प्रकास 9:2 - पश्‍चिम तामाङ

² हुजु सार्‌चे दप्‍ज्‍यीम् दप्‍प अखम्‍बे नुप्‍पे व्‍हङ् ठोङ्‌ज्‍यी ओसेम् ङ्‍हच्‍छ्‍यङ् मेइ ल्‍हम् न्‍हङ्‍चे डोङ्‌ब र्‌हङ्‌ले मीङ्‍गु डोङ्‍ज्‍यी, ओसेम् हुजु मीङ्‍गुचे दीनीइ य्‍हल्‍तेङ् मुएनो म्‍हुन्‍दुङ् तज्‍यी।

प्रकास 9:2 Iomraidhean Croise

प्रेरीत् 2:19

ङचे नम्‍तीङ् मुरी तेङेन्‍की चीनोमा ङोन्‍स्‍ये मुब, ओसेम् दुङ्‌री जम्‍बुलीङ्‌री तेङेन्‍की लक्‍मा स्‍य्‍हेङ्‌स्‍ये मुब। हुजुमा का, मेतेङ् मीङ्‍गुइ बोन् तस्‍ये मुब।

प्रकास 14:11

थेङ्‍यीमात पीन्‍बे सजायकी मेतेङ् गन्‍धक्‍की मीङ्‍गु खेमपङ्‌लेनो तोर् रेस्‍यीनो टीस्‍ये मुब। थेङ्‍यीमा हुजुमानो य्‍हीन्‍ब, खल्‍चे हुजु दुस्‍ट सेम्‍ज्‍येन्‍तेङ् हुजुइ ख्‍लत तेन्‍ब, ओसेम् हुजुइ मीन्‍री चीनो ल्‍हइतीपुङ्‍ब। थेङ्‍यीमाचे दीन् म्‍हुन् खेम पङ्‌लेनो दुख नास्‍ये मुब।”

प्रकास 16:10

ओसेम् पाचौ स्‍वर्‌गदुत्‍चे र्‌हङ्‍की खोरेचे पर्‌मेस्‍वर्‌की बोमोत हुजु दुस्‍ट सेम्‍ज्‍येन्की ठीइ जोरी तेःलाज्‍यी, ओसेम् थेइ य्‍हुल्‍री म्‍हुन्‍दुङ् तज्‍यी, ओसेम् दुखमा तबल तज्‍यीम् म्‍हीमाचे र्‌हङ्-र्‌हङ्‍की ले ङ्‌येत्‍ज्‍यी।

प्रकास 8:12

हुजु लीप्‍चे चौथो स्‍वर्‌गदुत्‍चे थेइ तुरही र्‌हप्‍ज्‍यी, ओसेम् दीनी, लनीतेङ् सार्‌माकी बो सोम्‍री बो गीःत ग्‍यङ्‌ज्‍यी, ओसेम् हुजुमाकी य्‍हल् बो सोम्‍री बो गी म्‍हज्‍यी। ओसेम् दीन्तेङ् म्‍हुन्‍री बो सोम्‍री बो गी म्‍हुन्‍दुङ् तज्‍यी।

प्रकास 9:1

हुजुलीप्‍चे पाचौ स्‍वर्‌गदुत्‍चे थेइ तुरही र्‌हप्‍ज्‍यी ओसेम् ङचे मुग्‍यम्‍से सार् गी सरी तइयुबल म्रङ्‌ज्‍यी। हुजु सार्‌त दप्‍ज्‍यीम् दप्‍प अखम्‍बे नुप्‍पे व्‍हङ्‍की साचो पीन्‍ज्‍यी।

प्रकास 9:11

दप्‍ज्‍यीम् दप्‍प अखम्‍बे नुप्‍पे व्‍हङ्‍की दुस्‍ट दुत् थेङ्‍यीमाकी ग्‍यल्‍बो मुबल। हीब्रु ग्‍योत्‍री हुजुइ मीन् “एबाड्‍डोन” ओसेम् ग्रीक् ग्‍योत्‍री “अपोल्‍लीयोन्” य्‍हीन्‍ब। हुजुइ अर्‌थ “नास् लब” य्‍हीन्‍ब।

प्रकास 9:17

ओसेम् ङचे ङइ दर्‌सन्‍री तमातेङ् तरी क्रेत्‍पे म्‍हीमा म्रङ्‍ज्‍यी। तमारी क्रेत्‍पे म्‍हीमाचे कुत्‍तोरी येन्‍बे कवज मे र्‌हङ्‍बे वल, म्‍लङ् म्‍लङ्थेबे पीङ् ओसेम् गन्‍धक् र्‌हङ्‍बे उर् मुबल। हुजु तमाकी क्र ताःल र्‌हङ्‍ब मुबल, ओसेम् हुजुमाकी सुङ्‍ग्‍यम्‍से मे, मीङ्‍गु ओसेम् गन्‍धक् डोङ्‍ब मुबल।