प्रकास 1:4 - पश्चिम तामाङ4 ङ युहन्ना ग्यम्से एसीया प्रदेस्री मुबे मन्डली ङ्यीस्त लस्सो: पर्मेस्वर् मुब, मुबल ओसेम् ब्योन्खजेत्टीब, ओसेम् थेङ्की ठीइ ङोन्री मुबे आत्मा ङ्यीस् ग्यम्से एङ्यीमात अनुग्रहतेङ् सान्ती तखइ। Faic an caibideil |
प्रकास 1:4
41 Iomraidhean Croise
ङ ख्रीस्ट्री एङ्यीमाकी अज्यो युहन्ना य्हीन्ब। ओसेम् येसुत बीस्वास् स्य्हेङ्बल तज्यीम् एङ्यीमातेङ् बक्च्य ङचेएनो नाज्यीम् दुख नाटीबल मुब, हुजु दुखमी पर्मेस्वर्की य्हुल्री मुबलमात खब। पर्मेस्वर्की फ्रोइतेङ् येसु ख्रीस्ट्की बारेरी स्येत्पल तज्यीम् ङत म्हीमाचे पत्मोस् पङ्बे टापुरी च्युप्ज्यीम् थेन्बल मुबल।
हुजु सोम्बो सेम्ज्येन् ब्लील ब्यप्मा डु-डु मुबल, ओसेम् हुजु ब्यप्माकी फेपट्टीतेङ् न्हङ्पट्टी पट्टी ङ्य्हीनो मीःमाचे प्लीङ्बल मुबल। थेङ्यीमाचे दीन् म्हुन्नो य्हम्एनो थेन् अतनले चोले व्हइ कोटीब मुबल, “पबीत्र, पबीत्र, पबीत्र परमप्रभु सक्तीसाली पर्मेस्वर् थेङ् मुबल ओसेम् मुब ओसेम् खेम पङ्लेनो तजेत्स्ये मुब।”
हुजु लीप्चे ङचे ठीइ रेइरी थुमा गीः रप्जेत्टीबल म्रङ्ज्यी, हुजु ठीतेङ् थुमाकी कोरोरो सोम्बो सेम्ज्येन्मा ब्ली मुबल, ओसेम् थेङ्यीमा जम्मइ कोरोरो खल् गीः स्यी ब्ली एल्डर्मा मुबल। हुजु थुमामी ङोन्ग्यम् सेत्ज्यीम् सोबल र्हङ्ब म्रङ्ब मुबल। थेङ्ल रुमा ङ्यीस्तेङ् फेन्मा ङ्यीस् मुबल, हुजुमामी जम्बुलीङ्की जम्मनो ग्लामारी पीत्जेत्पे पर्मेस्वर्की आत्मामा ङ्यीस् य्हीन्ब।
Sanasan