फीलीप्‍पी 1:9 - पश्‍चिम तामाङ

⁹ ङइ प्रार्‌थना मुब की एङ्‌यीमाकी चु म्‍होइब ज्ञान्‍तेङ बुद्‍दीरी य्‍हक्‍को तबोर्‌स्‍यीनो टीखइ।

फीलीप्‍पी 1:9 Iomraidhean Croise

१ कोरीन्‍थी 14:20

म्‍होइबे र्‌होमा, कोलमाचे म्‍हेन्‍ब र्‌हङ्‌ले म्‍हेन्‍ब पीत्‍थोब। एङ्‍यीमामी ताएनो दुस्‍ट लक्‍मा अस्‍य्‍हेङ्‌बे ज्‍यीद कोलमा र्‌हङ्‍ब तथोब, तर सेम्‍री म्‍हेन्‍बतेङ् बीचार् लबरीम् सेम् च्‍यीप्‍पे म्‍हीमा र्‌हङ्‍ब तथोब।

२ कोरीन्‍थी 8:7

एङ्‍यीमा बीस्‍वास् स्‍य्‍हेङ्‌बरी, लोप्‍परी, ज्ञान्‍री, ल्‍हो-ल्‍होत आर् पीन्‍बरी ओसेम् ङ्‌यीमाचे एङ्‌यीमात म्‍होइब र्‌हङ्‌ले ल्‍हो-ल्‍हो म्‍हीमात म्‍होइबरी जम्‍मनो लक्‍मारी ज्‍यब र्‌हङ्‌ले चु टङ पीन्‍ज्‍यीम् र्‌हो लबे लक्‍एनो य्‍हक्‍को स्‍य्‍हेङ्‌बे सेम् लउ बी ङ्‌यीमाचे म्‍हेन्‍ब।

एफीसी 5:17

होत्‍तज्‍यीम् मुर्‌ख थतउ, तर एङ्‌यीमाचे ता स्‍य्‍हेङ्‌खइ पङ्‍बे थुः प्रभुल मुब हुजु गोउ।

कलस्‍सी 1:9

होत्‍तज्‍यीम् ङ्‌यीमाचे एङ्‌यीमाकी बारेरी थ्‍येब य्‍हङ्‌सेनो ङ्‌यीमाचे खेम पङ्‌लेनो एङ्‌यीमाकी लागीरी प्रार्‌थना स्‍य्‍हेङ्‌स्‍यीनो टीब। पबीत्र आत्‍माचे न्‍हङ्‍जेत्‍पे ज्ञान्‍तेङ् गोब ग्‍यम्‍से तज्‍यीम् एङ्‍यीमाचे पर्‌मेस्‍वर्‌चे थुः लजेत्पे जम्‍मनो तम्‍मा ज्‍यनले स्‍येःब खम्‍खइ पङ्‍ज्‍यीम् प्रार्‌थना स्‍य्‍हेङ्‍स्‍यीनो टीब।

कलस्‍सी 3:10

देरेम् एङ्‌यीमाचे छार् जीवन् यङ्‌बल मुब। ओसेम् जम्‍मनो स्‍हेमा स्‍य्‍हेङ्‍जेत्‍पे पर्‌मेस्‍वर्‌त एङ्‍यीमाचे देमेन्‍नो स्‍येःखइ पङ्‍ज्‍यीम् थेङ्‍चे एङ्‌यीमात थेङ् र्‌हङ्‍बनो तनलजेत्‍टीब।

१ थेस्‍लोनीकी 3:12

ङ्‌यीमाचे एङ्‌यीमात म्‍होइब र्‌हङ्‌लेनो एङ्‌यीमाचेएनो गीचे गीःत ओसेम् म्‍हीमा जम्‍मतनो झेन् झेन्‍नो म्‍होइबरी प्रभुचे र्‌हो लजेत्‍खइ।

१ थेस्‍लोनीकी 4:1

ज्‍युरी ङइ र्‌होमा, एङ्‍यीमाचे ङ्‌यीमा ग्‍यम्‍से पर्‌मेस्‍वर् तङ्‍नले ब्रब लोप्‍पल मुब। ओसेम् एङ्‍यीमाचे हुजु र्‌हङ्‌लेनो ब्रटीबल मुब। देरेम् झेन्‍नो पर्‌मेस्‍वर्‌त य्‍हक्‍को तङ्‍नले ब्रस्‍यीनो टीउ बी प्रभु येसु ख्रीस्‍ट्‍की छेन्‍री एङ्‌यीमात फ्‍या लब।

२ थेस्‍लोनीकी 1:3

र्‌होमा, एङ्‌यीमाकी बीस्‍वास् य्‍हक्‍को तबोर्‌टीबल मुब। ओसेम् एङ्‍यीमाचे गीःचे गीःत झेन् य्‍हक्‍को म्‍होइस्‍यीनो टीबोर्‌बल मुब। होत्‍तज्‍यीम् एङ्‌यीमाकी लागीरी ङ्‌यीमाचे पर्‌मेस्‍वर्‌त खेम पङ्‌लेनो व्‍होर्‌छ्‍ये पीन्‍थोब।

फीलेमोन 1:6

एचे बीस्‍वासीमातेङ् सङ्‍गतीमा य्‍हक्‍को स्‍य्‍हेङ्‌खइ ओसेम् पर्‌मेस्‍वर्‌चे ङ्‍य्‍हङ्‍मात न्‍हङ्‍जेत्‍पे जम्‍मनो ज्‍यबे तम्‍मा एङ्‍यीमाचे ज्‍यनले गोब खम्‍बे सक्‍ती यङ्‍खइ बी ङचे प्रार्‌थना स्‍य्‍हेङ्‍ब, तलेपङ्‍सम् ङ्‍य्‍हङ्‍माचे ख्रीस्‍ट्‍री बीस्‍वास् स्‍य्‍हेङ्‍ब।

हीब्रु 5:14

तर कोङ्‌बे चबमी छर्‌ज्‍यीन्‍बे म्‍हीइ लागीरी य्‍हीन्‍ब। थेचेम् ज्‍यबतेङ् अज्‍यब फेःब खम्‍बे तालीम् यङ्‍ज्‍यीन्‍बल तब।

१ पत्रुस 1:22

देरेम् एङ्‍यीमाचे देमेन्‍की फ्रोइत ङ्‌येन्‍ज्‍यीम् र्‌हङ्‍की सेम् सुद्‍द स्‍य्‍हेङ्‍बल मुब, ओसेम् र्‌हङ्‍की बीस्‍वासी र्‌होमात देमेन्‍ले म्‍होइगो, एङ्‍यीमाचे गीःचे गीःत सेम्‍न्‍हङ् य्‍हङ्‌सेनो म्‍होइगो।

२ पत्रुस 3:18

तर खेम पङ्‌लेनो ङ्‍य्‍हङ्‍की प्रभुतेङ् मुक्‍तीदाता येसु ख्रीस्‍ट्‍की अनुग्रहतेङ् ज्ञान्‍री य्‍हक्‍को तस्‍यीनोबोरो। देरे ओसेम् खेम पङ्‌लेनो थेङ्‍तनो तोप्‍प तखइ। आमेन्!