प्रकास 7:12 - पश्‍चिम तामाङ

¹² चोले पङ्‌ज्‍यी, “आमेन्! तोप्‍प, महीमा, बुद्‍दी, व्‍होर्‌छ्‍ये, स्‍य्‍हेस ओसेम् सक्‍तीतेङ् बङ् खेमपङ्‍लेनो ङ्‍य्‍हङ्‍की पर्‌मेस्‍वर्‌ल य्‍हीन्‍ब! आमेन्!”

प्रकास 7:12 Iomraidhean Croise

मत्‍ती 6:13

ङ्‍यीमात परीक्षरी दोःन थलजेतो, तर ङ्‍यीमात सैतान् ग्‍यम्‍से जोगइतीजेतो। [तलेपङ्‍सम् य्‍हुल्‍तेङ् सक्‍ती ओसेम् महीमा खेम पङ्‌लेनो थेङ्‍लनो य्‍हीन्‍ब, आमेन्।’]

रोमी 11:36

जम्‍मनो थेङ्‌चे स्‍य्‍हेङ्‌जेत्‍बल य्‍हीन्‍ब। चु जम्‍मनो थेङ् ग्‍यम्‍से थेङ्‌की लागीरीनो य्‍हीन्‍ब। थेङ्‍की महीमा खेमपङ्‍लेनो तटीखइ! आमेन्।

१ कोरीन्‍थी 14:16

एचे आत्‍मरीकीनो पर्‌मेस्‍वर्‌त तोप्‍ज्‍यीम् व्‍होर्‌छ्‍ये पीन्‍बतेङ् ल्‍हो-ल्‍हो म्‍हीमाचे अगोज्‍यी पङ्‌सम् प्रार्‌थना स्‍य्‍हेङ्‍ब बुत्‍पतेङ् थेङ्‍यीमाचे खले “आमेन्” पङ्‌स्‍ये?

२ कोरीन्‍थी 4:15

ङ्‌यीमाचे नाबे चु जम्‍मनो दुखमा एङ्‌यीमाकी लागीरी तबल य्‍हीन्‍ब, तलेपङ्‍सम् म्‍हीमाचे गत्‍ते य्‍हक्‍को पर्‌मेस्‍वर्‌की अनुग्रह यङ्‍ब, होदेनो य्‍हक्‍को थेङ्‍यीमाचे पर्‌मेस्‍वर्‌की महीमाकी लागीरी व्‍होर्‌छ्‍ये पीन्‍स्‍ये मुब।

कलस्‍सी 2:7

ओसेम् ख्रीस्‍ट्‍रीनो एङ्‌यीमाकी टा युज्‍यीम् थेङ्‍तनो एङ्‌यीमाकी जीवन्‍की जग तबुङो। ओसेम् एङ्‍यीमात ङोन्‍ग्‍यम् लोप्‍प अनुसार् एङ्‌यीमाकी बीस्‍वास् कोङ्‍न लउ, ओसेम् थेङ्‍त व्‍होर्‌छ्‌ये पीन्‍स्‍यीनो टीउ।

कलस्‍सी 3:17

एङ्‌यीमाचे ता पङ्‌लेनो वुइ स्‍य्‍हेङ्‌लेनो जम्‍मनो प्रभु येसुइ छेन्‍री स्‍य्‍हेङो, ओसेम् थेङ् ग्‍यम्सेनो पर्‌मेस्‍वर् अपत व्‍होर्‌छ्‌ये पीनो।

यहुदा 1:25

ङ्‍य्‍हङ्‍की प्रभु येसु ख्रीस्‍ट् ग्‍यम्‍से ङ्‌य्‍हङ्‍मात मुक्‍ती न्‍हङ्‌बे गीःकीनो पर्‌मेस्‍वर्‌त जम्‍मनो महीमा, स्‍हेस, सक्‍तीतेङ् अधीकार् ठुङ्‍ब य्‍हङ्‍से देरे ओसेम् ज्‍यु: सम्‍म खेम पङ्‌लेनो तखइ। आमेन्।

प्रकास 1:18

ओसेम् सोम्‍बोमी ङनो य्‍हीन्‍ब। ङ स्‍यीबल मुबल, तर च्‍यागो, देरेम् ङ खेमपङ्‍लेनोइ लागीरी सोबल मुब। ओसेम् स्‍यीबतेङ् स्‍यीबे म्‍हीमाकी आत्‍मामा टीबे ग्‍लाकी साचोमा ङतेङ् मुब।

प्रकास 19:4

ओसेम् हुजु खल् गीः स्‍यी ब्‍ली एल्‍डर्‌मातेङ् सोम्‍बो सेम्‍ज्‍येन् ब्‍लीचे ठीरी स्‍य्‍हुजेत्‍टीबे पर्‌मेस्‍वर्‌त पब्‍लु लज्‍यीम् तेन्‍ज्‍यी, ओसेम् चोले पङ्‍ज्‍यी, “आमेन्, हल्‍लेलुयाह!”