प्रकास 4:2 - पश्‍चिम तामाङ

² चोले पङ्‍बुत्‍प साच्‍चेनो ङ पबीत्र आत्‍माचे प्‍लीङ्ज्‍यी। ङचे स्‍वर्‌गरी ठी गीः म्रङ्‍ज्‍यी, ओसेम् हुजु ठीरी म्‍ही गीः स्‍य्‍हुजेत्‍टीब मुबल।

प्रकास 4:2 Iomraidhean Croise

मत्‍ती 22:43

येसुचे ङ्‌योत्‍जेत्‍ज्‍यी, “होलेपङ्‌सम् खले दाऊदत पबीत्र आत्‍माचे अगुवाइ स्‍य्‍हेङ्‌ज्‍यीम् थेत ‘प्रभु’ पङ्‍पुङ्‍ज्‍यी? तलेपङ्‍सम् दाऊदचे पङ्‍ज्‍यी

हीब्रु 8:1

ङ्‌यीमाचे पङ्‍बे मुल् तम्‍एनो चुनो य्‍हीन्‍ब, ङ्‌य्‍हङ्‌माल चोतेबे गोदोब्‍न्‍हङ्‍की ङ्‍हच्‍छ्‌यङ् लम्‍बु गीः मुब, थेङ् स्‍वर्‌गरी महीमीत् पर्‌मेस्‍वर्‌की ठीःकी केत् पट्‍टीचे स्‍य्‍हुजेत्‍पल मुब।

प्रकास 1:10

प्रभुइ दीन्‍री ङ पबीत्र आत्‍माचे प्‍लीङ्‍बल मुबल, ओसेम् तुरहील र्‌हङ्‍बे ङ्‍हच्‍छ्‌यङ् केत् गीः ङइ ग्‍यप्‍चे थेःज्‍यी।

प्रकास 12:5

हुजु अमकोलचे जम्‍मनो जातीमात फइकी बेर्‌कचे सासन् स्‍य्‍हेङ्‌स्‍येकी ज गीः न्‍हज्‍यी। न्‍हब साच्‍चेनो थेइ जत कोत्‍ज्‍यीम् पर्‌मेस्‍वर्‌ज ओसेम् थेङ्‍की ठीरी नोम्‍ज्‍यी।

प्रकास 17:3

ओसेम् ङ पबीत्र आत्‍माचे प्‍लीङ्ज्‍यी, ओसेम् स्‍वर्‌गदुत्‍चे ङत उजाड-ग्‍लारी बोर्‌ज्‍यी। ङचे हुजुरी वल दुस्‍ट सेम्‍ज्‍येन्की जोरी क्रेत्‍ज्‍यीम् टीटीबे अमकोल गीः म्रङ्‍ज्‍यी। हुजु दुस्‍ट सेम्‍ज्‍येन्‍ल क्र ङ्‌यीस् ओसेम् रु च्‍यीः मुबल, ओसेम् पर्‌मेस्‍वर्‌त नीन्‍द स्‍य्‍हेङ्‌बे मीन्‍मा थेइ ल्‍हीः ल्‍हुङ्‍बनो ब्रीबल मुबल।

प्रकास 19:4

ओसेम् हुजु खल् गीः स्‍यी ब्‍ली एल्‍डर्‌मातेङ् सोम्‍बो सेम्‍ज्‍येन् ब्‍लीचे ठीरी स्‍य्‍हुजेत्‍टीबे पर्‌मेस्‍वर्‌त पब्‍लु लज्‍यीम् तेन्‍ज्‍यी, ओसेम् चोले पङ्‍ज्‍यी, “आमेन्, हल्‍लेलुयाह!”

प्रकास 20:11

ओसेम् ङचे तर्‌तर्‌पे ङ्‍हच्‍छ्‌यङ् ठी गीःतेङ् हुजुइ जोरी स्‍य्‍हुजेत्‍टीबल गीःत म्रङ्‍ज्‍यी। थेङ्‍की ङ्‍होन्‍सङ्‍चे मुतेङ् जम्‍बुलीङ् म्‍हय्‍हर्‌ज्‍यी ओसेम् दोःज्‍यीम खनएनो अम्रङ्।

प्रकास 21:10

हुजुलीप्‍चे ङत पबीत्र आत्‍मारी हुजु स्‍वर्‌गदुत्‍चे य्‍हक्‍को नोबे गङ्‍री बोर्‌ज्‍यी, ओसेम् पर्‌मेस्‍वर् ग्‍यम्‍से स्‍वर्‌गचे दुङ्‌री फप्‍युटीबे पबीत्र सहर्, छार् यरुस्‍लेम् ङत ङोन्‍ज्‍यी।

प्रकास 21:5

ओसेम् ठीरी स्‍य्‍हुजेत्‍टीबलचे ङत सुङ्‌ज्‍यी, “च्‍यागो! देरेम् ङ जम्‍मनो स्‍हेःमा छार् स्‍य्‍हेङ्‌टीब।” थेङ्‍चे चोलेएनो सुङ्‌ज्‍यी, “चु तम् ब्रीउ, तलेपङ्‍सम् चु तम्‍मा बीस्‍वास् योग्‍यतेङ् देमेन् मुब।”

प्रकास 3:21

खल्‍चे डाब, थेत ङ ङइ ठीरी ङतेङ् बक्‍च्‍य टीबुङ्‍स्‍ये मुब, खले ङ र्‌हङ्‍चेएनो डाबल तज्‍यीम् ङइ अपतेङ् बक्‍च्‍य थेङ्‍की ठीरी टीबल मुब।

प्रकास 4:10

हुजु खल् गीः स्‍यी ब्‍ली एल्‍डर्‌माचे ठीरी स्‍य्‍हुजेत्‍टीबलइ ङोन्‍री पुइ जुःज्‍यी, ओसेम् खेमपङ्‌लेनो सोम्‍बो स्‍य्‍हुजेत्‍पलत तेन्‍ज्‍यी। ओसेम् थेङ्‍यीमाचे र्‌हङ्-र्‌हङ्‍की क्रेःकी थेङ्‌की ठीइ ङोन्‍री थेन्‍ज्‍यीम् चोले पङ्‍ज्‍यी,

प्रकास 4:5

हुजु ठी ग्‍यम्‍से तीप्‍लीक् फ्‍लीक्‍टीब मुबल ओसेम् लाबलुङ् खब र्‌हङ्‌बे केत्, ओसेम् मु गुरुङ्‍बल र्‌हङ्‌बे केत्‍मा खटीब मुबल, ओसेम् हुजु ठीइ ङोन्‍री मेतङ् ङ्‌यीस् लुम्‍टीब मुबल। चुमामी पर्‌मेस्‍वर्‌की आत्‍मामा ङ्‌यीस् य्‍हीन्‍ब।

प्रकास 4:9

खेमपङ्‌लेनो सोस्‍यीनो टीजेत्‍पलतेङ् ठीरी स्‍य्‍हुजेत्‍पलत हुजु सोम्‍बो सेम्‍ज्‍येन् ब्‍लीचे महीमा, स्‍य्‍हेस ओसेम् व्‍होर्‌छ्‌ये पीन्‍बे व्‍हइ कोटीब मुबल।

प्रकास 5:1

हुजुलीप्‍चे ठीरी स्‍य्‍हुजेत्‍पलइ केत् फ्‍यारी गुइज्‍यीम् थेन्‍बे डीइ छ्‍येः ङचे म्रङ्‍ज्‍यी। हुजु डीइ छ्‌येःरी फेपट्‍टीतेङ् न्‍हङ्‍पट्‍टीचेनो ब्रीबल मुबल, ओसेम् हुजुत ङ्‌यीस् छङ् छाप् ठोक्‍ज्‍यीम् दुङ्‍बल मुबल।

प्रकास 5:13

ओसेम् स्‍वर्‌गरी, जम्‍बुलीङ्‌री, जम्‍बुलीङ् दुङ्‌री, समुन्‍द्ररी ओसेम् हुजुरी मुबे जम्‍मनो जन्‍तुमाचे चोले कोटीबल ङचे थेःज्‍यी, “ठीरी स्‍य्‍हुजेत्‍टीपलतेङ् थुमात तोप्‍प, स्‍हेस, महीमा, ओसेम् सक्‍ती खेमपङ्‌लेनो तस्‍यीनोटीखइ!”

प्रकास 6:16

थेङ्‍यीमाचे गङ्‍मातेङ् ङ्‍हच्‍छ्‌यङ् युङ्‍बामात पङ्‍ज्‍यी, “ङ्‍यीमाकी जोरी तइयुउ, ओसेम् ठीरी स्‍य्‍हुजेत्‍टीबलइ लीः ग्‍यम्‍से, ओसेम् थुमाकी बोमो ग्‍यम्‍से ङ्‍यीमात छुमो!