प्रकास 5:12 - पश्चिम तामाङ12 थेङ्यीमा ङ्हच्छ्यङ् केत् तेत्ज्यीम् चोले कोटीबल मुबल, “म्हीमाचे सेत्पे थुमा सक्ती, सम्पत्ती, बुद्दी, बङ् स्हेस, महीमा, ओसेम् तोप्प यङ्बरी जेःबल मुब।” Faic an caibideil |
प्रकास 5:12
19 Iomraidhean Croise
हुजु लीप्चे ङचे ठीइ रेइरी थुमा गीः रप्जेत्टीबल म्रङ्ज्यी, हुजु ठीतेङ् थुमाकी कोरोरो सोम्बो सेम्ज्येन्मा ब्ली मुबल, ओसेम् थेङ्यीमा जम्मइ कोरोरो खल् गीः स्यी ब्ली एल्डर्मा मुबल। हुजु थुमामी ङोन्ग्यम् सेत्ज्यीम् सोबल र्हङ्ब म्रङ्ब मुबल। थेङ्ल रुमा ङ्यीस्तेङ् फेन्मा ङ्यीस् मुबल, हुजुमामी जम्बुलीङ्की जम्मनो ग्लामारी पीत्जेत्पे पर्मेस्वर्की आत्मामा ङ्यीस् य्हीन्ब।
हुजु गुइज्यीम् थेन्बे डीइ छ्येः थेङ्चे कीन्जेत्प साच्चेनो हुजु सोम्बो सेम्ज्येन् ब्लीतेङ् खल् गीः स्यी ब्ली एल्डर्माचे थुमाकी ङोन्री पुइ जुःज्यीम् फ्या लज्यी। थेङ्यीमा जम्मइ यारीनो बीनातेङ् ङोर् थङ् खबे सङ्स्युचे प्लीङ्बे म्हर्की खोरेमा मुबल। हुजु ङोर् थङ् खबे सङ्स्युमी पर्मेस्वर्की म्हीमाकी प्रार्थना य्हीन्ब।
थेङ्यीमाचे चोले छार् व्हइ गीः कोटीब मुबल- “थेङ् चु गुइज्यीम् थेन्बे डीइ छ्येः कीन्जेत्परी ओसेम् हुजुरी ठोक्पे छाप्मा ठोङ्बरी जेःबल मुब, तलेपङ्सम् थेङ्त सेत्ज्यी ओसेम् थेङ्चे र्हङ्की काचे जम्म खलक्, ग्योत्, य्हुल् ओसेम् जाती ग्यम्से पर्मेस्वर्की लागीरी म्हीमात ग्लुजेत्ज्यी।
Sanasan