Filemo 1:8 - ꞌRe Ihâimana Uꞌâsi Mono Zadawa Wasuꞌu

⁸ Tahawa, marĩ na wa za aima rowaihu'u. Wa za duré aiwi rowaptẽ. Wa hã asiré Cristuhu zazei'wai wa, adub'rada, wa oto 're mo. E tahawa, wa za ãma aima ti'ru, marĩ hã 'manharĩ da. Mare di. Te ãma aima 'rui õ di za.

Filemo 1:8 Iomraidhean Croise

2 Corĩtu 10:8

Wanhib'apito hã ma tô wapisutu, isadawa para, wa te 're aipawaptob za'ra wa'aba mono da. E tawamhã, wanhimipawaptobzéb zarina, ãma 're anomro wẽ wa'aba mono zé hã, wa te aiwi 're uprosi za'ra wa'aba mono da, ma tô ãne hã wama pisutu. Mare di. Isadawa para, wa te 're i'aipawaptob za'ra wa'aba mono zéb zarina, asiptete sina ãma 're anomro aba mono da si, ma tô wapisutu, Wanhib'apito hã. Ãhã zarina si, aima 're ĩsiwasu'u za'ra wa'aba mono wa, ãma 're ĩnhisé mono õ di, tô sena aima 're ĩsiwasu'u za'ra wa'aba mono wa, ãne na hã.

2 Corĩtu 11:21

Wa hã ãne, te aima 're i'manharĩ za'ra wa'aba mono da hã, ãté aré sada ĩnhib'uware di. Ta norĩ si hã tinhimirosa'rata na sina 're siptete za'ra mono di, ãne te te aima 're irob'manharĩ wasété za'ra wa'aba mono zéb da hã. E ãne da hã, 're ĩhâimana mono bâ, wa hã bété. Mare di. Ta norĩ hã marĩ wasu'u wẽ na, dama 're isiwasu'u za'ra mono zém na hã te te siwi ãma ĩwabzu za'ra õ di, Wanhib'apito wasu'uwẽ na te dama 're iromhuri wẽ mono zém na hã. Tane nherẽ, wa hã ãne na aima ĩsiwasu'u za'ra wa'aba 'wa'âhã, ãté tô ĩnhimiza'rese'õ ne, wa aré aima 're ĩhâimana za'ra wa'wa.

2 Corĩtu 3:12

'Re ihâimana u'âsi mono te te dama iropisutuzép té hã, niwamhã wawi 're si'utõrĩ za'ra mono dai õ wa, wa taha umnhasi sina, wa te 're 'madâ'â u'âsi. Tahawa, wapahi ãna, wa tô wa te dama 're wasu'u u'âsi.

Éfézu 5:4

Duré aimreme nhiséb'õ na asima 're rowasu'u wasété za'ra wa'aba mono õ di za. Aimreme to na duré asima 're rowasu'u wasété za'ra wa'aba mono õ di za, ãne hã i'uwaibaba õ wa, Wamama nhib'a'uwẽ 're iwanomro mono norĩ ma hã. Wama 're isõpru mono zém na si, te za oto asima 're irowasu'u za'ra wa'aba mo, Wamama ãma si 're aiwata za'ra wa'aba mono da.

1 Tesalonita 2:2

Filipu na 'ri nho'õmo nhisi ãma zahadu wasi'ubumroi ré, wa tô robzépata za'ra ni, isazei'õ'wa norĩ nhimihâzém na, duré damreme wasété na zama. Taha na ma tô wa'ãmamhã iwaihu'u za'ra wa'wa. Tane nherẽ, Wanhib'apito 'Re ihâimana u'âsi mono hã ma tô wapawaptob za'ra, wapahi ãna, isadawa wasu'u hã wa te aima wasu'u za'ra wa'aba da, Cristuhu wasu'uwẽ hã. Tahawa, wamreme wa'rãmi, da te wawi ro'wa'rutu za'ra nherẽ, wa tô iwasu'uwẽ na aima rowasu'u za'ra wa'aba ni tô, wapahi za'ra ãna.

1 Tesalonita 2:6

Wanhimirowahutu wẽ na wa'ãma 're aiwata za'ra wa'aba mono da, wa te wasina rosa'rata za'ra õ di. Duré, aimawi norĩ hã ãne zarina, wa'ãma wata za'ra da, wa te wasina rosa'rata za'ra õ di duré.