Filemo 1:23 - ꞌRe Ihâimana Uꞌâsi Mono Zadawa Wasuꞌu

²³ Ãhã na Epafrasi hã te ãma asawi. Ta hã duré Cristu Zezusihi wasu'u'wai wa, dazazéb 're te nhamra, ĩme.

Filemo 1:23 Iomraidhean Croise

Roma 16:7

Duré asiwi ĩma sawi zahuré wa'aba, Ãdronicu norĩ hã, Zuniasihi me. Ta norĩ hã ĩsiré zudeu norĩ, ma tô ĩsiré tihâimana zahuré, dazazéb 'remhã. Cristuhu zadawa wasu'u'wa norĩ siré te te 're romhuri zahuré mono wa, tãma waihu'u pese za'ra di, isiré romhuri'wa norĩ ma hã. Ta norĩ hã ma tô ĩwana saze na'rata zahuré, Cristu hã.

Colosu 1:7

Epafrasihi nhimirowasu'u zarina, ma tô ãma iwaihu'u za'ra wa'wa. Ta hã Cristuhu ma wasiré romhuri'wa, wama isawi pe hã. Simi'ẽ na te Cristuhu ma, te te ai'ãma 're romhuri pese za'ra wa'wa, wa'upana.

Colosu 4:10

Aristacu hã ãme dazazéb 're, ĩsiré ihâiba hã te ãma asawi za'ra wa'wa, timreme na. Marcu hã te duré ãma asawi za'ra wa'wa, Banabéhé mama amoi 'ra hã. Taha na wa tô nimahã na hã aima ãma roti pari za'ra wa'wa, niwa atẽme wisi za'ra wa'aba wamhã, asiwi sawi wẽ wa'aba da.

Colosu 4:12

Epafrasi te duré ãma asawi za'ra wa'wa, tame asiré isazei'wa norĩ siré 're ihâimana mono hã, Cristu Zezusihi ma romhuri'wa hã. Ta hã te ai'ãma 're mreme u'âsi 'wa simi'ẽ na, 'Re ihâimana u'âsi mono ma, taha si te te 're aipawaptob u'âsi za'ra wa'aba mono da, asiptete sina ãma 're anomro aba mono da, duré aihâimana prédup sina 're aihâimana wẽ za'ra wa'aba mono da, ta hã te te aima 're iwẽ za'ra wa'aba mono zéb zarina si. Cristu hã asina 're i'umnhasi za'ra wa'aba mono zém na 're asiptete za'ra wa'aba mono da, te duré ai'ãma 're mreme u'âsi za'ra wa'wa.

Filemo 1:1

Filemo, a hã wasiwadi wama asawi pese di, duré wasiré Cristu Zezusihi ma romhuri'wa. Ãhã na, wa hã Paulu, wa za asawi, ĩnhimi'ui'éré na. Wano Timotiuhu me, wa za asawi ni. Duré Zezusihi zazei'wa norĩ, asõrõwa u siré 're isi'rã'õtõ mono norĩ zama, wa za ãma azawi ni. Duré wahidiba hã Apiza hã wa za ãma sawi ni. Duré aibâ hã Arquipu hã wa za ãma sawi ni. Ta hã te duré wasiré Wanhib'apito ma, te te 're romhuri pese. Wa hã Zezu Cristuhu ma romhuri'wai wa, ma tô dasiwi ĩ'âri ni. Dazazéb 're ma tô duré dasiwi ĩnherẽ ni. Tawamhã dazazéb 're, ĩnhamra ré, wa za aima ãma rob'ui'éré za'ra wa'wa.

Filemo 1:9

Ĩma asawi pese wa, wa hã Paulu, dazazéb 're ĩnhamra nherẽ, Cristu Zezusihi zadawa wasu'u'wai wa, wa za taré aiwi rowaptẽ, asi'uihâ na si marĩ hã 'manharĩ da.