõmri za'ra wa'aba ãma te za pi'õ norĩ ate wa'wa hã, duré ai'ra norĩ wa'wa hã 're hâimana za'ra za. Asimizama za'ra wa'wa hã te za ãme isiré za'ra hã 're hâimana za'ra, Zodã pa zara niwĩ bâtâ pusizém niwĩmhã. Aibâ norĩ si te za da'wapéi'wa da tinhimnhi'ã hã waibu za'ra, tisiré Izaraéu nhihudu norĩ nhowa te te saprĩ za'ra da panho'õmo na hã te te pawapto za'ra da dasi'wapé na hã.

Zozué 1:16

Tawamhã ta norĩ hã ma tô ãma sada'âbâ za'ra ãne, Zozué hã: — Uburé wama i'ru za'ra zé hã wa za 'manharĩ za'ra ni tô. Duré 're wazatõrĩ za'ra mono sidâpâsi, wa za tô 're wanomro.