Luca 4:2 - ꞌRe Ihâimana Uꞌâsi Mono Zadawa Wasuꞌu

² A'ubuni wi hâimana ré hã, bâdâ hã ahâ na ma tô ãma ai'utõ, 40 na. Tame hâimana ré, ma tô itẽme wi Wa'uburé hã, te te nasi pibu da, isimiroti na te te saze da. Taha ré hã, sai ãna te tihâiba, Zezusi hã. Tahawa, ma tô mra hã sépata.

Luca 4:2 Iomraidhean Croise

Zenezi 3:15

Wa za duré aima pisutu 'wa, asi'rui wa'aba na asisada 're aihâimana aba mono da hã. Tawamhã ãne zarina te za asihudu norĩ wa'aba zama si'ru na hã sisada 're hâimana za'ra. Ãhã pi'õ nhihudu norĩ hã te za zahadu wapsi siwi ai'rãihâpâ. Tawamhã a hã te za duré pi'õ nhihudu norĩ hã ipara na'rata wi hã 're i'ahâzu mo.

Ezodu 24:18

Tawamhã Mozési ẽtẽ na te te sai'uri ré, ma tô oto hâiwa'a wa'wa u hã ãzé. Tahawa, ẽtẽ ãma 40 bâtâ na, duré 40 mara na ma tô tihâiba.

Ezodu 34:28

Tawamhã Mozési, Uburé Danhib'apito siré ma tô tamemhã tihâiba, 40 bâtâ na, 40 mara na sai ãna duré te te hâ'rẽne ãna. Tawamhã ma tô ẽtẽpo'o na 10 sina 'Re ihâimana u'âsi mono nhimirotizém na hã ãma rob'ui'éré zahuré.

Zona 3:7

Ma tô duré dama ti'ru, da te ãma dapo're pu'u za'ra da, 'ri nho'õmo 're, 're idahâimana za'ra mono norĩ hã ãne: “Ã hã apito nhimiroti, duré isapari tãma iromhuri'wa norĩ nhimiroti zama. Ni'wa isa da hã mare di za. Aihĩni norĩ hã, duré abaze norĩ hã, powawẽ norĩ hã duré pone'ẽrebâ zéré mapure norĩ zama isaihuri da hã, mare di za. Duré â te te i'âhuri da hã mare di za, uburé marĩ wa'u norĩ zama.

Mateu 21:18

Tawamhã mararé ma tô Zezusi hã apâ mo Zeruzalẽ u. Morĩ ré, ma tô mra hã azâ.

Mateu 4:2

Tawamhã a'ubuni wi sãmra ré, ma tô bâdâ hã 40 na duré 40 mara na hã ãma ai'utõ, sai ãna sãmra ré hã. Tahawa tãma hã mrab uptabi di.

Luca 4:3

Tawamhã Wa'uburé hã te Zezusihi ma tinha, ãne: — Sena a hã, 'Re ihâimana u'âsi mono 'ra wamhã, ma'ãpé ẽtẽ ma nharĩ, i'u'ẽtẽ wapu na aima si'manharĩ da.

Hebreu 2:18

Zezusi hã ma tô robzépata za'ẽtẽ tô, ti'ab ré. Duré Wa'uburé hã ma tô aré pibu, tiwasédé hã te te 'manharĩ da. Tane nherẽ, te te iwapari õ zarina, tiwasédé hã te te 'manharĩ õ di. Tahawa, Wa'uburé hã te te 're wapibu za'ra mono wamhã, te za õ hã tô te te 're wa'apawapto, isine wawasédé hã wa te 're 'manharĩ za'ra mono ãna, wanhiptete sina õhõ ãma si oto 're wanomro mono da, Zezusihi ãma si.

Hebreu 4:15

Tawamhã tô õ hã sasedoti ipire uptabi na, te te wa'ãma 're iromhuri mono hã, e wahâimana nhib'uware na 're wahâimana za'ra mono nherẽ, wa'ãma 're siwamri mono õ di za bété, ta hã. Te za tô wa'ãma 're siwamri u'âsi. E marĩ wa. Ta hã ma tô Wa'uburé hã te te 're pibu aré, tiwasédé hã te te 'manharĩ da, wawasédé hã wa te 're 'manharĩ za'ra mono da, te te 're iwa'apibui u'âsi mono ne. Tane nherẽ, tiwasédé hã te te 'manharĩ õ uptabi di, Zezusi hã.

1 Samuéu 17:16

Tawamhã Gulia hã 40 bâtâ 'remhã ma tô awẽ sidâpâsi duré hâiwahâ nhidâpâsi Izaraéu nhihudu norĩ zô hã, nasi tihârâ zahi za'ra.