16 थेङ्यीमा खेमेएनो ख्रेन्बतेङ् फीस्ये अरे। ओसेम् दीनीतेङ् खतेबे लेप्चेएनो थेङ्यीमात क्रोस्ये अरे।
तर थेङ्यीमाकी सेम्री टा अङ्यीबल तज्यीम् य्हम्बगीकीनो टीब। ओसेम् पर्मेस्वर्की फ्रोइ ङ्येन्बल तज्यीम् दुख खब साच्चेनो थेङ्यीमाचे थेङ्की फ्रोइत बीस्वास् स्य्हेङ्ब पीत्लाब।
तर टा नुप्नले ङ्यीअखम्बल तज्यीम् दीनी फ्याब बीसेम् खर्य्हर्ज्यी।
धार्मीक्ताकी लागीरी ख्रेन्बतेङ् फीःबलमा मोलम् यङ्बलमा य्हीन्ब, तलेपङ्सम् थेङ्यीमाकी ख्रेन्ब फीःब सेत्स्ये मुब।
तर थेङ्यीमाल बीस्वासकी टा अरेबल तज्यीम् य्हम्बगीकीनो बीस्वास् स्य्हेङ्ब। पर्मेस्वर्की फ्रोइत बीस्वास् स्य्हेङ्बल तज्यीम् म्हीमाचे दुख पीन्बतेङ् नर्ब साच्चेनो थेङ्यीमाचे बीस्वास् स्य्हेङ्ब पीत्लाब।
तर टा नुप्नले ङ्यी अम्यङ्बल तज्यीम् दीनी क्रोब बीसेम् हुजु स्यीज्यी।
थेङ्चे ख्रेन्बलमात रोङ्ब-रोङ्बे चबे स्य्हेमा न्हङ्ज्यीम् म्रेन्नलजेत्पल मुब, ओसेम् बरुमात या थेन्-थेन् पीत्जेत्पल मुब।
ओ ख्रेम्बलमा, एङ्यीमात पर्मेस्वर्चे मोलम् न्हङ्स्ये मुब! तलेपङ्सम् एङ्यीमात पर्मेस्वर्चे म्रेन्न लजेत्स्ये मुब। ओसेम् क्राबे म्हीमा, एङ्यीमात पर्मेस्वर्चे मोलम् न्हङ्स्ये मुब! तलेपङ्सम् एङ्यीमात पर्मेस्वर्चे ङ्येत्न लजेत्स्ये मुब!
तर ङचे पीन्स्येकी यी थुङ्बलमा खेमेएनो दोज्यीम् फीःस्ये अरे। ङचे खल्त यी पीन्ब हुजु यी प्योःस्यीनो टीबे म्रुः तस्ये मुब, ओसेम् थेत खेमेएनो अबेबे जीवन पीन्स्ये मुब।”
तलेपङ्सम् क्रोबे दीनी फ्याबतेङ् म्हेन्दोइ दोङ्बो ङ्य्हुल्ज्यीम् य्हर्ब, म्हेन्दो तइब ओसेम् थेइ ज्यबएनो नास् तब। होलेनो बरु म्हीचेएनो लक्री उन्ज्यीम् र्हङ्की जीवन् नास् तनलब।
थेङ्चे थेङ्यीमाकी जम्मनो मीःकी मीख्ली फ्यापीन्जेत्स्ये मुब, ओसेम् देरे य्हङ्स्ये खलएनो स्यीस्ये अरे, ओसेम् खल्चेएनो दुख म्हन्दीस्ये अरे, खलएनो क्रास्ये अरे, तइ नब छ्योइबएनो तस्ये अरे। तलेपङ्सम् ङोन्ग्यम्की स्हेःमा म्हज्यीम् य्हर्ज्यीन्बल मुब।”