प्रकास 7:9 - पश्चिम तामाङ9 हुजु लीप्चे खल्चेएनो ज्याब अखम्बे य्हक्को म्हीमाइ बदेन् ङचे म्रङ्ज्यी। थेङ्यीमा जम्मनो जाती ग्यम्से, जम्मनो खलक् ग्यम्से, जम्मनो य्हुल् ग्यम्से ओसेम् जम्मनो ग्योत् ग्यम्से मुबल। थेङ्यीमाचे तर् येन् येन्ज्यीम् यारी खजुर् पङ्बे दोङ्बोइ य्हर्ङमा थोज्यीम् ठीतेङ् थुमाइ ङोन्री रप्टीब मुबल। Faic an caibideil |
प्रकास 7:9
41 Iomraidhean Croise
ङइ बीस्वासी र्होमा, चु रहस्यइ तम् गी: एङ्यीमाचे स्येखइ पङ्बे सेम् ङल मुब। हुजु एङ्यीमाचे स्येज्यी पङ्सम् एङ्यीमाचे र्हङ्की लागीरी घमन्ड स्य्हेङ्स्ये अरे। चु रहस्य चोतेब मुब- ख्रीस्ट्री खतोबे यहुदी अय्हीन्बे जम्मनो म्हीमाचे बीस्वास् अस्य्हेङ्गदे सम्मकीनो डेत् डेत् इस्राएलीमाकी सेम् कोङ्स्ये मुब।
हुजु लीप्चे सातौ स्वर्गदुत्चे र्हङ्की तुरही र्हप्ज्यी, ओसेम् स्वर्ग ग्यम्से ङ्हच्छ्यङ्-ङ्हच्छयङ् केत्माचे चोले पङ्ज्यी, “देरे य्हङ्से जम्बुलीङ्री सासन् स्य्हेङ्बे अधीकार् ङ्य्हङ्की प्रभुतेङ् थेङ्की मुक्ती न्हङ्बे ख्रीस्ट्ल य्हीन्ब, ओसेम् थेङ्चे खेमपङ्लेनो सासन् स्य्हेङ्जेत्स्ये मुब।”
थेङ्यीमाचे चोले छार् व्हइ गीः कोटीब मुबल- “थेङ् चु गुइज्यीम् थेन्बे डीइ छ्येः कीन्जेत्परी ओसेम् हुजुरी ठोक्पे छाप्मा ठोङ्बरी जेःबल मुब, तलेपङ्सम् थेङ्त सेत्ज्यी ओसेम् थेङ्चे र्हङ्की काचे जम्म खलक्, ग्योत्, य्हुल् ओसेम् जाती ग्यम्से पर्मेस्वर्की लागीरी म्हीमात ग्लुजेत्ज्यी।
Sanasan