Filemo 1:21 - ꞌRe Ihâimana Uꞌâsi Mono Zadawa Wasuꞌu

²¹ Ãne, wa aima rob'ui'éré, ĩnhimiroti hã waihu'u da. Zahadu wapsi, uburé 're i'ab'manharĩ wẽ mono zé hã, Onezimuhu ãma hã, ĩnhimiroti zarina hã wa za waihu'u. Ãté ĩnhimiroti zarina si õ di za. Ãté asi'uihâ na asimirosa'rata zarina zama, te za tãma i'manharĩ wẽ.

Filemo 1:21 Iomraidhean Croise

Roma 2:19

Ãne na te duré asi'ãma si 're irosa'rata upa za'ra wa'aba mo: “Wa norĩ si datob'a ne 're idanomro mono norĩ hã, wa wa te 're simro, tô sena. Robra u'âsi 're idanomro mono norĩ ma, wa wa te 're rowa'a za'ra.

2 Corĩtu 2:3

Ãne wa, wa tô rob'ui'éré si ãma aima sõmri za'ra wa'wa a'â, te ĩsina iropisutuzém nhibrob're. Wa tô duré ĩsima rosa'rata, ãne: “Ãté itẽme ĩmorĩ za'ra wamhã, te za ĩwi tirobzei'õ pese, ĩnhimiroti hã te te 're wapari za'ra mono õ wa, ta norĩ hã. Ãne wa, wa za rob'ui'éré si tãma sõmri za'ra a'â. Tawamhã ĩnhimiroti hã te te saze za'ra wamhã, ĩto sina, wa za itẽme ĩmorĩ za'ra oto. Ãne wamhã, tãma ĩto za'ra zéb zarina, te za duré to sina sima 're hâimana za'ra, ta norĩ hã.” Ãne wa tô ĩsima rosa'rata, ai'ãma za'ra wa'aba hã. 'Re aihâimana za'ra wa'aba mono zém na, 're ĩtoi mono õ di. E ãne hã i'uwaibaba, ĩma hã. Mare di. I'uwaibaba õ di. Tahawa, wa tô a'â rob'ui'éré si ãma aima sõmri za'ra wa'wa.

2 Corĩtu 7:16

Tahawa, wa hã duré, aima ĩto za'ẽtẽ za'ra wa'aba di. E marĩ wa. Ĩma ai'umnhasi za'ra wa'aba wa oto, ãne na 're i'aihâimana za'ra wa'aba mono zém na hã.

2 Corĩtu 8:22

Wasisãnawã hâiba amo hã wa za duré ãma atẽme satõrĩ za'ra wa'aba ni, Titu norĩ siré, ãma morĩ da. Ta hã wa tô nasi pibu za'ra ni, simi'ẽ na te te 're romhuri mono zô, Wanhib'apito ma. Tahawa, wa tô waihu'u za'ra ni, tô sena isimi'ẽ na hã, duré to sina te te 're iromhuri mono na hã. Ta hã aiwasu'u wẽ za'ra wa'wa hã te te wapari wa, tãma ai'umnhasi uptabi za'ra wa'aba di, za rob'uiprazém na dama i'asõprub za'ra wa'aba zéb da na hã. Tahawa, toi uptabi di ãhã na hã, rob'uiprazé ubumro na za te te ãma aipawaptob za'ra wa'aba wa.

Galata 5:10

Tane nherẽ, simisutu Wanhib'apito nhib'a'uwẽ 're wanomro mono wa, wa za te 're ai'umnhasi za'ra wa'wa, te aima iwaihu'u za'ra wa'aba zéb zarina si, za apâ 're aihâimana za'ra wa'aba mono na. Aibâ hã dama pire na 're hâimana mono nherẽ, aimawi tinhimirowasu'u na te te aiwi 're ro'wa'rutu za'ra wa'aba mono wa, tãma 're rowẽ mono õ di za, ta hã 'Re ihâimana u'âsi mono si za te te azâri wa.

2 Tesalonita 3:4

Wa norĩ hã Wanhib'apito ãma simisutu 're wanomro mono wa, wa wa te ai'ãma 're umnhasi za'ra wa'wa. Tahawa, wa aiwaihu'u za'ra wa'aba ni, tô sena, wanhimiroti zarina ãma 're i'anomro aba mono na hã. Tane tô, õne u'â te za ãma 're anomro aba mo.