Provébiu 6:6 - ꞌRe Ihâimana Uꞌâsi Mono Zadawa Wasuꞌu

⁶ Aiwa'a za'ra wa'aba norĩ, 'rãti norĩ 're ihâimana za'ra mono zém na rosa'rata za'ra wa'aba, marĩ hã ãma waihu'u za'ra wa'aba da!

Provébiu 6:6 Iomraidhean Croise

Provébiu 20:4

Rob're'wa iwa'a hã, rob'rezé uwaibaba te te iti'ai hâipo'o mono õ hã, te te dame 're iroptehâri mono da hã mare di.

Provébiu 18:9

Ni'wa isimiromhuri 'wamnha'a hã aiwa dawi marĩ wamnarĩ'wa ne hã te 're hâimana.

Provébiu 6:9

Aiwa'a za'ra wa'aba norĩ, e momo te za asimiwaptâ wamhã, anomrozé hã i'rãsutu za'ra wa'wa. Rob'upi zei õ 'wa norĩ, e niwa te za asimiwaptâ hawimhã aptâ'â wi tiwi ai'utu za'ra wa'wa.

Hebreu 6:12

Aiwa'a ãna õhõ ãma si 're aihâimana za'ra wa'aba mono da, wa tô te ĩsima 're aiwẽ za'ra wa'wa. Ni'wam norĩ hã siptete sina, Cristu te te sina 're i'umnhasi za'ra mono norĩ hã te za 'Re ihâimana u'âsi mono hã iwẽ uptabi hã tãma sõmri za'ra, te te tãma iropisutu za'ra zéb uwaibaba. Ta norĩ, 're ihâimana za'ra mono ne, Cristu hã asina 're umnhasi za'ra wa'aba mono da, wa tô te ĩsima 're aiwẽ za'ra wa'wa.

Provébiu 13:4

Iwa'a hã marĩ te te sima 're 'ruiwapari u'âsi mono nherẽ, marĩ hã te te sima iwazere da hã mare di. Taré te za te te 're ro'wapé. Tane nherẽ, ni'wa simi'ẽ na siptete sina marĩ te te 're 'manharĩ mono wamhã, te za tô te te sima 're iwẽ mono hã te te sima ãma 're a'uwaimrami.

Mateu 25:26

— Tawamhã isib'apito, te ãne asa tãma tinha: “A hã ĩma romhuri wasété 'wa. Aiwa'a uptabi di. Ma tô ĩ'ãma irosa'ra, marĩ hã date nherẽ, te dawi ĩsima 're i'awaibui mono na, ĩte da. Ãne ma tô ĩ'ãma asima, irosa'ra.

Provébiu 30:25

'rãti norĩ sib'uware na 're hâimana za'ra mono nherẽ, rob'ré na tisazéb da, te te sisa 're irobza'ra mono;

Roma 12:11

Aiwa'a ãna, te za duré 're iromhuri pese za'ra wa'aba mo. Wanhib'apito ma si, te za asimi'ẽi uptabi na 're iromhuri u'âsi za'ra wa'aba mo, aihâiba tiwi 're sawi za'ra wa'aba mono ãna.

Provébiu 21:25

Iwa'a, marĩ na te te sima 're irob'ruiwapari mono na te za 'râwi tinhimirosa'rata na taré 're sipãrĩ niha da ne, duré niwamhã romhuri na tinhib'rada hã te te 're nomri mono õ wa.

Provébiu 19:15

Dawa'a hã te za aptâ'â si te te dama 're sõmri za'ra. Duré iwa'a hã te za mra hã te te 're sépata.

Provébiu 22:13

Iwa'a hã te za tinha ãne: “'Ripara hawi rob u ĩwatobro wamhã, hu'u zérépa te za ĩ'â.”

Provébiu 10:26

Iwa'a hã marĩ te te 're 'manharĩ mono da, da te 're satõrĩ mono wamhã, aiwa â warĩrĩ vinagri te te 're ida'wanhihâ za'ra mono ne, duré unhama nhizé hã te te 're idatõmo rĩrĩ za'ra mono ne, te za dapẽ'ẽ 'remhã te te dawi 're ro'wa'ré za'ra.

Provébiu 19:24

Sima iwa'a, tizadawa u tisa hã te te sima 're zai waihu'u mono õ di, wa'a uptabi wa.

Mateu 6:26

Sire norĩ hã bété. Ta norĩ hã te te sima 're robzuri za'ra mono õ di. Duré te te sima 're rob'rãihâri za'ra mono õ di. Robza'razéb ãma te te duré sisa hã 're robza'wari za'ra mono õ di, ãma 're isaihuri mono zéb da hã. Tane nherẽ, te Aimama 'wa hã hâiwa ãma 're isãmra mono hã isa hã te te tãma 're anhomri u'âsi. E tawamhã sire si te te 're azawi pese, 'Re ihâimana u'âsi mono hã. Mare di.

Provébiu 15:19

Iwa'a norĩ 're inomro mono zé bâdâdi na hã 'wabzéré hã ahâ di. Tane nherẽ, sena na 're ihâimana za'ra mono norĩ nhibâdâdi hã iharé na si.

Provébiu 1:17

Si mramizé hã si te te 'madâ'â ré, da te sô sasõmri wamhã, marĩ dai õ di. Taré te za da'o.

Provébiu 23:19

Ĩ'ra te za ĩwapa. Ai'rãi waihu'u wẽ na te za 're aihâimana mo. Te za duré sena na 're i'aihâimana wẽ mono zéb da hã asima 're irosa'rata mo.

Provébiu 30:24

Abaze norĩ te maparane si'uiwa na 're hâimana za'ra, surure nherẽ, i'rãi waihu'u pe hã:

Provébiu 10:4

Tinhib'rata na iwa'a norĩ te te 're iromhuri za'ra mono õ hã te za tinhimarĩ na hã te te ãma siwi 're ti'awi pese za'ra. Tane nherẽ, ni'wa siptete na tinhib'rata na te te 're iromhuri pese mono si te za tinhimarĩ hã te te ãma sima 're azani.