Biblia Todo Logo
Bìoball air-loidhne

- Sanasan -




प्रकास 12:9 - पश्‍चिम तामाङ

9 हुजु ङ्‍हच्‍छ्‌यङ् सङ्‌मोमी दङ्‍बोइ पुख्री य्‍हीन्‍ब, थेत सैतान्‍तेङ् म्‍हङ् पङ्‍ब। थेचे जम्‍बुलीङ्‌की जम्‍मनो म्‍हीमात लुटीबल मुबल। हुजुत थेइ दुत्‍मातेङ् बक्‍च्‍य स्‍वर्‌ग ग्‍यम्‍से जम्‍बुलीङ्‌री ख्‍लापीत्‍पल मुब।

Faic an caibideil Dèan lethbhreac




प्रकास 12:9
68 Iomraidhean Croise  

सामकी ब्‍लु ब्‍लुत्‍पे सत्‍तुर्‌मी सैतान् य्‍हीन्‍ब, अन्‍न दुत्‍पे बेलोमी जम्‍बुलीङ्‌की ज्‍युकी दीन् य्‍हीन्‍ब, ओसेम् अन्‍न दुत्‍पतेङ् थेन्‍बे लक् स्‍य्‍हेङ्‌बे नङ्‍बोमाम् स्‍वर्‌गदुत्‍मा य्‍हीन्‍ब।


तलेपङ्‍सम् भ्‍युकी ख्रीस्‍ट्‍मातेङ् भ्‍युकी अगम्‍बक्‍तमा खस्‍ये मुब। थेङ्‍यीमाचे ङ्‍हच्‍छ्‍यङ्-ङ्‍हच्‍छ्‍यङ् चीनोमातेङ् अचम्‍मइ लक्‍मा ङोन्‍ज्‍यीम् पर्‌मेस्‍वर्‌चे दम्‍जेत्‍पलमातएनो खम्‍ब सम्‍म लुब म्‍हइस्‍ये मुब।


“हुजु लीप्‍चे थेङ्‌चे र्‌हङ्‌की ल्‍होम्‍पट्‍टीचे मुबलमात पङ्‌स्‍ये मुब, ‘पर्‌मेस्‍वर्‌की केम्‍लङ् यङ्‍बलमा! एङ्‍यीमा ङ ग्‍यम्‍से थारीङ् य्‍हरो, ओसेम् सैतान्‍तेङ् थेइ चवमाकी लागीरी टोप लबे खेमेएनो अस्‍यीबे मेन्‍हङ् य्‍हरो!


हुजु लीप्‍चे सैतानचे परीक्ष स्‍य्‍हेङ्‍नलबरी पबीत्र आत्‍माचे येसुत उजाड-ग्‍लारी स्‍येःन लजेत्‍ज्‍यी।


येसुचे थेत सुङ्‌ज्‍यी, “सैतान, चु ग्‍लासे य्‍हरो! धर्‌मइ छ्‍येःरी ब्रीबल मुब, ‘एचे परमप्रभु एइ पर्‌मेस्‍वर्‌त तेनो, ओसेम् थेङ्‍तकीनो स्‍य्‍हप्‍तो स्‍य्‍हेङो।’”


हुजु लीप्‍चे सैतानचे येसुत पबीत्र सहर् यरुसलेमरी बोर्‌ज्‍यीम् पर्‌मेस्‍वर्‌की दीम्‍की गोदोब्‍न्‍हङ् जोमी जोरी रप्‍पुङ्‍ज्‍यी,


हुजु लीप्‍चे सैतानचे येसुत य्‍हक्‍को नोबे गङ्‍री बोर्‌ज्‍यीम् जम्‍बुलीङ्‌की जम्‍मा य्‍हुल्‍मातेङ् ज्‍यबे ङ्‍हच्‍छ्‍यङ् स्‍हेमा ङोन्‍ज्‍यी।


येसुचे थेङ्‌यीमात सुङ्‌ज्‍यी, “ङचे सैतानत तीप्‍लीक् फ्‍लीक्‍प र्‌हङ्‌ले स्‍वर्‌गचे तइटीबल म्रङ्‌ज्‍यी।


चु अब्रहामकी जमे ल्‍हेगोर् गीःस्‍यी डुःतीङ्‍सम्‍म सैतान्‍चे चुङ्‍ज्‍यी। दुःब न्‍हबे दीन्‍री थेत सैतान् ग्‍यम्‍से फेःज्‍यीम् फेन्‍न लब ज्‍यब वुइ अज्‍य?”


हुजु लीप्‍चे चुङ्‌ङ्‌य्‍ही डबमा न्‍हङ्‌की यहुदा इस्‍करीयोतकी सेम् न्‍हङ् सैतान् वङ्‌ज्‍यी।


येसुचे, “सीमोन, ङ्‌येनो एङ्‌यीमात व्‍ह क्रप्‍प र्‌हङ्‌ले क्रप्‍परी सैतान्‍चे र्‌हीत्‍पल मुब बी सुङ्‌ज्‍यी।


ग्‍यम्‍री दोःबे ब्‍लु पङ्‍बलमी चु य्‍हीन्‍ब। थेङ्‍यीमाचे फ्रोइ् ङ्‌येन्‍बम् ङ्‌येन्‍ब तर सेम्‍री थेन् अखम्, तलेपङ्‍सम् बीस्‍वास् स्‍य्‍हेङ्‌ज्‍यीम् थर्‌ल बी सैतान खज्‍यीम् थेङ्‌यीमाकी सेम् ग्‍यम्‍चे थेङ्‍यीमाचे थ्‍येःबे फ्रोइ् बोर्‌ब।


देरेम् चु जम्‍बुलीङ्‌की न्‍याय स्‍य्‍हेङ्‌बे बेलो खबल मुब, देरेम् जम्‍बुलीङ्‌की सासक्‍त तेत्‍लास्‍ये मुब।


देरे ङ एङ्‌यीमातेङ् य्‍हक्‍को बेलो तम् पङ्‌अम्‍यङ्, तलेपङ्‍सम् चु जम्‍बुलीङ्‌की सासक् खटीबल मुब। य्‍हीम्‍बरीम् थेचे ङत तएनो लब खम्‍स्‍ये अरे।


ओसेम् पर्‌मेस्‍वर्‌की न्‍यायकी बारेरी थेङ्‌यीमात ङोन्‍जेत्‍स्‍ये मुब, तलेपङ्‍सम् चु जम्‍बुलीङ्‌की सासक् ङोन्‍नो दोसी तज्‍यीन्‍बल मुब।


एङ्‌यीमाकी अप सैतान् य्‍हीन्‍ब, ओसेम् एङ्‌यीमाकी अपचे स्‍य्‍हेङ्‌खइ म्‍हेन्‍ब र्‌हङ्‌लेनो स्‍य्‍हेङ्‌बरी एङ्‍यीमा तयार मुब। थेचेम् ठुङ्‍बे बेलो य्‍हङ्‌सेनो म्‍ही सेत्‍न लबल मुबल, थे देमेन्‍की तम्‍री टीब अखम्, तलेपङ्‍सम् थेल न्‍हङ्‌री तएनो देमेन् अरे। थेइ बानी र्‌हङ्‌लेनो थेचे भ्‍युकीनो पङ्‍ब। तलेपङ्‍सम् थे भ्‍यु य्‍हीन्‍ब, ओसेम् थे भ्‍युकी अप य्‍हीन्‍ब।


थेङ्‌यीमाकी मी म्रङ्‌न लपीन्‍बरी पीत्‍प। होत्‍तज्‍यीम् थेङ्‍यीमा म्‍हुन्‍दुङ्‍ग्‍यम्‍से य्‍हल्‍री, सैतान्‍की सक्‍ती ग्‍यम्‍चे पर्‌मेस्‍वर्‌पट्‍टी दोखइ। ओसेम् थेङ्‌यीमाकी पापमा क्षमा तस्‍ये मुब, ओसेम् ङत बीस्‍वास् स्‍य्‍हेङ्‌बल तज्‍यीम् पर्‌मेस्‍वर्‌चे दम्‍जेत्‍पलमाकी गुङ्‍री थेङ्‌यीमाचेएनो ग्‍ला यङ्‍स्‍ये मुब।’


ओसेम् पत्रुसचे पङ्‍ज्‍यी, “हननीया, एचे र्‌हङ्‌की सेम्‍री सैतानत टीबुङ्‍ज्‍यीम् पबीत्र आत्‍मात तले भ्‍यु पङ्‍बल? म्रङ् चुङ्‌ज्‍यीम् खबे टङ ग्‍यम्‍से एचे तले चेक् छुम्‍ज्‍यीम् थेन्‍बल?


तलेपङ्‍सम् होतेबे म्‍हीमाचे ख्रीस्‍ट् ङ्‍य्‍हङ्‍की प्रभुइ लागीरी अय्‍हीन्, तर थेङ्‌यीमाचे र्‌हङ्‍तकीनो ज्‍यब तबे लागीरी सेवा स्‍य्‍हेङ्‌ब, ओसेम् थेङ्‌यीमाकी ज्‍यब-ज्‍यबे छीःमातेङ् तम्‍माचे सोजो म्‍हीमात धोका पीन्‍ब।


ओसेम् सान्‍ती न्‍हङ्‌बे पर्‌मेस्‍वर्‌चे ग्‍योःनेनो सैतान्‍त एङ्‌यीमाकी कङ् थीङ् दुङ्‌री प्‍लेःनलपुङ्‍जेत्‍स्‍ये मुब। ङ्‍य्‍हङ्‍की प्रभु येसुइ अनुग्रह एङ्‍यीमातेङ् तखइ।


तर चु अचम्‍मइ तम् अय्‍हीन्, तलेपङ्‍सम् सैतान्‍चेएनो म्‍हीमात लुबे लागीरी य्‍हल्‍की स्‍वर्‌गदुत्‍ल र्‌हङ्‍बे गोइल येन्‍ज्‍यीम् खब।


तर सैतान्‍चे पुख्रीइ रुप् कीन्‍ज्‍यीम् चलाख भ्यु तम्‍मा ग्‍यम्‍से हब्‍बत छल् लब र्‌हङ्‌ले एङ्‌यीमाकी ख्रीस्‍ट्‍री मुबे सोझोतेङ् चोखो सेम्‍त न्‍होङ्‍न लल पङ्‍ज्‍यीम् ङ लोङ्‍बल मुब।


ङचे ङ्‍हच्‍छ्‍यङ् अचम्‍मइ स्‍हेःमा म्रङ्‌बल तज्‍यीम् ङ ङ्‍हच्‍छ्‌यङ् दोःज्‍यीम् ब्रल बी पर्‌मेस्‍वर्‌चे सैतान्‍त ङइ ल्‍हीःरी पुजुचे ब्‍लोःबे दुख न्‍हङ्‍बुङ्‍जेत्‍ज्‍यी। हुजु पुजु सैतान्‍की चव य्‍हीन्‍ब, ओसेम् ङत चोस् चोस् ब्‍लोज्‍यीम् दुख पीन्‍टीब।


होले स्‍य्‍हेङ्‌बतेङ् सैतान्‍चे ङ्‍य्‍हङ्‍मा ग्‍यम्‍से मौक कीन्‍म्‍यङ्‍स्‍ये अरे। तलेपङ्‍सम् थेइ दुस्‍ट योजनामाकी बारेरी ङ्‍य्‍हङ्‍माचे स्‍येःबल मुब।


चु जम्‍बुलीङ्‌की सासक् सैतान्‍चे येसुत बीस्‍वास् अस्‍य्‍हेङ्‍बलमाकी सेम्‍की गोब खम्‍बे सक्‍तीत गप्‍पीन्‍बल मुब। बीस्‍वास् अस्‍य्‍हेङ्‍बलमाचे ख्रीस्‍ट्‍की महीमाकी ज्‍यबे सम्‍तर्‌की बारेरी अम्रङ्‍खइ पङ्‍ज्‍यीम् सैतान्‍चे थेङ्‍यीमात कन तनलपीन्‍बल मुब। ख्रीस्‍ट् पर्‌मेस्‍वर्‌की स्‍वरुप् य्‍हीन्‍ब।


हुजु लीप्‍चे लाबतेङ् छाल्‍चे खन नाबोर्‌ज्‍यी होलेचेनो नाबोर्‌बे ज्‍यीद दोङ्‍ग र्‌हङ्‍बे ज्‍यीद कोलमा र्‌हङ्‌ले ङ्‍य्‍हङ्‍मा भ्‍युकी तम् लोप्‍पे म्‍हीमाकी तम्‍मा ङ्‌येन्‍ज्‍यीम् होलेचेनो य्‍हर्‌स्‍ये अरे। थेङ्‍यीमाचे लोप्‍पे भ्‍यु तम्‍मा ग्‍यम्‍से ल्‍हो-ल्‍होमात अज्‍यबे ग्‍यम्‍री बोर्‌ब म्‍हइब।


तर एङ्‌यीमात खल्‍चेएनो खले लज्‍यीमएनो अलुखइ। तलेपङ्‍सम् पर्‌मेस्‍वर्‌की बीरुद्‍दरी अज्‍यबे ङ्‍य्‍हच्‍छ्‍यङ् लक्‍मा अतगदे ओसेम् पर्‌मेस्‍वर्‌की नीयम्‍त अङ्‍येन्‍बे नास् तथोबे म्‍ही अडोङ्‍गदे प्रभुइ दीन् खस्‍ये अरे।


ओसेम् सैतन्‍की छल्‍री फस्‍तीबल आदम अय्‍हीन्, तर हब्‍ब छल्‍री फस्‍तीज्‍यीम् पाप स्‍य्‍हेङ्‍बल य्‍हीन्‍ब।


तर दुस्‍ट लक्‍तेङ् र्‌होत भ्‍यु लुबे म्‍हीमाचेम् ल्‍हो-ल्‍होमात ठग्‍तीस्‍ये मुब, ओसेम् ल्‍हो-ल्‍होमाचे थेङ्‍यीमात ठग्‍तीज्‍यीम् थेङ्‍यीमा झेन् य्‍हक्‍को न्‍होङ्‍बोर्‌स्‍ये मुब।


तलेपङ्‍सम् कोलमाकी ल्‍हीः स्‍यतेङ् काल तबल तज्‍यीम् येसु र्‌हङएनो थेङ्‍यीमाल र्‌हङ्‌ले स्‍यतेङ् कालनो तजेत्‍ज्‍यी। स्‍यीबे सक्‍ती मुबे सैतान्‍त नास् स्‍य्‍हेङ्‍जेत्‍परी थेङ् र्‌हङ्‌नो स्‍यीजेत्‍ज्‍यी।


छोर्‌ज्‍यीम् चोङ्‍ले टीउ, एङ्‌यीमाकी सत्‍तुर् सैतान्, ङ्‍हर्‌बे ता र्‌हङ्‌ले खल्‍त स्‍यप्‍ल ओसेम् चम्‍यङ्‍ल पङ्‍ज्‍यीम् दज्‍यीम् ब्रटीब।


ङ्‍य्‍हङ्‍माचे स्‍येःब, जम्‍मनो जम्‍बुलीङ् सैतान्‍की यारी मुलेएनो ङ्‍य्‍हङ्‍मामी पर्‌मेस्‍वर्‌की कोल य्‍हीन्‍ब।


तर ङ्‍हच्‍छ्‍यङ् स्‍वर्‌गदुत मीखाएलचेएनो मोसाइ स्‍यीबे ल्‍हीःकी बारेरी सैतान्‍तेङ् तम् ज्‍योप्‍पे बेलोरी सैतान्‍त नीन्‍द लज्‍यीम् दोस् पीन्‍बे आर् अल, तर थेचे “प्रभुचे एत बराजेत्‍खइ” बी पङ्‍ज्‍यी।


होत्‍तज्‍यीम् स्‍वर्‌गतेङ् स्‍वर्‌गरी मुबलमा जम्‍मनो तङो! तर जम्‍बुलीङ्‌तेङ् समुन्‍द्ररी मुबलमात धीक्‍कार! तलेपङ्‍सम् र्‌हङ्‍की बेलो चेक्‍कीनो मुब बी स्‍येःज्‍यीम् सैतान् य्‍हक्‍को बोमो रप्‍ज्‍यीम् एङ्‌यीमाज दुङ्‌री युबल मुब।”


हुजु लीप्‍चे स्‍वर्‌गरी ल्‍होल्‍होएनो अचम्‍मइ चीनो गीः म्रङ्‍खज्‍यी, क्र ङ्‍यीस्‍तेङ् रु च्‍यी मुबे ङ्‍हच्‍छ्‌यङ् वल सङ्‌मो गीः म्रङ्‍खज्‍यी। हुजु सङ्‌मोइ क्र ङ्‍यीस्‍रीनो क्रेःकी काकर् कुःबल मुबल।


हुजु लीप्‍चे स्‍वर्‌गरी छेत्‍प तीप्‍ज्‍यी। मीखाएल् स्‍वर्‌गदुत्‍तेङ् थेइ ल्‍हो-ल्‍हो स्‍वर्‌गदुत्‍माचे हुजु सङ्‍मोइ बीरुद्‍दरी छेत्‍ज्‍यी, ओसेम् हुजु सङ्‌मोतेङ् सङ्‌मोइ दुत्‍माचेएनो मीखाइलतेङ् थेइ स्‍वर्‌गदुत्‍माकी बीरुद्‍दरी छेत्‍ज्‍यी।


तर सङ्‍मोतेङ् थेइ दुत्‍मा ब्रेःज्‍यी, ओसेम् थेङ्‍यीमात स्‍वर्‌गरी टीअबुङ्।


दोस्रो दुस्‍ट सेम्‍ज्‍येन्‍त हुजु पहीलो दुस्‍ट सेम्‍ज्‍येन्की लागीरी लक् स्‍य्‍हेङ्‌बरी अचम्‍मइ चीनोमा ङोन्‍पुङ्‍ज्‍यी। हुजु चीनोमा ग्‍यम्सेनो दोस्रो दुस्‍ट सेम्‍ज्‍येन्‍चे जम्‍बुलीङ्‌की म्‍हीमात लुज्‍यी। ओसेम् तर्‌वाल्‍चे थाज्‍यीम् स्‍यीयम्‍ब गदेनो तज्‍यीम्‍एनो सोबे हुजु पहीलो दुस्‍ट सेम्‍ज्‍येन्‍त स्‍य्‍हेस पीन्‍बरी हुजु पहीलो दुस्‍ट सेम्‍ज्‍येन्की ख्‍ल स्‍य्‍हेङो पङ्‍ज्‍यीम् दोस्रो दुस्‍ट सेम्‍ज्‍येन्‍चे जम्‍बुलीङ्‌की म्‍हीमात हुकुम् पीन्‍ज्‍यी।


हुजुमा अचम्‍मइ चीनोमा ङोन्‍बे म्‍हङ्‍माइ आत्‍मामा य्‍हीन्‍ब। गोदोब्‍न्‍हङ्‍की सक्‍तीसाली पर्‌मेस्‍वर्‌चे र्‌हङ्‌की सत्‍तुर्‌मात सजाय न्‍हङ्‍जेत्‍पे दीन्‍री थेङ्‍तेङ् छेत्‍परी जम्‍बुलीङ्‌की जम्‍मनो ग्‍यल्‍बोमात र्‌हुब् स्‍य्‍हेङ्‌बरी हुजु आत्‍मामा सोम् ङ्‍यीब।


हुजु स्‍वर्‌गदुत्‍चे क्रीङ्‌ज्‍यीम् चोले पङ्‍ज्‍यी, “ङ्‍हच्‍छ्‌यङ् सहर् बेबीलोन् नास् तज्‍यी! देरेम् हुजु सहर् म्‍हङ्‍मातेङ् दुस्‍ट आत्‍मामा टीबे ग्‍ला तबल मुब। ओसेम् हुजुरी जम्‍म खाल्‍की नेइबतेङ् असुद्‍द ङ्‍यम्‍ङ्‍यमातेङ् सेम्‍ज्‍यन्मा टीब।


बत्‍तीइ य्‍हल् देरे य्‍हङ्‍से हुजुरी खेमेएनो म्रङ्‌स्‍ये अरे। ओसेम् छार् म्रीङ् र्‌हेम्‍बोइ केत्‍तएनो हुजुरी खेमेएनो थेःस्‍ये अरे। तलेपङ्‍सम् हुजु सहर्‌री छोङ् स्‍य्‍हेङ्‌बे म्‍हीमा जम्‍बुलीङ्‌की ङ्‍हच्‍छ्‍यङ्-ङ्‍हच्‍छ्‌यङ् म्‍हीमा मुबल, ओसेम् थेइ जादुमाचे जम्‍बुलीङ्‌की जम्‍मनो म्‍हीमात छल् स्‍य्‍हेङ्‍ज्‍यी।


हुजु दुस्‍ट सेम्‍ज्‍येन्‍तेङ् हुजु भ्‍युकी अगम्‍बक्‍त थेङ्‍हीतनो चुङ्‍ज्‍यी। हुजु भ्‍युकी अगम्‍बक्‍तचे दुस्‍ट सेम्‍ज्‍येन्की लागीरी अचम्‍मइ लक्‍मा ङोन्‍ज्‍यी। थेचे हुजु लक्‍मा ग्‍यम्सेनो हुजु दुस्‍ट सेम्‍ज्‍येन्की छाप् कीन्‍बलतेङ् हुजुइ ख्‍लत तेन्‍बलमात छल् लबल मुबल। हुजु ङ्‍हीतनो लुम्‍टीबे मेतेङ् गन्‍धक्‍की ग्‍येन्‍हङ् सोम्‍बोनो ख्‍लापीत्‍ज्‍यी।


ए सैतान्‍की ठी मुबे ग्‍लारी टीब पङ्‍बे तम् ङचे स्‍येःब, तर एङ्‍यीमाचे ङत बीस्‍वास् स्‍य्‍हेङ्‍ब पीत्‍पल अरे। ङइ बीस्‍वासीलो साक्षी एन्‍टीपास्‍त सैतान् टीबे एङ्‌यीमाकी सहर्‌री सेत्‍पे बेलोरीएनो एङ्‍यीमाचे ङत बीस्‍वास् स्‍य्‍हेङ्‍ब अपीत्।


“तर चोतेबे भ्‍युकी तम् अङ्‍येन्‍बे ओसेम् कोइ कोइचे पङ्‍बे सैतान्‍की र्‌हस्‍यइ तम्‍मा अलोप्‍पे थीआटीराकी मन्‍डलीरी मुबे ल्‍हो-ल्‍होमात ङ पङ्‍ब, ङ एङ्‌यीमात ल्‍हो-ल्‍हो य्‍हक्‍को तम्‍मा ङ्‌येनो पङ्‌स्‍ये अरे।


एचे नाबे दुखमा ङचे स्‍येःब, ओसेम् ए प्रङ्‍न मुब पङ्‍बे तम्‍एनो ङचे स्‍येःब, तर एमी पर्‌मेस्‍वर्‌की ङोन्‍री बरु मुब! यहुदी अय्‍हीन्‍लेएनो र्‌हङ् यहुदी य्‍हीन्‍ब पङ्‍बलमाचे एइ बीरुद्‍दरी स्‍य्‍हेङ्‌बे नीन्‍द ङचे स्‍येःब, थेङ्‍यीमामी सैतान्‍की तम् ङ्‌येन्‍बे समुह य्‍हीन्‍ब।


जम्‍मनो य्‍हुल्‍की म्‍हीमात छल् लबे हुजु सैतान्‍त लुम्‍टीबे मेतेङ् गन्‍धक्‍की ग्‍येन्‍हङ् ख्‍लापीत्‍ज्‍यी, हुजुरी दुस्‍ट सेम्‍ज्‍येन्‍तेङ् भ्‍युकी अगम्‍बक्‍तएनो ङोन्‍ग्‍यम्‍नो ख्‍लापीत्‍पल मुबल। थेङ्‍यीमाचे हुजुरी खेमपङ्‍लेनोइ लागीरी दीन्म्‍हुन्‍नो दुख नास्‍ये मुब।


ओसेम् थे जम्‍बुलीङ्‌की जम्‍मनो य्‍हुल्‍माकी म्‍हीमात छल् लबरी ङ्‌यीस्‍ये मुब। हुजु य्‍हुल्‍माकी म्‍हीमात गोग्‍तेङ् मागोग् पङ्‍ब। ओसेम् सैतान्‍चे थेङ्‍यीमात छेत्पे लक् स्‍य्‍हेङ्‌बरी र्‌हुब् लस्‍ये मुब। ओसेम् थेङ्‍यीमामी समुन्‍द्रइ यरी मुबे बलुवमा र्‌हङ्‍ले ज्‍याब अखम्‍ब सम्‍म तस्‍ये मुब।


च्‍यागो, यहुदी य्‍हीन्‍ब पङ्‍ज्‍यीम् भ्‍यु पङ्‍बे सैतान्‍की म्‍हीमात ङ एइ कङ्‍री स्‍य्‍हु लबुङ्‍स्‍ये मुब, ओसेम् ङचे एत म्‍होइब पङ्‍बे तम् थेङ्‍यीमात गोनलस्‍ये मुब।


हुजुलीप्‍चे पाचौ स्‍वर्‌गदुत्‍चे थेइ तुरही र्‌हप्‍ज्‍यी ओसेम् ङचे मुग्‍यम्‍से सार् गी सरी तइयुबल म्रङ्‌ज्‍यी। हुजु सार्‌त दप्‍ज्‍यीम् दप्‍प अखम्‍बे नुप्‍पे व्‍हङ्‍की साचो पीन्‍ज्‍यी।


हुजु महामारीरी अस्‍यीबे म्‍हीमाचे र्‌हङ्‌की दुस्‍ट लक्‍मा ग्‍यम्‍से पस्‍चताप् अस्‍य्‍हेङ्। थेङ्‍यीमाचे म्‍हङ्‍मात तेन्‍ब अपीत्, ओसेम् थेङ्‍यीमाचे म्रङ्‌ब, थ्‍येःब ओसेम् ब्रब अखम्‍बे म्‍हर्, म्‍हुइ, स्‍हङ्‍मो, युङ्‍बतेङ् स्‍यीङ्‍माकी ख्‍लमात तेन्‍ब अपीत्।


Lean sinn:

Sanasan


Sanasan