प्रकास 15:3 - पश्‍चिम तामाङ

³ थेङ्‌यीमाचे चोले पर्‌मेस्‍वर्‌की योक्‍पो मोसाइ व्‍हइतेङ् थुमाकी व्‍हइ कोटीब मुबल, “प्रभु पर्‌मेस्‍वर् गोदोब्‍न्‍हङ्‍की सक्‍तीसाली पर्‌मेस्‍वर्, थेङ्‍की लक् य्‍हक्‍को ङ्‍हच्‍छ्‍यङ्तेङ् अचम्‍मल मुब। जाती-जातीमाकी ग्‍यल्‍बो, थेङ्‍की ग्‍यम्‍मा धार्‌मीक्‍तेङ् देमेन् मुब।

प्रकास 15:3 Iomraidhean Croise

युहन्‍ना 1:17

तलेपङ्‍सम् पर्‌मेस्‍वर्‌की नीयम्‍मा मोसा ग्‍यम्‍से पीन्‍बल मुबल, तर अनुग्रहतेङ् देमेन्‍मी येसु ख्रीस्‍ट् ग्‍यम्‍चे खज्‍यी।

१ तीमोथी 1:17

खेम पङ्‌लेनो ग्‍यल्‍बो तटीबल, ओसेम् सोटीबतेङ् म्रङ्‌ब अखम्‍बे गीःकीनो पर्‌मेस्‍वर्‌त खेम पङ्‌लेनो स्‍य्‍हेसतेङ् तोप्‍प तखइ। आमेन्।

हीब्रु 3:5

मोसा पर्‌मेस्‍वर्‌की म्‍हीमाकी गुङ्‍री लक् स्‍य्‍हेङ्‌बरी बीस्‍वासीलो योक्‍पो तज्‍यी। ओसेम् मोसाचे स्‍य्‍हेङ्‌बे लक्‍चेनो पर्‌मेस्‍वर्‌की जम्‍मनो म्‍हीमात लीक्‍यम् पर्‌मेस्‍वर्‌चे स्‍य्‍हेङ्‍जेत्‍स्‍येकी लक्‍की बारेरी गबाही पीन्‍ज्‍यी।

प्रकास 1:8

“ङनो अल्‍फातेङ् ओमेगा य्‍हीन्‍ब” बी गोदोब्‍न्‍हङ्‍की सक्‍तीसाली परमप्रभु पर्‌मेस्‍वर्‌चे सुङ्‍जेत्‍प- थेङ् मुब, मुबल ओसेम् ब्‍योन्‍खजेत्‍टीब।

प्रकास 11:17

ओसेम् थेङ्‍यीमाचे चोले पङ्‍ज्‍यी, “ओ परमप्रभु सक्‍तीसाली पर्‌मेस्‍वर्, थेङ् ङोन्‍ग्‍यम्‍नो मुबल ओसेम् देरेएनो मुब, ङ्‌यीमा थेङ्‍त व्‍होर्‌छ्‌ये पीन्‍ब, तलेपङ्‍सम् थेङ्‍चे र्‌हङ्‍की ङ्‍हच्‍छ्‌यङ् अधीकार् कीन्‍जेत्‍पल मुब, ओसेम् सासन् स्‍य्‍हेङ्‍ब तीप्‍जेत्‍पल मुब।

प्रकास 14:3

हुजु लाख गीः स्‍यी चवालीस् हजार् म्‍हीमामी पर्‌मेस्‍वर्‌की ठी ओसेम् हुजु सोम्‍बो सेम्‍ज्‍येन्‍मा ब्‍ली ओसेम् एल्‍डर्‌माकी ङोन्‍री रप्‍ज्‍यीम् छार् व्‍हइ गीः कोटीब मुबल। हुजु व्‍हइमी थेङ्‍यीमाचेकीनो लोप्‍म्‍यङ्‍बल मुबल, तलेपङ्‍सम् पर्‌मेस्‍वर्‌चे थेङ्‌यीमात जम्‍बुलीङ्‍ ग्‍यम्‍से सइ फाज्‍यीम् फेःपीन्‍जेत्‍पल मुबल।

प्रकास 14:8

ओसेम् ल्‍हो-ल्‍हो स्‍वर्‌गदुत गीःएनो हुजु ङोन्‍ग्‍यम्‍की स्‍वर्‌गदुत्‍की लीप्‍चे चोले पङ्‍ज्‍यीम् खज्‍यी, “ङ्‍हच्‍छ्‌यङ् सहर् बेबीलोन् नास् तज्‍यी! थेचे जम्‍बुलीङ्‌की जम्‍मनो जातीमात थेइ ब्‍यभीचार्‌की खोरे ग्‍यम्‍से थुङ्‍पुङ्‍ज्‍यीम् थेङ्‍यीमात ङ्‍य्‍हेन लज्‍यी।”

प्रकास 17:14

थेङ्‍यीमाचे थुमाकी बीरुद्‍दरी छेत्‍स्‍ये मुब, ओसेम् थुमा थेङ्‍यीमातेङ् डाजेत्‍स्‍ये मुब, तलेपङ्‍सम् थेङ् जम्‍मनो प्रभुमाकी प्रभु ओसेम् जम्‍मनो ग्‍यल्‍बोमाकी ग्‍यल्‍बो य्‍हीन्‍ब। थेङ्‍तेङ् बक्‍च्‍य मुबलमामी ङ्‌होत्‍जेत्‍पल, दम्‍जेत्‍पल ओसेम् बीस्‍वास् स्‍य्‍हेङ्‌स्‍यीनो टीबलमा य्‍हीन्‍ब।”

प्रकास 19:16

थेङ्‍की न्‍हम्‍जतेङ् स्‍हुःरी “ग्‍यल्‍बोमाकी ग्‍यल्‍बो ओसेम् प्रभुमाकी प्रभु” पङ्‍बे छेन् ब्रीबल मुबल।

प्रकास 19:2

तलेपङ्‍सम् थेङ्‍की न्‍याय देमेन्‍तेङ् ठीक् मुब। र्‌हङ्‍की बेस्‍या स्‍य्‍हेङ्‌बे लक्‍चे जम्‍मनो जम्‍बुलीङ्‍त न्‍होङ्‍नलबे य्‍हक्‍को अज्‍यबे बेस्‍यत थेङ्‍चे ठीक् सजाय न्‍हङ्‌जेत्‍पल मुब। हुजु बेस्‍यचे पर्‌मेस्‍वर्‌की योक्‍पोमात सेत्‍पल तज्‍यीम् पर्‌मेस्‍वर्‌चे हुजुइ खीत् फाजेत्‍पल मुब।”

प्रकास 4:8

हुजु सोम्‍बो सेम्‍ज्‍येन् ब्‍लील ब्‍यप्‍मा डु-डु मुबल, ओसेम् हुजु ब्‍यप्‍माकी फेपट्‍टीतेङ् न्‍हङ्‍पट्‍टी पट्‍टी ङ्‌य्‍हीनो मीःमाचे प्‍लीङ्‍बल मुबल। थेङ्‍यीमाचे दीन् म्‍हुन्‍नो य्‍हम्‍एनो थेन् अतनले चोले व्‍हइ कोटीब मुबल, “पबीत्र, पबीत्र, पबीत्र परमप्रभु सक्‍तीसाली पर्‌मेस्‍वर् थेङ् मुबल ओसेम् मुब ओसेम् खेम पङ्‌लेनो तजेत्‍स्‍ये मुब।”