फीलीप्‍पी 3:17 - पश्‍चिम तामाङ

¹⁷ ङइ बीस्‍वासी र्‌होमा, ङचे स्‍य्‍हेङ्‍ब र्‌हङ्‌ले एङ्‌यीमाचेएनो स्‍य्‍हेङो, ङ्‌यीमा एङ्‌यीमाकी लागीरी नमुना तबल मुब। होत्‍तज्‍यीम् एङ्‍यीमाचे चु नमुना अनुसार ब्रबलमा ग्‍यम्‍से लोप्‍थोब।

फीलीप्‍पी 3:17 Iomraidhean Croise

रोमी 16:17

बीस्‍वासी र्‌होमा, ङ एङ्‌यीमात फ्‍या लब, एङ्‌यीमाकी गुङ्‍री थीनलबतेङ् एङ्‌यीमाकी बीस्‍वास्‍त थोक्‍नलबे म्‍हीमा ग्‍यम्‍से होसीयार्‌ले टीउ। एङ्‌यीमाचे ङ्‌यीमा ग्‍यम्‍से लोप्‍पे तम्‍माकी बीरोद् थेङ्‍यीमाचे स्‍य्‍हेङ्‍ब। होतेबे म्‍हीमा ग्‍यम्‍से थारीङ्‍नो टीउ।

१ कोरीन्‍थी 10:32

एङ्‍यीमाचे यहुदीमा य्‍हीन्‍लेनो, यहुदी अय्‍हीन्‍बे म्‍हीमा य्‍हीन्‍लेनो, ओसेम् पर्‌मेस्‍वर्‌की मन्‍डली य्‍हीन्‍लेनो खल्‍तएनो न्‍होङ्‍नलबे लक् थस्‍हेङो।

१ कोरीन्‍थी 11:1

ङचे ख्रीस्‍ट्‍चे स्‍य्‍हेङ्‌जेत्‍प र्‌हङ्‌ले स्‍य्‍हेङ्‍ब, एङ्‌यीमाचेएनो ङचे स्‍य्‍हेङ्‍ब र्‌हङ्‌ले स्‍य्‍हेङो।

१ कोरीन्‍थी 4:16

होत्‍तज्‍यीम् एङ्‌यीमाचेएनो ङचे र्‌हङ्‌ले स्‍हेङो बी ङ एङ्‍यीमात फ्‍या लब।

फीलीप्‍पी 4:9

एङ्‌यीमाचे ङ ग्‍यम्‍से खजु तम् लोप्‍ज्‍यी, ग्रहन् लज्‍यी, थ्‍येःज्‍यी ओसेम् ङतेङ् म्रङ्‍ज्‍यी, हुजुनो स्‍य्‍हेङो, ओसेम् सान्‍ती न्‍हङ्‍जेत्‍पे पर्‌मेस्‍वर् एङ्‍यीमातेङ् तजेत्‍स्‍ये मुब।

१ थेस्‍लोनीकी 1:6

एङ्‌यीमाचेएनो ङ्‌यीमातेङ् प्रभुचे र्‌हङ्‌लेनो म्‍हीमा ग्‍यम्‍से य्‍हक्‍को दुख यङ्‍मेएनो पबीत्र आत्‍माचे न्‍हङ्‌बे सम्‍तर्‌त तङ् तङ्‌ज्‍यीम् ग्रहन् स्‍य्‍हेङ्‌ज्‍यी।

२ थेस्‍लोनीकी 3:14

एङ्‍यीमान्‍हङ्‍री खल्‍चे पङ्‌लेनो ङ्‌यीमाचे चु चीठीरी ब्रीबे तम् अङ्‌येन्‍ज्‍यी पङ्‌सम् हुजु म्‍हीत स्‍येज्‍यीम् थेइ सङ्‍गत थस्‍येङो। होले स्‍य्‍हेङ्‌ज्‍यी पङ्‌सम् थे र्‌हङ्‌नो पेत्‍स्‍ये मुब।

२ थेस्‍लोनीकी 3:7

तलेपङ्‍सम् ङ्‌यीमाचे स्‍य्‍हेङ्‌ब र्‌हङ्‌लेनो एङ्‌यीमाचेएनो स्‍य्‍हेङ्‍थोब पङ्‍बे तम् एङ्‍यीमाचे स्‍येब। ङ्‌यीमा एङ्‌यीमातेङ् बक्‍च्‍य मुबे बेलोरी ब्‍लेकु तज्‍यीम् अटी।

२ थेस्‍लोनीकी 3:9

एङ्‍यीमा ग्‍यम्‍से ङ्‍यीमात र्‌हो यङ्‌बे हक् अरेबल तज्‍यीम् अय्‍हीन्, तर एङ्‌यीमाकी लागीरी नमुन ङोन्‍बे लागीरी चोले स्‍य्‍हेङ्‌ज्‍यी।

१ तीमोथी 4:12

ए ब्‍योन् तबल तज्‍यीम् खल्‍चेएनो एत अब्रखइ। बीस्‍वासीमाकी ङोन्‍ग्‍यम् एचे पङ्‍बे तम्‍री, लक्‍री, म्‍होइबतेङ् बीस्‍वास्‍री ओसेम् जम्‍मनो तम्‍री चोखो तज्‍यीम् ए नमुना तउ।

हीब्रु 13:7

एङ्‌यीमात ङोन्‍ग्‍यम् परमेस्‍वरकी फ्रोइ लोप्‍पे अगुवामात व्‍हल् लउ। थेङ्‌यीमा सोम्‍बो मुबे बेलोरी खतेबे जीवन सोज्‍यी व्‍हल् लउ। एङ्‌यीमाचेएनो थेङ्‍यीमाचे स्‍य्‍हेङ्‍ब र्‌हङ्‌बे वीस्‍वास स्‍य्‍हेङो।

१ पत्रुस 5:3

एङ्‌यीमाकी जीम्‍मरी मुबलमात हक् लब अय्‍हीन्, तर थेङ्‍यीमाकी ङोन्‍ग्‍यम् र्‌हङ् नमुन तउ।