प्रकास 4:4 - पश्चिम तामाङ4 हुजु ठीइ कोरोरो खल् गीःस्यी ब्ली ल्हो-ल्हो ठीःमा मुबल। ओसेम् क्ररी म्हर्की क्रेःकीमा कुःबल ओसेम् तर् येन्मा येन्बे खल् गीःस्यी ब्ली एल्डर्मा हुजु ठीमारी टीबल मुबल। Faic an caibideil |
प्रकास 4:4
24 Iomraidhean Croise
हुजु लाख गीः स्यी चवालीस् हजार् म्हीमामी पर्मेस्वर्की ठी ओसेम् हुजु सोम्बो सेम्ज्येन्मा ब्ली ओसेम् एल्डर्माकी ङोन्री रप्ज्यीम् छार् व्हइ गीः कोटीब मुबल। हुजु व्हइमी थेङ्यीमाचेकीनो लोप्म्यङ्बल मुबल, तलेपङ्सम् पर्मेस्वर्चे थेङ्यीमात जम्बुलीङ् ग्यम्से सइ फाज्यीम् फेःपीन्जेत्पल मुबल।
ओसेम् ङचे ठीमातेङ् हुजुमारी टीबलमात म्रङ्ज्यी, थेङ्यीमात न्याय स्य्हेङ्बे अधीकार् पीन्बल मुबल। ओसेम् येसुइ बारेरी स्येत्पलतेङ् पर्मेस्वर्की फ्रोइ स्येत्पल तज्यीम् क्र थाज्यीम् सेत्लाबे म्हीमाकी आत्मामातएनो ङचे म्रङ्ज्यी। थेङ्यीमाचे हुजु दुस्ट सेम्ज्येन्तेङ् थेइ ख्लत तेन्बल अरेबल, ओसेम् थेङ्यीमाचे र्हङ्की ङ्होरी वुइ यारी थेइ छाप् ल्हइदीपुङ्बलएनो अरेबल। थेङ्यीमा देबेएनो सोज्यीम् रेःज्यी ओसेम् हजार् गीः बर्स सम्म ख्रीस्ट्तेङ् बक्च्य सासन् लज्यी।
हुजु लीप्चे ङचे ठीइ रेइरी थुमा गीः रप्जेत्टीबल म्रङ्ज्यी, हुजु ठीतेङ् थुमाकी कोरोरो सोम्बो सेम्ज्येन्मा ब्ली मुबल, ओसेम् थेङ्यीमा जम्मइ कोरोरो खल् गीः स्यी ब्ली एल्डर्मा मुबल। हुजु थुमामी ङोन्ग्यम् सेत्ज्यीम् सोबल र्हङ्ब म्रङ्ब मुबल। थेङ्ल रुमा ङ्यीस्तेङ् फेन्मा ङ्यीस् मुबल, हुजुमामी जम्बुलीङ्की जम्मनो ग्लामारी पीत्जेत्पे पर्मेस्वर्की आत्मामा ङ्यीस् य्हीन्ब।
हुजु गुइज्यीम् थेन्बे डीइ छ्येः थेङ्चे कीन्जेत्प साच्चेनो हुजु सोम्बो सेम्ज्येन् ब्लीतेङ् खल् गीः स्यी ब्ली एल्डर्माचे थुमाकी ङोन्री पुइ जुःज्यीम् फ्या लज्यी। थेङ्यीमा जम्मइ यारीनो बीनातेङ् ङोर् थङ् खबे सङ्स्युचे प्लीङ्बे म्हर्की खोरेमा मुबल। हुजु ङोर् थङ् खबे सङ्स्युमी पर्मेस्वर्की म्हीमाकी प्रार्थना य्हीन्ब।
हुजु लीप्चे खल्चेएनो ज्याब अखम्बे य्हक्को म्हीमाइ बदेन् ङचे म्रङ्ज्यी। थेङ्यीमा जम्मनो जाती ग्यम्से, जम्मनो खलक् ग्यम्से, जम्मनो य्हुल् ग्यम्से ओसेम् जम्मनो ग्योत् ग्यम्से मुबल। थेङ्यीमाचे तर् येन् येन्ज्यीम् यारी खजुर् पङ्बे दोङ्बोइ य्हर्ङमा थोज्यीम् ठीतेङ् थुमाइ ङोन्री रप्टीब मुबल।
Sanasan