Biblia Todo Logo
Bìoball air-loidhne

- Sanasan -




प्रकास 17:2 - पश्‍चिम तामाङ

2 जम्‍बुलीङ्‌की ग्‍यल्‍बोमाचे हुजु अमकोलतेङ् ब्‍यभीचार् स्‍य्‍हेङ्‍बल मुब, ओसेम् जम्‍बुलीङ्‌की म्‍हीमा ज्‍यीचे ङ्‌य्‍हेःब र्‌हङ्‌ले थेतेङ् स्‍य्‍हेङ्‌बे ब्‍यभीचार् ग्‍यम्‍से ङ्‍य्‍हेःबल मुब।”

Faic an caibideil Dèan lethbhreac




प्रकास 17:2
14 Iomraidhean Croise  

ओसेम् पङ्‍ज्‍यी “ल्‍हो-ल्‍होमाचेम् ङोन्‍ग्‍यम् अङ्‍गुर्‌की य्‍हक्‍को रोङ्‌बे नीङ्‍गु पीन्‍ब, ओसेम् डोम्‍बोमाचे नीङ्‍गु य्‍हक्‍को थुङ्‌ज्‍यीम् ङ्‍य्‍हेब बीसेम् अङ्‍गुर्‌की अरोङ्‍बे नीङ्‍गु पीन्‍ब। तर एचेम् देरेसम्‍म य्‍हक्‍को रोङ्‌बे नीङ्‍गु थेन्‍बल टीम्।”


ओसेम् ल्‍हो-ल्‍हो स्‍वर्‌गदुत गीःएनो हुजु ङोन्‍ग्‍यम्‍की स्‍वर्‌गदुत्‍की लीप्‍चे चोले पङ्‍ज्‍यीम् खज्‍यी, “ङ्‍हच्‍छ्‌यङ् सहर् बेबीलोन् नास् तज्‍यी! थेचे जम्‍बुलीङ्‌की जम्‍मनो जातीमात थेइ ब्‍यभीचार्‌की खोरे ग्‍यम्‍से थुङ्‍पुङ्‍ज्‍यीम् थेङ्‍यीमात ङ्‍य्‍हेन लज्‍यी।”


थेङ्‍यीमाल उदेस्‍य गीःकीनो मुब, ओसेम् थेङ्‍यीमाचे र्‌हङ्‍की साक्‍तीतेङ् अधीकार् हुजु सेम्‍ज्‍येन्‍त पीन्‍स्‍ये मुब।


तलेपङ्‍सम् पर्‌मेस्‍वर्‌चे थेङ्‍चे थुः लजेत्‍प अनुसार्‌की लक् पुरा स्‍य्‍हेङ्‌बे सेम् थेङ्‌यीमात न्‍हङ्‌जेत्‍पल मुब। ओसेम् पर्‌मेस्‍वर्‌चे सुङ्‍जेत्‍पे फ्रोइ टोप् अतगदेसम्‍म थेङ्‌यीमाचे सेम् गीः तज्‍यीम् सासन् स्‍य्‍हेङ्‌बे र्‌हङ्‍की सक्‍तीतेङ् अधीकार् हुजु दुस्‍ट सेम्‍ज्‍येन्‍त पीन्‍स्‍ये मुब।


ओसेम् थेइ ङ्‍होरी रहस्‍यइ मीन् गीः ब्रीबल मुबल, हुजुरी चोले ब्रीबल मुबल, “ङ्‍हच्‍छ्‌यङ् बेबीलोन्, जम्‍बुलीङ्‌की जम्‍मनो बेस्‍यामातेङ् नेइबे लक् स्‍य्‍हेङ्‌बलमाकी अम!”


एचे म्रङ्‌बे हुजु दुस्‍ट सेम्‍ज्‍येन् ङोन्‍ग्‍यम् सोम्‍बो मुबल, तर देरेम् अरे। हुजुमी दप्‍ज्‍यीम् दप्‍प अखम्‍बे नुप्‍पे व्‍हङ्‍न्‍हङ् ग्‍यम्‍से डोङ्‍खज्‍यीम् खेम पङ्‍लेनोइ लागीरी नास् तबरी य्‍हर्‌स्‍ये मुब। ओसेम् जम्‍बुलीङ् स्‍य्‍हेङ्‍जेत्‍पे बेलो य्‍हङ्‍से जीवन्‍की छ्‍येःरी मीन् अब्रीबे जम्‍बुलीङ्‍की म्‍हीमा हुजु दुस्‍ट सेम्‍ज्‍येन्‍त म्रङ्‌ज्‍यीम् अचम्‍म तस्‍ये मुब, तलेपङ्‌सम् हुजु ङोन्‍ग्‍यम् सोम्‍बो मुबल, देरेम् स्‍यीबल मुब, तर हुजु देबेएनो म्रङ्‍खस्‍ये मुब।


बत्‍तीइ य्‍हल् देरे य्‍हङ्‍से हुजुरी खेमेएनो म्रङ्‌स्‍ये अरे। ओसेम् छार् म्रीङ् र्‌हेम्‍बोइ केत्‍तएनो हुजुरी खेमेएनो थेःस्‍ये अरे। तलेपङ्‍सम् हुजु सहर्‌री छोङ् स्‍य्‍हेङ्‌बे म्‍हीमा जम्‍बुलीङ्‌की ङ्‍हच्‍छ्‍यङ्-ङ्‍हच्‍छ्‌यङ् म्‍हीमा मुबल, ओसेम् थेइ जादुमाचे जम्‍बुलीङ्‌की जम्‍मनो म्‍हीमात छल् स्‍य्‍हेङ्‍ज्‍यी।


तलेपङ्‍सम् जम्‍मनो जातीमा थेइ बेस्‍या स्‍य्‍हेङ्‌बे अज्‍यबे लक्‍चे ज्‍यी थुङ्‌ज्‍यीम् ङ्‍य्‍हेब र्‌हङ्‌ले ङ्‍य्‍हेबल मुब। जम्‍बुलीङ्‌की ग्‍यल्‍बोमाचे थेतेङ् बक्‍च्‍य बेस्‍य स्‍य्‍हेङ्‌बल मुब, ओसेम् थेचे मनमोज्‍यी लबरी य्‍हक्‍को सइ ङ्‌यीबे स्‍हेःमा ग्‍लुबल तज्‍यीम् जम्‍बुलीङ्‌की छोङ् स्‍य्‍हेङ्‌बे म्‍हीमा य्‍हक्‍कोनो बरु तबल मुब।”


“थेतेङ् बक्‍च्‍या बेस्‍या स्‍य्‍हेङ्‍बलतेङ् मनमोज्‍यी लबे जम्‍बुलीङ्‌की ग्‍यल्‍बोमा थेत क्रोबे मेइ मीङ्‍गु म्रङ्‌ज्‍यीम् य्‍हक्‍को क्राज्‍यीम् दुख म्‍हन्‍दीस्‍ये मुब।


च्‍यागो, ङ थेत य्‍हक्‍को नबछब तनलस्‍ये मुब, ओसेम् थेतेङ् बेस्‍या स्‍य्‍हेङ्‌बलमाचे थेङ्‍यीमाचे स्‍य्‍हेङ्‌बे लक्‍मा ग्‍यम्‍स्‍ये पस्‍चताप् अस्‍य्‍हेङ्‌ज्‍यी पङ्‌सम् ङ थेङ्‍यीमात य्‍हक्‍को दुख तनलस्‍ये मुब।


एचे धर्‌यले नाज्‍यीम् ङचे कुल्‍बे तम् ङ्‌येन्‍ज्‍यीम् ब्रबल तज्‍यीम्, जम्‍बुलीङ्‌की जम्‍मनो म्‍हीमात जाच्‍तीबरी चु जम्‍बुलीङ्‌री खस्‍येकी य्‍हक्‍को दुख ग्‍यम्‍से ङ एत थर्‌नलस्‍ये मुब।


थेङ्‍यीमाचे म्‍हीमा सेत्‍प, भेद् ङ्‍य्‍हेन् क्‍लङ्‍ब, ब्‍यभीचार् स्‍य्‍हेङ्‍ब ओसेम् य्‍हो लबे लक् ग्‍यम्‍सेएनो पस्‍चताप् अस्‍य्‍हेङ्।


Lean sinn:

Sanasan


Sanasan