फीलीप्‍पी 2:11 - पश्‍चिम तामाङ

¹¹ ओसेम् येसु ख्रीस्‍ट्‍नो प्रभु य्‍हीन्‍ब पङ्‍ज्‍यीम् जम्‍मचेनो, पर्‌मेस्‍वर् अपइ महीमकी लागीरी पङ्‌स्‍ये मुब।

फीलीप्‍पी 2:11 Iomraidhean Croise

मत्‍ती 10:32

“ङत म्‍हीमाइ ङ्‍होन्‍सङ् स्‍वीकार स्‍य्‍हेङ्‍बलमात ङचेएनो थेङ्‌यीमात ङइ स्‍वर्‌गइ अपइ ङ्‍होन्‍सङ् स्‍वीकार स्‍य्‍हेङ्‌स्‍ये मुब।

लुका 2:11

तीङ्‌यी दाऊदकी सहर्‌री मुक्‍तीदाता ख्रीस्‍ट् न्‍हबल मुब। थेनो ख्रीस्‍ट् प्रभु य्‍हीन्‍ब।

युहन्‍ना 12:42

होलेतलेनो य्‍हक्‍को र्‌हङ्‍ब यहुदी अगुवामाचे थेङ्‌त बीस्‍वास् स्‍य्‍हेङ्‌ज्‍यी, तर फरीसीमाचे थेङ्‌यीमात यहुदीमा र्‌हुब् तबे दीम्‍चे तेत्‍लाल बी लोङ्‍बल तज्‍यीम् चु तम् खलतएनो अस्‍येत्।

युहन्‍ना 13:13

एङ्‍यीमाचे ङत लोप्‍पोन्‍तेङ् प्रभु पङ्‍ब। हुजु तम् ठीक्‍नो य्‍हीन्‍ब, तलेपङ्‍सम् एङ्‌यीमाकी लोप्‍पोन्‍तेङ् प्रभु ङनो य्‍हीन्‍ब।

युहन्‍ना 13:14

ङ एङ्‌यीमाकी लोप्‍पोन्‍तेङ् प्रभु तज्‍यीमएनो एङ्‌यीमाकी कङ् ख्रुब पङ्‌सम् एङ्‌यीमाचेएनो र्‌हङ्‌न्‍हङ्‌री गीःचे गीःकी कङ् ख्रुथोब।

युहन्‍ना 14:13

एङ्‍यीमाचे ङइ मीन्‍री ता र्‌हीत्‍लेनो ज ग्‍यम्‍से अपइ महीमा तखइ पङ्‍ज्‍यीम् हुजु ङचे टोप् लपीन्‍स्‍ये मुब।

युहन्‍ना 14:23

येसुचे थेत जोहप् न्‍हङ्‌ज्‍यी, “ङत म्‍होइबलमाचे ङचे पङ्‍बे तम् ङ्‌येन्‍ज्‍यीम् ब्रब। ओसेम् थेङ्‌यीमात ङइ अपचे म्‍होइजेत्‍स्‍ये मुब, ओसेम् अपतेङ् ङ थेङ्‌यीमाज युज्‍यीम् थेमातेङ् बक्‍च्‍य टीस्‍ये मुब।

युहन्‍ना 17:1

चु तम् सुङ्‍जेत्‍प बीसेम् येसुचे स्‍वर्‌गतोर् स्‍हीज्‍यीम् चोले प्रार्‌थना स्‍य्‍हेङ्‍जेत्‍ज्‍यी, “अप, बेलो खबल मुब, जचे थेङ्‌की महीमा स्‍य्‍हेङ्‌खइ पङ्‍ज्‍यीम् थेङ्‌की जत महीमा न्‍हङ्‍जेतो।

युहन्‍ना 20:28

ओसेम् थोमाचे, “थेङ् ङइ प्रभुतेङ् ङइ पर्‌मेस्‍वर् य्‍हीन्‍ब!” पङ्‍ज्‍यी।

युहन्‍ना 5:23

होत्‍तज्‍यीम् थेङ्‍यीमाचे अपत स्‍य्‍हेस स्‍य्‍हेङ्‌ब र्‌हङ्‌लेनो जतएनो स्‍य्‍हेस स्‍य्‍हेङ्‌खइ। ओसेम् जत स्‍य्‍हेस अस्‍य्‍हेङ्‌बलचे थेत पीत्‍युजेत्‍पे अपतएनो स्‍य्‍हेस अस्‍हेङ्।

युहन्‍ना 9:22

यहुदी अगुवामातेङ् लोङ्‍बल तज्‍यीम् कन ग्‍यम्‍से मीः फेन्‍बे हुजु म्‍हीइ अप अमचे चोले पङ्‍ज्‍यी, तलेपङ्‍सम् यहुदीमाचे खल खल्‍चे येसुत मुक्‍ती न्‍हङ्‌बे ख्रीस्‍ट् पङ्‍ब थेङ्‌यीमात यहुदीमा र्‌हुब तबे दीम् ग्‍यम्‍से तेत्‍थोब पङ्‍बे तम् ङोन्‍नो डीःज्‍यीन्‍बल मुबल।

प्रेरीत् 10:36

येसु ख्रीस्‍ट् ग्‍यम्‍से इस्राएलीमाकी गुङ्‍री पर्‌मेस्‍वर्‌चे पीत्‍खजेत्‍पे सान्‍ती यङ्‌बे ज्‍यबे सम्‍तर् एङ्‍यीमाचे स्‍येःबलनो मुब। हुजु येसुनो जम्‍मइ प्रभु य्‍हीन्‍ब।

प्रेरीत् 2:36

“होत्‍तज्‍यीम् इस्रएलकी जम्‍मा म्‍हीमाचे चु तम् स्‍येःनोथोब- एङ्‍यीमाचे क्रुस्‍री च्‍योज्‍यीम् सेत्‍पे येसुतनो पर्‌मेस्‍वर्‌चे प्रभुतेङ् मुक्‍ती न्‍हङ्‌बे ख्रीस्‍ट् ङ्‌हीनो स्‍य्‍हेङ्‍जेत्‍ज्‍यी।”

रोमी 14:11

धर्‌म छ्‍येःरी ब्रीबल मुब, “पर्‌मप्रभुचे सुङ्‌जेत्‍प, ‘ङ सोम्‍बो पर्‌मेस्‍वर् य्‍हीम्‍ब, जम्‍मनो म्‍हीमाचे ङइ ङोन्‍री पुइ जुःस्‍ये मुब, ओसेम् जम्‍मनो म्‍हीमाइ लेचे पर्‌मेस्‍वर्‌त तोप्‍स्‍ये मुब।’”

रोमी 14:9

तलेपङ्‍सम् ख्रीस्‍ट् स्‍यीब ग्‍यम्‍से देबेएनो सोजेत्‍ज्‍यी, होत्‍तज्‍यीम् थेङ् स्‍यीबलमातेङ् सोबलमा जम्‍मइ प्रभु तजेत्‍ज्‍यी।

१ कोरीन्‍थी 12:3

होत्‍तज्‍यीम् एङ्‍यीमाचे चु तम् गोखइ पङ्‍बे सेम् ङल मुब, पर्‌मेस्‍वर्‌की आत्‍मा ग्‍यम्‍से तम् पङ्‍बे म्‍ही खल्‍चेएनो “येसुत केम्‍लङ् फोःखइ” बी अपङ्, ओसेम् पबीत्र आत्‍माइ अगुवाइ यङ्‍बे म्‍हीचेकीनो, “येसुनो प्रभु य्‍हीन्‍ब” बी पङ्‍ब खम्‍ब।

१ कोरीन्‍थी 15:47

ङोन्‍ग्‍यम्‍की म्‍ही आदम्‍मी जम्‍बुलीङ्‌की सेप्रचे स्‍य्‍हेङ्‌जेत्‍ज्‍यी, लीक्‍यम्‍की म्‍ही ख्रीस्‍ट्‍मी स्‍वर्‌ग ग्‍यम्‍से ब्‍योन्‍युजेत्‍ज्‍यी।

१ कोरीन्‍थी 8:6

तर ङ्‍य्‍हङ्‍माकी लागीरीम् पर्‌मेस्‍वर् गीकीनो मुब थेङ्‍नो अप य्‍हीन्‍ब। जम्‍म थोइ स्‍हेःमा थेङ्‍चे स्‍य्‍हेङ्‍जेत्‍ज्‍यी, ओसेम् थेङ्‌की लागीरी ङ्‍य्‍हङ्‍मा सोब। ओसेम् ङ्‍य्‍हङ्‍माकी लागीरी प्रभु गी:कीनो मुब, थेङ् येसु ख्रीस्‍ट् य्‍हीन्‍ब। थेङ् ग्‍यम्सेनो जम्‍मनो स्‍हे:मा स्‍य्‍हेङ्‍जेत्‍ज्‍यी, ओसेम् थेङ् ग्‍यम्सेनो ङ्‍य्‍हङ्‍मा सोब।

१ पत्रुस 1:21

ख्रीस्‍ट् ग्‍यम्‍से एङ्‍यीमाचे पर्‌मेस्‍वर्‌त बीस्‍वास् स्‍य्‍हेङ्‍बल मुब, तलेपङ्‍सम् पर्‌मेस्‍वर्‌चेनो ख्रीस्‍ट्‍त स्‍यीब ग्‍यम्‍से सोनलजेत्‍ज्‍यीम् महीमा न्‍हङ्‍जेत्‍ज्‍यी, होत्‍तज्‍यीम् एङ्‌यीमाकी बीस्‍वास्‍तेङ् आस् पर्‌मेस्‍वर्‌री मुब।

१ युहन्‍ना 4:15

येसुनो पर्‌मेस्‍वर्‌की ज य्‍हीन्‍ब बी स्‍वीकार लबे म्‍हीतेङ् पर्‌मेस्‍वर् स्‍य्‍हुजेत्‍प, ओसेम् थे पर्‌मेस्‍वर्‌तेङ् टीब।

१ युहन्‍ना 4:2

खल्‍चे येसु ख्रीस्‍ट् म्‍हीइ ल्‍हीरी ब्‍योन्‍खज्‍यी बी पङ्‍ब थे पर्‌मेस्‍वर् ग्‍यम्‍से खबे आत्‍मा य्‍हीन्‍ब। चोले एङ्‍यीमाचे पर्‌मेस्‍वर्‌की आत्‍मात स्‍येस्‍ये मुब।

२ युहन्‍ना 1:7

येसु ख्रीस्‍ट् म्‍हीइ ल्‍ही तज्‍यीम् युबल अय्‍हीन् पङ्‍ज्‍यीम् लुबे म्‍हीमा य्‍हक्‍कोनो जम्‍बुलीङ्‌री खबल मुब। चोतेबे म्‍हीमाम् लुबलमातेङ् ख्रीस्‍ट् बीरोधीमा य्‍हीन्‍ब।

प्रकास 3:5

खल्‍चे डाब, थेत चोले तर् येन् येन्‍पीन्‍स्‍ये मुब, ओसेम् ङ जीवन्‍की छ्‍येः ग्‍यम्‍से थेइ मीन् खेमेएनो मेर्‌तीस्‍ये अरे। ङ थेत ङइ अपतेङ् थेङ्‍की स्‍वर्‌गदुत्माकी ङोन्‍री ङइ म्‍ही पङ्‌स्‍ये मुब।