Luca 10:3 - ꞌRe Ihâimana Uꞌâsi Mono Zadawa Wasuꞌu

³ Te za oto datẽme 're iropéi wa'aba mo. Pone'ẽrebâ 'ra, robzahi wa'wa u 're isisisi mono ne, wa za datẽme asatõrĩ za'ra wa'wa, datẽme ropéi wa'aba mono da oto.

Luca 10:3 Iomraidhean Croise

Salmu 22:21

à hã hu'u zérépa norĩ zadai'ré wi hã ĩnho'reptu na. Duré rom na powawẽ i'õmo ré norĩ isahi wi hã ĩsi'wawimhã ĩsimapa waihu'u õ di.

Mateu 10:16

— Ma'ãpé ĩwapari pese za'ra wa'aba. Pone'ẽrebâire, robzahi wa'wa u 're isisisi mono ne, wa za datẽme asatõrĩ za'ra wa'wa. Tahawa, te za asimiza'rese 're anomro aba mo, wahi ne. Duré utu'u, marĩ iwasédé hã te te 're i'manharĩ za'ra mono õ ne, te za 're anomro wẽ wa'aba mo.

Mateu 10:22

Uburé te za da te 're ai'ruiwapari za'ra wa'wa, ĩzazei'wa 're anomro aba mono wa. Tane nherẽ, asiptete sina õne u'â ĩ'ãma si 're anomro aba mono wamhã, te za asina 're i'uwaimrami za'ra wa'aba mo, asõ'reptu za'ra wa'aba zé hã.

Mateu 7:15

— Duré, 'Re ihâimana u'âsi mono zadawa wasu'u uptabi õ 'wa norĩ wi, te za 're asi'madâ'â pese za'ra wa'aba mo. Ta norĩ hã tô sena dasiré 're hâimana wẽ za'ra mono newa, te za te te dama 're roti za'ra taré. Ta norĩ hã te abaze zahi ne 're hâimana u'âsi za'ra, isazei'wa norĩ zada hã.

Luca 10:4

Marĩ hã asiré 're 'wasari aba mono õ di za, ro'wapézé hã, duré rob'uiprazé nhemezé hã, duré aipara'uza wa'wa hã. Duré, 're asimizahâri za'ra wa'aba mono õ di za, bâdâdi wa, 're dazawi za'ra wa'aba mono da.

Zuwã 10:12

Tite wa, te te 're azawi pese, tinhimizama hã, pone'ẽrebâ 'madâ'â'wa hã. Tãma iromhuri'wa hã tite õ wa, te te 're azawi pese mono õ di. Taré rob'uiprazéb zô si, te te 're romhuri. Robzahi hã we sô morĩ wamhã, te za tiwi wara. Pone'ẽrebâ, te za rẽme za'ra. Tahawa, te za 'mai'â, robzahi hã. Te te 'mai'âri wamhã, te za ãma ropé.

Zuwã 15:20

Asina ĩwapari pese za'ra wa'aba, ãma 're rosa'rata u'âsi za'ra wa'aba mono da, ĩmreme na. Danhib'apito norĩ ma, da te 're i'manharĩ za'ra mono zéb zarina, te za duré tãma iromhuri'wa norĩ ma, da te 're 'manharĩ za'ra. Wa hã Asib'apito za'ra wa'wa hã da te ĩma 're irob'manharĩ wasété za'ra mono ne, te za duré aima za'ra wa'aba, da te 're rob'manharĩ wasété za'ra. Duré ĩnhimiroti hã da te 're 'madâ'â pese za'ra mono wamhã, asimiroti za'ra wa'aba zama te za duré da te 're 'madâ'â pese za'ra.

Zuwã 16:2

Dama ipire norĩ hã te za aiwi te te 're rosawi za'ra wa'wa, rowahutuzéb u dame 're asisisi aba mono tõ da. Duré 'Re ihâimana u'âsi mono te te tãma pisutu za'ra newa, te za ai'uprosi aba ni.

Zezusihi zadawa wasuꞌuꞌwa norĩ nhimiromhuri na robꞌuiꞌéré 20:29

Aihawi ĩmorĩ za'ra wa'aba wamhã, ni'wam norĩ hã te za we asô ai'aba'réi wa'wa. Abaze zahi, pone'ẽrebâ da, 're isahi za'ra mono ne, te za asada tizahi za'ra wa'wa. Tinhimirowahutu wasété na te za asada tihâimana za'ra wa'wa. Ai'ãma pẽ'ẽzé za'ra wa'aba õ di za. Ãne wa tô ai'ãma waihu'u siromo za'ra wa'wa.

Zezusihi zadawa wasuꞌuꞌwa norĩ nhimiromhuri na robꞌuiꞌéré 9:16

Tawamhã te te dama 're ĩzadawa wasu'u mono wamhã, te za oto te te 're robzépata. Uburé za te te 're irobzépata mono zém na wa za tãma awaihu'u siro, Sauluhu ma.

Zezusihi zadawa wasuꞌuꞌwa norĩ nhimiromhuri na robꞌuiꞌéré 9:2

Ta hã rob'ui'éré Damascu na 'ri nho'õmo nhisi u te te âri da, ma tô tiwi waptẽ, tame zudeu norĩ te, rowahutu'wa norĩ ma, te te sõmri za'ra da, sasedoti ipire zadawa para itẽme imorĩ za'ra na rob'ui'éré hã. Tawamhã Wanhib'apito 're ihâimana mono zém na 're inomro mono norĩ hã, rob'ui'éré'wa zadawa para te za Saulu hã we te te simro, Zeruzalẽ u pawasisi ré, aibâ norĩ hã, pi'õ norĩ zama.